وضاقت الأرض بي

البارت الـعشـرون

#وضاقت_الأرض_بي

للكاتبة #لبنى_الموسوي

ملاحظة/ عذراً على بشاعة البارت
لكن هاي أمانة ومجبورة انقلها مثل ما وصلتلي
مع ذالك حاولت على گد ما اگدر اتلافى ذكر الأمور بالتفصيل

لزمت ايدي وتمشينا
الدرب شطولة ما يرضى يخلص
وآنه گلبي شاعل نار على غسق الي مدة احسنها مو على بعضها

شوي وسمعت صوت السيارات يمي
هاي شني طلعنة برة الجامعة
ماكو جواب فجأة انسحبت الداخل السيارة وانقفلت الباب بالعجل

عطت يااااهووو انتووو وشني الرايدي مني
اجاني صوت رجال غريب اشششش لا تتنفسين ولچ

هو الرب واحد والعمر واحد
صرخت بكل صوتي بلكي حسي ينسمع
ما احس إلا اجتني ضربة على راسي وعگبها فصلت عن العالم

غسق.. گاعدة بالمحاضرة وصافنة ع الدكتور
لمحت بنية دتأشر من بعيد
درت وجهي هاي اسماء صديقة ريحان چانت تبچي والوجه مخطوف

بس شفتها اشرتلي بـ ايدها تعالي
استأذنت من الدكتور وطلعت اركض اريد اوصل الها ماكو من الخوف اجيت اوگع على وجهي

- اسماء شكووو ريحان بيها شي

- اي غسق ولچ ما ادري وين راحت

- شنووو يعني متدرين وين رااااحت

- باوعي خلصت المحاضرة
طلعنا هي گعدت بالحديقة وآنه رحت اجيب لفات

ما تأخرت اقل العشر دقايق ورجعت
باوعت للحديقة ما هي گلت يجوز رايحة ويا وحدة من البنات

رجعت لشعبتنا ماكو
سألت صديقاتنا سرى وبراء گالن اخر مرة شافنها بيها من طلعت وياية

ما خليت مكان ما دورتها بي
حتى للحمامات طبيت سألت الولد رحت للعمادة ماكو ريحان فص ملح وذاااب

- شدتحچين فدوووة
اني مو امنتچ عليها مو ألف مرة گتلچ لتخليها تغيب عن عينچ ولااا دقيقة وووحدة 

يربي هسه شسوي
ااااني شسووووي احد يفهمني شسوووووي

ظليت افتر على روحي واصرخ
من الصدمة ما حسيت بروحي شگاعد اخربط إلا من شفت الطلاب متجمعين داير مدايري

گالوا بيچ شي تردين مساعدة
هزيت براسي لا
ركضت للشعبة استأذنت من الاستاذ واخذت غراضي وطلعت ويا اسماء

الموقف الي انحطيت بي مينوصف
مثل الصاعد على قمة الجبل والأسود ورى
اذا يبقى ياكلوا
واذا تحرك يوگع للهاوية وتنتهي حياتة

بـ هاللحظة عجزت عن التفكير
ردت اصفي بالي حتى اتصرف صح بس ما گدرت
اخر شي بنص الطريق گعدت بالگاع

- گومي غسق شبببيچ

- بعد ما اگدر امشي
شلون لو ريحان صار الها شي
زين شگول اني الأخوها واهلها لو يسألون حاچيييني