နန်းတွင်းမှာပဲတဖြည်းဖြည်းအရွယ်ရောက်လာတဲ့သားတော်လေးရှောင်ယွင်ကသူ့မယ်တော်ဖြစ်တဲ့လင်းအာဆီကအမွေရထားတဲ့မျက်လုံးဝိုင်းဝိုင်းလေးတွေနဲ့ဖြူစင်တဲ့အပြုံးလေးကြောင့် စန်းထန်မှာသူသားတော်ကိုသူအသည်းယားလို့မဆုံးပေ စိတ်ထဲရှိတဲ့အတိုင်းသာဆိုသူ့ရင်ခွင်ထဲထည့်ထားကာဖက်ထားပြီးသားတော်ကိုဘယ်လောက်ချစ်ကြောင်းတွေပြောပြချင်ပေမယ့် လက်တွေ့မှာတော့ရှောင်ယွင်ကိုမရှိတဲ့သားတော်လိုပင်သဘောထားကာပစ်ပယ်ထားမိသည် မှတ်မှတ်ရရသားတော်လေး5နှစ်အရွယ်တုန်းက စန်းထန်တစ်ယောက် နန်းတွင်းဥယျာဉ်တော်ထဲမှာထိုင်ကာစာဖတ်နေခဲ့သည်
"ခမည်းတော်.."
အသံသေးသေးလေးကြောင့် စန်းထန်စာဖတ်နေရာမှလှမ်းကြည့်မိတော့ ဝတ်ဆင်ထားတဲ့အပြာနုရောင်ဝတ်စုံလေးကိုမပြီးသူ့ဆီကိုပြေးလာနေတဲ့ရှောင်ယွင်က ဝလုံးလုံးလေးနဲ့ချစ်စရာလေးပင် သူ့မျက်စိထဲမှာတော့မုန်လာဥဖြူလည်းပြေးလာနေသယောင်ပင်
"ခမည်းတော်စာဖတ်နေတာပဲ..."
"ကိစ္စရှိလို့လား သားတော်.."
"ဟုတ်..ခမည်းတော်..သားတော်လည်းအစ်ကိုတော်လိုဓားရေးသင်ချင်တယ်..ပြီးတော့မြှားပစ်ရောပဲ.."
သူ့ကိုမျော်လင့်ချက်တွေပြည့်နှက်နေတဲ့မျက်ဝန်းနဲ့တောင်းဆိုနေတဲ့ရှောင်ယွင်ကိုကြည့်ပြီး စန်းထန်မငြင်းပယ်ရက်ပေ
"သားတော်ကငယ်သေးတယ်လေ..သားတော့သင်ချင်ရင်.."
5နှစ်အရွယ်ဆိုတာဓားရေးတွေသင်ဖို့ငယ်လွန်းသေးသည်ဟု့စန်းထန်ထင်သောကြောင့် 10နှစ်လောက်မှသင်ဖို့ရှောင်ယွင်ကိုစကားစဖို့ရှိသေးသည် ရှောင်ယွင်အနောက်ဖက်ကနေသူ့ကိုခွင့်မပြုဖို့အကြည့်များနဲ့ကြည့်နေတဲ့အမတ်ကြီးဝမ်ကြောင့် စန်းထန်မှာပြောဖို့စကားတို့ရပ်တန့်သွားရတော့သည် သူသာသားတော်ကိုအရေးပေးဆက်ဆံကြောင်းပြလိုက်ရင်သားတော်အသက်အန္တရာယ်ရှိတော့မှာပဲ
"မသင်ရဘူး..."
"ခမည်းတော်..."
"ဘုရင်တစ်ပါးအနေနဲ့အမိန့်ပေးတယ် ပိုင်ရှောင်ယွင်ဘယ်တော့မှသိုင်းပညာမသင်ယူရဘူး..."
YOU ARE READING
If The Love Is True(Completed)
General Fiction(A.N-ဒီFicထဲ႐ွိဇာတ္လမ္းဇာတ္ကြက္မ်ားသည္သာသာ၏စိတ္ကူးယဥ္ဖန္တီးမႉမ်ားသာျဖစ္သည္ သက္႐ွိသက္မ့ဲ မည္သူ႔တစ္ဦးတစ္ေယာက္ကိုမွထိခိုက္ေစလိုျခင္းမ႐ွိပါ) (A.N-ဒီFicထဲရှိဇာတ်လမ်းဇာတ်ကွက်များသည်သာသာ၏စိတ်ကူးယဉ်ဖန်တီးမှူများသာဖြစ်သည် သက်ရှိသက်မဲ့ မည...
