#وضاقت_الأرض_بي
للكاتبة #لبنى_الموسوي
فزيت من نومي مرعوبة اكو وجع بصدري مو طبيعي ليش اجت وليش راحت
حطيت ايدي على بطني شنو هاي يربي
شگاعد يصير وياية اليوم راح اتخبل دخيلك يا الهي دخيلك
ردت اگوم من فراشي
حسيت بحرارة نزلت مني ويا ما نزلت اجتني أوجاع خلتني اصرخ من نص گلبي
دقيقة واجت خالتي تركض على صوتي
نزلت بالگاع اتلوى
گومتني تصرخ شبيچ خاااالة شببچ شتحسين احچي خلي افهم
- وجع خالة وجع مينحممممل والله
ركضت شغلت الضوة ورجعتلي
باوعت الملابسي
يا ياااا هذا مي الراس طاگ بعد وكت وانتِ المفروض تجيبين عملية هسه شلووون
ظلت تفتر على روحها
من الوجع گعدت بالگاع ابچي گومتني للسرير
طلعت جابت الموبايل ورجعت
اتصلت على بتها عليا گالتلها جيبي جهالچ وتعالي يمة بت خالتچ راح تجيب واحنة وحدنا
بس سدت الخط باوعتلها خايفة
- خالة لتخليني وحدي فدوة والله اخاااااف
- يمة شسوي غير الحظ خلاچ تطلگين بـ هالوكت
اليوم عمتچ صبيحة اتصلت
گالت نهاية الأسبوع يجيبني صخر اظل يمكم الولادة شموسة بس انتِ توازيتي
- وهسه شلون خالة والله خايفة
- عليا موجودة لتخافين انتِ هم اختها متقصر وياچ
- وصخر
- يمة الساعة بـ 2 الفجر
مو مال اتصل بي لأن بس يعرف يجي وليروح يسوي حادث لا سامح الله وتلتم علينة
اجتني اوجاع بچيت واني اصيح
- كلة منةةةة
اصلاً المفروض ميعوفني بمثل هيچ اوقات
بس لاا شلوون كبريائة اهم من كل شي اهم حتى من اطفالة
- ها تخبلتي رجعنا شمس رجعنا استغفر الله
حچتها وسندتني للحمام
طبيت غسلت وراحت جابتلي ملابس نظيفة
دابدل سمعتها تحچي ويا دكتورتي گالتها اي بالخاص وشتأمرين احنة حاضرين
طلعت اتسند ع الحايط
بس شافتني اجت گعدتني بالصالة
الوجع يروح ويجي بس من يجي ابد ميرحم
تذكرت لمن چنت اطرح نفس اللوعة مجربتها هوااااي
جابت جهاز الضغط قاست ضغطي
رجعت قاست السكر الحمد لله تمام بقى بس الدم هنا المشكلة مالتي
لبستني وجهزت جنطة الولادة
كل شوية تعيد ويا نفسها وتعدد بـ الغراض
تخاف لا من الخبصة النخبصتها تكون ناسية شي وما منتهبة على روحها
اندگت الباب ركضت فتحتها الهم
طبت عليا مخبوصة سندتني ورجلها شال الغراض
بين ما وصلنا للباب
ألف مرة خالتي وصتهم علية التفتت حضنتها وبست راسها حيل
- الله ليحرمني منچ خالة
- ويگومچ اليه والرجلچ والجهالچ بألف سلامة يمة
دمعت عيوني من حچايتها
توني صاعدة بالسيارة اجتني الأوجاع
لزمت ايد عليا كاتمة صوتي فشلة رجلها گاعد گبالي
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
