وضاقت الأرض بي

البارت الثاني عشـر

#وضاقت_الأرض_بي

للكاتبة #لبنى_الموسوي

بعدني واگفة وكل جسمي يرجف عليها
دگ جهاز صهيب چان واگف بصفي باوعت هذا رقم غريب

هاي المكالمة الگلبت الموازين علية
المكالمة الخلتني اكره هاليوم الچان ابشع ايام حياتي
هذا اليوم الأتمنى اشيلة من تاريخ السنة
انتزعة وامحي من ايام عمري
هاليوم الچان فيصل بين حياتي ومماتي وسبب رئيسي الخسارتي النفسي ومستحيل اكو شي يعادل خسارة النفس او يجبر كسرها

كل الأيام الراحت وآنه عايشة بقلق
اكو شي داخلي يخليني ما ارتاح ما اتفائل ما اغمض عيني وآنه مرتاحة ولا اكون طبيعية ويا صهيب وكل الموجودين بالبيت بس مچنت اعرف شنو السبب

يمكن الأنسان لمن ينتظر مصيبة بحياتة
يحس بيها قبل لا تقتحمة يلمس وجعها ويذوق مرارتها قبل لا تحول أيامة البيض لأيام اسود من ليل رب العالمين

وهذا الي صار وياية
الكل چان يلومني بسبب حالتي النفسية
بس محد بيهم حس بالجاي احسن بي بلاية سبب

رد صهيب وكل جوارحي صارت ويا
- الووو
اي آنه تفضل ياهو وياي

خير ان شاء الله
شني يعني مجاي افهم اعليك ؟!!
ما اجي ليكم گبل لا تفهمني السالفة موش حچي هذا

بعدة يحچي باوعلي وراح للغرفة
رحت ورى وصلت يم الباب وگفت علمود اسمع لأن متأكدة اكو شي ورى هالمكالمة

چان يتعارك بس كلامة ممفهوم
شي واحد گدرت استوعبة الاتصال هذا اله علاقة بية

سد الخط وطلع
شافني گدامة گال شعندچ هنا ما جاوبتة لأن الوقت مو مناسب للنقاش

طبيت وسديت الباب وراية
آنه سمعت باچر تواعد حتى يمشي البغداد منا الباچر يصير خير ان شاء الله

شمس.. وصلنا للمستشفى واني الألم ياكل بية
راد ينزلني صخر ما گدرت ظهري ما احس بي عبالك مكسور

حبيب چان ويانة
طب جوة يركض جاب عربانة وانطاها الصخر
بالگوة تعاون هو وعمة صبيحة علمود يصعدوني بيها

دخلنا للمستشفى تلگتني الممرضة
گالت شعدها عمة شرحتلها الصار اخذتني وطبينا للصالة

يردون يصعدوني ع السدية ما اگدر
من الوجع گمت ابچي مثل الجهال حتى النسوان الي بالصالة التمن على صوتي

تعانوا شالوني واني اصرخ من الألم
توهم حاطيني ع السدية حسيت شي نزل علية گبل لزمت الدكتورة من ايدها

- فدوووة دكتورة
ساعديني ابني راح يوگع داحس بروحي انزف

- هسه عيني صبري

حچتها ورادت تفحصني
گبل دفعت ايدها شدتسوووين هي مال فحص تردين الطفل يوگع

- شنو جاي تعلميني شغلي