ရှောင်ယွင်တို့ကိုခေါ်ဆောင်သွားတဲ့လှည်းက တစ်နေရာရောက်တော့ ရပ်သွားလေသည် ထို့နောက်လူတချိူ့က လှည်းအနောက်ကတံခါးကိုဖွင့်လိုက်ပြီး ရှောင်ယွင်အပါဝင်သူတို့ဖမ်းထားတဲ့လူတွေကိုဆွဲချကြသည်
ရှောင်ယွင်သူ့မျက်စိရှေ့မှာမြင်နေရတဲ့အိမ်ကြီးကအတော်ကိုလှပလွန်းသည် မီးပုံးတွေပန်းမွှားတွေချိတ်ဆွဲထားကာ ဝရန်တာမှာပုဝါလေးတကိုင်ကိုင်နဲ့လှမ်းပြီးအချက်ပြနေကြတဲ့ မိန်းကလေးတွေကိုလည်းတွေ့ရသည်
'..ဒီနေရာက...ဆောင်ကြာမြိုင်!..'
"အထဲဝင်ကြလေ...ဘာလုပ်နေကြတာလဲ.."
အနောက်ကဖမ်းခေါ်လာတဲ့လူတွေက ရှောင်ယွင်တို့ကိုအတင်းဆောင်ကြာမြိုင်ထဲတွန်းပိုနေကြသည်
'ဟင့်အင်း..မသွားဘူး..အဲ့နေရာကြီးကိုမဝင်ချင်ဘူး...'
ရှောင်ယွင်နားထဲမှာလည်းငယ်ငယ်ကကြားခဲ့ရတဲ့စကားများကိုပြန်ကြားယောင်လာသည်
"အပျော်မယ်ရဲ့သားက..အပျော်မယ်ပဲဖြစ်မှာပေါ့..."
"မင်းနေရမယ့်နေရာကဆောင်ကြာမြိုင်မှာပဲ..ဒီနန်းတော်မှာမဟုတ်ဘူး.."
'မဟုတ်ဘူး....မသွားချင်ဘူး...ဟင့်အင်း..'
ရှောင်ယွင်တစ်ယောက် အတင်းရုန်းပြီးထွက်ပြေးဖို့လုပ်မိသည် သို့ပေမယ့်ဖမ်းထားတဲ့လူတွေကအတင်းချူပ်ထားသောကြောင့်အချည်းနှီးသာဖြစ်ရသည် ရှောင်ယွင်နဲ့တခြားဖမ်းထားတဲ့လူတွေကိုဆောင်ကြာမြိုင်အောက်ကမြေအောက်ခန်းထဲခေါ်ဆောင်သွားခြင်းခံရသည်
မြေအောက်ခန်းထဲရောက်တော့ ဝတ်ကောင်းစားလှဝတ်ထားတဲ့ယောကျာၤးလေးတစ်ယောက်က
"အင်း....သူတို့ပါးစပ်ကိုစည်းထားတဲ့ဟာတွေဖြုတ်လိုက်.."
သူရဲ့နောက်လိုက်တွေကလည်း ရှောင်ယွင်တို့ရဲ့ပါးစပ်ကိုပိတ်ပြီးစည်းထားတဲ့ပိတ်စတွေကိုဖြုတ်ပေးလိုက်သည် ထိုလူကဖမ်းထားတဲ့ထဲကကောင်မလေးတစ်ယောက်နားကပ်လာပြီး
"အင်း...မဆိုးဘူး..ရုပ်ရည်ကလည်းကြည့်ကောင်းတယ်..ခန္ဓာကိုယ်ကလည်းအတော်ပဲ.."
YOU ARE READING
If The Love Is True(Completed)
General Fiction(A.N-ဒီFicထဲ႐ွိဇာတ္လမ္းဇာတ္ကြက္မ်ားသည္သာသာ၏စိတ္ကူးယဥ္ဖန္တီးမႉမ်ားသာျဖစ္သည္ သက္႐ွိသက္မ့ဲ မည္သူ႔တစ္ဦးတစ္ေယာက္ကိုမွထိခိုက္ေစလိုျခင္းမ႐ွိပါ) (A.N-ဒီFicထဲရှိဇာတ်လမ်းဇာတ်ကွက်များသည်သာသာ၏စိတ်ကူးယဉ်ဖန်တီးမှူများသာဖြစ်သည် သက်ရှိသက်မဲ့ မည...
