#وضاقت_الأرض_بي
للكاتبة #لبنى_الموسوي
گعدتها ع الكرسي وظلت واگفة يمها
بعدنا دننتظر خبر منهم
فجأة ارتفع حس الزلم برة شوية واجة صوت الشيخ يصيح لااااا لككككك حبيييييب
انرعبنا من الصوت العالي
باوعنا من الشباك الزلم تتطافر ديطلعون من البيت
راحت عمة صبيحة
فتحت الباب وطلعت للحديقة تستفسر عن هالهوسة
چان ولد صغير واگف بأول الممر
صاحتة گبل اجاها
احنة هم طلعنا وياالحجية حتى نشوف شكاعد يصير وياهم
- شمالهم حبوبة ما تعرف
- اي هذا العريس راد يصوب عمي بس الشيخ تلاحگة
- يا يا صخام الصخمني
الحجية هيلة.. عليش تصخمين رويحتچ
گولي صخام الصخمك حميد
عبن كل هالطلايب الجاي تصير من تحت راسة المربع
حچتها وطبت
ظلينا گاعدين ننتظر الهوسة تخلص فوگ الربع ساعة يلا هدأت الوضعية
ظلن النسوان يسولفن
عرفت منهن ابوها عامر حضر علمود عقد بنتة
ولمن شافوا الولد هجموا علي
اما حبيب رفع السلاح بوجهه راد يكتلة لو ما الشيخ منعة
حقهم الصار مو سهل يسكتون عنة
بس بعد كل شي سمعتة
تأكدت قرار الشيخ چان كلش صحيح لأن لو هيچ لو ثارات هالعشيرة مراح تخلص الأخر العمر
شوية وبدا العقد
اجة اخوها گال يريد السيد يسمع موافقتها
گومتها امها يم الباب
العقد چان منتهي مجرد بس تأكدوا من قبولها التام ورجعت للصالة
ماكو عشر دقايق ورجعت الهوسة
ضجت كلش
شكو بعد العقد وصار والبنية وگعت بيها
شيريد الشيخ يتصرف اكثر من هذا حتى يسكتهم
بقينا گاعدين ننتظر
ساعة ومحد منهم بين اخر شي الحجية ضاجت
اتصلت على الشيخ
گلها جاي نسلم عامر للعدالة نخلص ونجي اعليكم
قريب الظهر يلا رجعنا للبيت
اي فرح ماكو
جو الحزن مخيم ع الكل
وأولنا حبيب الي حتى ما كلف نفسة يدخل ويشوف عروستة
الشيخ كلف عمة سكينة تجهزها
لأن هي الوحيدة اليگدر يعتمد عليها بالمهمات الصعبة
وگلهم اسبوع وناخدها من بيت اهلها
شمس.. رجعنا من عقد حبيب مخبوصين
لليل وهم يحچون بمصيبة عامر
كملت المطبخ ويا ريحان ورحت الغرفتي ارتاح
من الملل گعدت اشسور بشعري واني الصبح مسويتة
خلصت جهة داشتغل بالثانية طب صخر
من يوم ما سمعت بزواجة من أمل واحنة منحچي يا دوب على گد الضرورة
للأمانة هو هواية حاول وياية حتى يصالحني
بس مجرد اتخيل هي على أسمة اموت
ما اگدر اتصرف بطبيعية
واكو خطر يهدد حياتي ومستقبلي الوحيد ويا صخر
ابد ما زعلت من الشيخ ولا من صخر
اني قبل لا اوافق على هالزواج
چنت رافضة ارتبط بي واجي لهنا لأن ادري حياتهم تختلف عن حياتنا تماماً
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
