#وضاقت_الأرض_بي
للكاتبة #لبنى_الموسوي
سمعت الشيخ گال انتبهوا اعلية كلكم
باوعت علي بقلق
من يريد يحچي لا ارادياً يسيطر الخوف على گلبي لأن هو ميجمعنا إلا بالمصايب
باوع على ولدة ونزع العگال
اندگ الجرس بـ هالأثناء گال الشيخ الإسحاق وليدي افتح الأخيك الباب
طلع إسحاق شوية ورجع هو وايوب
لابس اسود حالة حالهم
اشرلي گومي رحت گعدت يم ريحان وايوب گعد يمة
الشيخ ضاري.. اجيت بوكتك وليدي
هساع اگدر احچي ماطول كلكم هنا عبن الكلام الراح اگولنة مهم للكل
حنظل.. گول بوية وغوشتنا
الشيخ ضاري.. اترجاكم ولدي
ما اريدن اعصابكم تفلت خلكم هادين خاطر هالطلابة تخلص اعلة خير
صخر.. يابة احچي تعبنا واحنة ناطرين سالفتك
الشيخ ضاري.. مثل ما تعرفون
ايوب بيوم موت اخيكم إلياس الله يرحمة ويرحمنا جميعاً چان حاضر بالبستان
شاف المجرم وتعرف اعلة شخصيتة
وخاطر لا يفسد اعلي چتلة مثل ما چتل إلياس لكت خبزتة بالدنيا لساعها موجودة
حنظل.. اي يابة صح
گلتلنة هالحچي وگلت المجرم تعرفوا وشرد خاطر لا نحاسبة بس ما رضيت تگول ياهو بالضبط
واحنة گلنالك شرد لكت اهلة موجودين
وانت صديتنا
عبن ما تريد تحملهم ذنب وليدهم كل هذا نعرفة
وانت وعدتنا وعد احرار
ماتطلع سنوية اخوي إلا واحنة ماخذين بثارة وهساع نريد هالوعد منك
- راح احچي وليدي راح احچي
لكت اترجاكم يبوي تفهمون شني يعني اترجاكم
خلني آنه اتصرف
ما اريدنكم تخربون اعلية الأول والتالي ويضيع حگ اخوكم بسبب العصبية
صهيب.. گول بوية لا تشيل همنا
- المجرم منة وبينة
المجرم لحمكم ودمكم الي ياما وياما اكل وشرب من زادي وبالتالي طعني بوليدي ولبة گلبي
صخر.. ياهو يعني ؟!!
الشيخ ضاري.. عامر الأداري
صهيب.. عامر ابن حجي حميد موش غيرة ؟!!
الشيخ ضاري.. هو يوليدي هو
غسق.. گالها الشيخ لو البيت انگلب
كلهم ركضوا ع الباب واحد يتسابق ويا الثاني
طفر الشيخ بسرعة
صار گدامهم فاتح ايدة حتى يمنعهم يطلعون وصرخ بيهم بكل صوتة
- بسكممم عاااااد
آنه صارلي ساااعة شني الغي ويااااكم بهايم خوبن ما بهايييم
صهيب.. ابعد بوية خلني نشرب من دم هالنگس
صخر.. بوية اتنحى عن الباب بروح ابنك الغالي
حبيب.. ترى ما يمنعنا عن هالمجرم غير الموت صدگ
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
