#وضاقت_الأرض_بي
للكاتبة #لبنى_الموسوي
اكبر غلطه من تحب على الفطرة
الناس تريد واحد بالدغش خبره
بوكتـنـه الأهتمام الزايد يأذيـك
من تهتملة حيل ابن أدم تخسره
الما نعرف نميز وجهه من مگفاه
مستمتع وعايش عيـشة الشجـرة
بس اليگضي عمره بعزله حتى يطيب
يفـرطوا مـثل مـا تـتفـرط الأذره
الله علـى المـا يـهتـم لليـروحون
ليحيـر بدمعـته ولا بـچي يكـسره
بس العاشگ البـي غيـرة من يـموت
ما تقـبل غلـط كتـالتـه الذكـره
ولك يا ملح ضم گصتك وماصخ صير
الحـل والربـط بـيد الخايـن العـشره
مـا يهضمنـي اليشوه اعراض الناس
انـه اليهضمنـي ليـبـررلـه ويـعذره
ريحان.. باوعتله بنظرات عتب
نظرات تشرح الألم الزرعة بگلبي بعد ما حبه وغدر بي
نظرات كلها ندم
احاول اوصف بيها شعور الحقد الجاي احسنه اتجاه هالأنسان
الأنسان التحول بين ليلة ويوم
من روح تسكن جسمي السم يسري بدمي ويسحب مني العافيه شي ورى شي
حسيت على إسحاق سحبني من ايدي
جمار بعده واگف يباوع عليه مشينة من يمه ضربه حنظل چتف بچتف حيل
طلعنا من المحكمة وآنه انازع الموت
ما اعرف بشني چنت احسن بالضبط ويا إحساس منهن الأصح
من جهه اگولن ريحان قوية وراح تعديها
ومن جهه ثانية اگولن آنه اليوم وقعت على موتي موش بس ورقة طلاگي
تعبت كلش
الغصه تارسة زردومي وضلوعي قابضه على گلبي تحاول تسيطر علي گبل لا ينط من مكانة
وصلنا للسيارة صعدت ليوره
حطيت راسي ع الجامه واطلقت سراح دموعي
ابچي ريحان يمكن هالدموع تخفف من وجعچ ولو شوي
باوعت الجمار طلع من المحكمة
گبل غمضت عيوني وعدلت گعدتي ع السريع
خذلتني اي وجعتني همينه اي بس مستحيل تكسرني يا چذبة عمري وغلطة حياتي الأولى والأخيرة
تحركت السيارة واني دايرة وجهي عنه
خلي بس نظرات الكره والحقد تبقى مطبوعة بعقلي وگلبي
ما اريد غيرهن ذكرى منك
لهنا وكافي محيتك يجمار مثل ما تنمحي المواقف من عقل الطفل الصغير برمشة عين
غسق.. الضحويات چنت بالصالة اوكل ود
طبت ريحان سلمت وراحت بوجها للغرفة صاحتها الحجيه بس ما ردت مبين عليها تعبانة وحقها لأن الصار وياها الجبل ميحمله
گمت وديتها يم الجهال ورجعت
صاروا الولد بوجهي توهم طابين للصالة اجة إسحاق سحبني من ايدي للزاوية
- ريحان وين ؟!!
- طبت الغرفتها
- خليچ جارها غسق
عبن ما عدها غيرچ وتدرين الصار وياها مو شوي
- ميحتاج توصيني
بس اني تقصدت ما اروح وراها هسه
لأن شفتها ضايجة وشكلها حابة تظل وحدها حتى على امي ما ردت من حچت وياها
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
