وضاقت الأرض بي

البارت الثالث والثلاثون

#وضاقت_الأرض_بي

للكاتبة #لبنى_الموسوي

- شحچيلچ غسق

- احچي اسمعچ قابل اني غريبة

- ما ادري منين ابدي
من جمار الجاي احس اكو شي مكدر خاطرة وما يرضى يحچيلي بي

لو من نفسي
اليمكن اطلع حامل وسكري هالأيام كلة صاعد ولا يرضى ينزل شوي

- شنوووو
صدگ حامل ريحان

- شك موش يقين
عبن صارلها اكثر من اسبوع غايبتلي

- بشرفچ صدگ تحچين !!!
شمنتظرة متگوليلي غير تحللين حتى تراجعين دكتورة تنظم السكر الچ ساعة قبل

- هو اليوم نويت اگل الجمار ياخذني خاطر احلل

- اي حبابة مو تهملين نفسچ

دنحچي اتصل جمار
گال اطلعوا ايوب بالباب تمشينا بالگوة لأن ريحان كل شوية وتريد توگع من سكرها

اول ما صعدنا للسيارة گلتلها تجي وياية
ما قبلت بس ظليت الح لحد ما وافقت اتصلت على جمار بلغتة وهم بالگوة قبل لأن البارحة چانت يمنة

وصلنة للبيت
غيرت ملابسي ورحت يمها بالغرفة
للعصر صعدت الغرفتي لگيت إسحاق مبدل وديطلع

احتاريت شلون افتح ويا الموضوع
فشلة ما اگدر اگولة اخذنا نحلل حمل چان ديمشط رفع راسة باوعلي صافنة

- خير بوية رايدة شي

- اي
يعني اقصد عندك شغل هسه لو فارغ شوية

- ليش شني محتاجة گولي

- مو اني ريحان
شوية تعبانة خطية وتريد تراجع الدكتورة

- شمالها خوبن ما تشكي من سكرها

- اي بس لتخاف
يعني مثل العادة يرتفع وينزل وحدة

- چا يلا تجهزن بالعجل خاطر اردچن وياي

- خمس دقايق ونجهز مراح نعطلك

حچيتها ورحت للكنتور اركض
اخذت ملابسي ونزلت ع السريع الريحان بلغتها راح نروح وتحضرنة

طلعنة للصالة لگيت إسحاق گاعد ويا الحجية
ظلت تسأل ريحان شمالچ ومن شني تشكين بس ما گالت ع الحمل لأن حبت تتأكد قبل لا تحچي

وصلنة للدكتورة نزل إسحاق قبلنة
باوعنة علي بـ أستغرب مچنة متوقعي راح ينزل بس مع ذالك ما گدرنة نحچي ويا اولها وتاليها كلهم راح يعرفون بالسالفة

رادت تطب للمختبر وگفها صوتة
- الوين ماشية خوية ترى منا الدكتورة

- روحي ريحان اني افهمة

بس طبت للمختبر باوعلي بشك
- شمالها حامل !!

هزيت راسي بـ اي
گبل طلع سبحته من جيبة وگعد ع الكرسي يسبح بالاستغفار