وضاقت الأرض بي

البارت الثالث والثلاثون

#وضاقت_الأرض_بي

للكاتبة #لبنى_الموسوي

ملاحظة/ اعذروني عن التأخير بالگوة كتبت البارت
ما نقحتة عدوها اذا بي اغلاط لأن الوقت تأخر كلش
وادعوا تعدي المشكلة الوگعت بيها شمش بسبب بعض الطفيليات على خير حتى لتتأذة هي مناقصها واني هم ليضيع تعبي بالخالي بلاش وتتوقف القصة على نهايتها ؟!!!

فتح الباب وشالني
ضحكت نزلني إسحاق والله اخجل
غمزلي وگال الخجل البعدين هساع ما مسوين شي

دخلني للغرفة وسد الباب
باوعت علي ممصدگة معقولة اني هنا بلا خوف
معقولة تخلصت من كابوس الماضي
لو هم راح انصدم بي
مجرد ميتقرب مني وتنعاد علية ذيچ الليلة الصعبة

ما اريد افكر بالموضوع
خليني هيچ بدون خوف بدون تردد بدون قلق
وان شاء الله اني گدها وراح اتجاوز هالليلة على خير

صار يمي رفع راسي بـ أطراف اصابيعة
- عطشانة رويحتي
هزيت براسي اي نزع سترتة وطلع جابلي ماي واجة

اخذتة منة داشرب من التفكير غصيت
باوعلي وأبتسم
- معقول البشر يگدر يكون هـ الكثر شفاف ازود حتى من هذا الماي

- اي انت هيچ
رغم قساوتك من برة بس من داخلك شفاف مثل هذا الماي واكثر بعد

اخذ مني الگلاص وسحبني علي
- گبل اذا تذكرين سألتيني انت تشوفني آنه ضعيفة
- صح سألتك
- وآنه شني رديت اعليچ
- گتلي اي انتِ ضعيفة من برة ومن جوة

- وصدگتي هالحچي مني ؟!!
- اي لأن اني صدگ ضعيفة وادري بروحي كلش زين

- لا غسق انتِ قوية
موش قوية وبس انتِ اقوى أنسانة عرفتها بحياتي

اقوى حتى من اخيتي ريحان
عبن ريحان ساعة الطاحت گامت وسندت طولها اعلة ابوها واخوتها

انتِ اعلة ياهو انسندتي ؟!!
آنه راح اردن بدال عنچ انسدنتي اعلة نفسچ وبس
گمتي من عثرتچ و واجهتي الواقع الوحيدچ
عگب ما لگيتي اقرب الوادم متخلين عنچ ويحاربونچ اعلة شي موش بأيدينچ

حافظتي اعلة رويحتچ
وحافظتي اعلة تربيتچ واخلاقچ وما سمحتي للصار يلوث غسق النقية
غسق المامش بت تشبهها بطيبتها وتربيتها

الطيبة الما تزعزعت بحقد اهلچ
والتربية الزرعتها بيچ اميمتچ الله يرحمها
وظلت مثل ماهي حتى عگب ما واجهتي المصير الما تستاهلي

من هيچ انتِ هي الشفافة
شفافة ونقية وتستاهلين الثقة النتزعت مني من اكثر من ست سنين

الثقة الما ردت لو ما انتِ
والمستحيل اگدر اسلمها الحرمة غيرچ
وبالأصل ما مش حرمة غيرچ بـ هالدنيا تستحق ثقـة الميزان وحبة الچبير

يمكن الي صار هواي اعلية واعليچ
ويمكن لا آنه ولا انتِ نستحق كل هـ الأذية بس وبكل صراحة آنه ممنون من كل شي صار