#وضاقت_الأرض_بي
للكاتبة #لبنى_الموسوي
في طرقات الخيبة اسير
تارة أُهزم
وتارة أعود للأنتصار
هذه أنا وتلك بقايا إمرأة كانت في يوم ما أنا
هذا لحمي...
دمي وقلبي النابض يتوه معي
أواجه بها حرارة الشمس بـ برودة قلب من جليد
فـ اذا انجلى غسق الليل والقمر
سال مني غسق العين حتى نزف من جُرحي الغسق
وعدت كما كنت غسق
ضعيفة هزيلة تقاوم المصاعب بضعف الحيلة
تسيرُ كي تكابر
حتى تحولت الى حطام ملامحها تلكَ الجميلة
تعودُ كي تواصل
تجلس في المنازل
بيوت الله التي لا تغلق ابوابها بوجه السنابل
لكنها تغادر
تبحث عن مناصر
عن مكان يؤويها ولكن أين ؟!!
فـ قد انقطعت بها السبل
حتى نادت وضاقت الأرض بي
فـ أرني رحمتكَ وعدلكَ وأنتقامكَ يا من بكَ استجير
- حطت السونار على بطني وظلت ساكتة
باوعت عليها بخوف
چان تگول هاي بنوتة بس للأسف مشوهة شعجب ما اخذتي سونار من قبل ماما لو شنو الموضوع
- مشوهة شنو ؟!!
- اي والله حبيبتي هاي گدامي وجها مشوه
- لا عفية مستحيل ما اصدگ
ام بنين.. دكتورة فدوة متأكدة من كلامچ
الدكتورة.. اكيد متأكدة الشغلة متقبل غلط روحوا يم غيري وتأكدوا من كلامي
هي حچتها لو اني گلبي وگف
الخنگة صعدت البلاعيمي اريد ابلع ريگي بعد ما اگدر
هنا اني صدگ انتهيت
كل شي صار وياية بـ هالفترة قاومتة علمود الحمل
تالي حتى هذا يروح مني
المن عايشة بعد وشنو اسوي بروحي اذا خسرت بنتي هم
ام بنين.. وشنو الحل دكتورة تگدر تنزلة
الدكتورة.. ما اتصور الجنين چبير المفروض قبل مدة تاخذ سونار مو بنهاية شهر الرابع
گبل گمت طلعت حتى ما انتظرت ام بنين
وگفت بباب المجمع
رفعت عيني ع السما ردت اعاتب رب العالمين بعدين استغفرت ودموعي تنزل مثل المطر
حسيت على ايد طبطبت على كتفي
درت وجهي هي
گبل حضنتها وصرت اناشغ
ناار مشتعلة بنص گلبي محد يحس بحرارتها غير الي زرعها بية بـ هاللحظات الصعبة
- كافي يمة گلبچ راح يوگف
امشي اخذچ الدكتور ثاني نتأكد بلكت يطلع اكو غلط بالموضوع ونرتاح من هـ المصيبة
- ياريت خالة ياريت
- تعالي خلي نسأل ابو الصيدلية عن دكتور مضبوط
حچتها وراحت مشيت وراها
- العفو وليدي بس رايدة دكتور سونار مضبوط وين احصل هنا
- ليگدام شوية يمة
اكو دكتورة اسمها ××××× بمجمع ××××× اني حتى مرتي وخواتي على ايدها دائماً
- مضبوطة مضبوطة
- والله مضبوطة حتى من بغداد يجوها مخصوص
- رحم الله والديك
- تتدللين
مشت شافتني واگفة اجت سحبتني من ايدي
تحركنا مسافة
وگفت تسأل اشرلها على المجمع صاير گبالنة بالضبط
أنت تقرأ
وضاقت الأرض بي
Aventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
