وضاقت الأرض بي

البارت الحادي عشـر

#وضاقت_الأرض_بي

للكاتبة #لبنى_الموسوي

- خيتي ام حنظل
صح الوكت موش مناسب المثل هالحچي
بس وليدي الضبع ما عاد يصبر ازيد وهل تشوفي دزني اعليكم خاطر اطلب لي ايد بنيتكم ريحان اعلة سنة الله ورسولة

ريحان.. صح آنه ما اشوفن
بس التفتت ويا مصدر الصوت مصدومة من طلبها

ايوب بعمر اخوي الميزان
ربيت اعلة ايدة عبن هو الچان يگودني من ايديني وياخذني للمدرسة ويا اختة فاطمة

كل عمري اشوفن إسحاق بي
ما مر فرد يوم وباوعتلة بغير نظرة الأخ
وهو همينة بكل صغري يعاملني معاملة الأخو اليخاف على اخته من كل شي

ولمن شبيت وتفرع عودي
صار يتعامل وياي مثل اي زلمة غريب
ما يرفع عينة بعيوني إلا للضرورة ولون رفعها وتنوع ما اشوفن بنظراتة غير بس الأحترام

من هيچ چنت اعتبرة اخوي
لا الواقع ولا العمر ولا حتى العلاقة التربطني بي من طفولتي تسمحلي افكر بي زلمة لية

سمعت امي گالتلها نتشرف يم ايوب
لكت انطيني مهلة اشاور ابوها واخوتها وعودن يصير خير ان شاء الله

ظليت گاعدة على اعصابي
ما عولت يمشون بس سمعت حس امي بالصالة گمت على حيلي

- يمة تحچين من صدگچ
عليش تگليلها اسأل ابوها واخوتها شني المترجيتة مني فهميني

- چا يمة شني الينگال بمثل هيچ مناسبة
غير الأصول تحتم اعلية ما احچي اي چلمة بلاية شور ابوچ وولدة

- چااااا وآنه
رأيهم الأهم لو رأيي ما جاي افهم اعليچ

- شني لا تگليلي راح ترفضي يمعزاية

- اكيدن ارفض
واترجاج تنهين السالفة من يمچ وما تفاتحين هلي بيها

عبن تدرين شنهو ايوب بالنسبة ليهم
وهيچي راح يبدون يضغطون اعلية وآنه ما ناقصة كلششش

صبيحة.. يا يا تسودنت البت
انتِ من كل عگلچ تنخش هيچ سالفة اعليهم
لون ما سمعوها من عدنة يسمعوها من الزلمة شنهي عذرچ ساعتها ليهم

الحجية هيلة.. والله ما اعرف
تريد تورطني ويا ابوها لا وبموضوع الضبع هي بس هاي العايزة

ريحان.. آنه ما اريدن اتزوج شني هي گوة

الحجية هيلة.. عودن من يجي ابوچ گليلة هالحچي آنه مالي غرض منچ ليهم طلعيني من السالفة

غسق.. بعدنة صافنين عليهم
نشوف شديصير گالت ريحان اريد اروحن الحجرتي

ظلينة وحدة تباوع للثانية
چان تصيح حيل آنه مو جاي اكل وحل واگولن وحدة من عدچن تاخذني الحجرتي

قبل لا اگوم الها مشت سريع
ردت الزمها ما لحگت عثرت بطرف الحصير ووگعت على وجها

اني بـ ايدي ود
ركضت شمس شالتها من الگاع
اباوع الريحان عيونها صارت دم هي من غير شي مو زين عليها العصبية