#وضاقت_الأرض_بي
للكاتبة #لبنى_الموسوي
رفع جهازة بوجهي
ماكو مطفي الضوة مالتة والهزاز بعدة مستمر
گام بسرعة اتبع الصوت حسيتة موجود قريب راسنا
رفع مندر الچرباية
چان يطلع من جوى موبايل حديث باوعت للشاشة مكتوب مهيمن يتصل
باوعلي مصدوم ورجع باوع للجهاز
ابد ما استوعبت الموقف شگاعد يصير هنا وشنو هذا الموبايل ما عرفت
بعض الأحيان من هول المصيبة يتوقف عقل الأنسان عن التفكير الصحيح
انتهت المكالمة رجع اتصل
فتح الخط إسحاق ورفع السبيكر حطة بوجهي
اشرلي احچي
بالگوة طلعت الكلمة مني الووو
اجاني صوت مهيمن
اي اي صوت مهيمن هذا الصوت ما انسى ابد
صوت الأنسان الي دمر حياتي واذاني بأعز شي عندي وباعني للغرب واني لحمة ودمة
- غسق وينچ احچي
حياتي جاوبي بالي يمچ خوما سوالچ شي هذا الكلب
گبل سد الخط بوجهه
شفتة سوا وضع طيران وعصر الموبايل حيل
باوعتلة خايف
دار وجهه عني حط الجهاز ع الميز بكل هدوء ورجع التفتت علية رجعت ليورة من الخوف
- إسحاق والله اني....
- اي انتِ شني احچي اردن استوعب السالفة
- مالي علاقة والله مالي علاقة
- هذا ياهو ؟!!
- باوعتلة وسكتت عاط بية بكل صوتة هذا ياهوووو
- مهيمن مهيمن
- وهاي حجرتچ لو لالة
- اي اي غرفتي بس والله هذا الموبايل مو موبايلي
- هه بحجرتچ وتحت فرشتچ
ومهيمن هو اليدگن اعليچ وتالي تگلين موش جهازي!!
بچيت حيل ما عندي تبرير الروحي
دنگت راسي
ركض حضن وجهي بـ ايدة الترجف وباوعلي بتوسل
- لا غسق لاااااا
إلا الخيانة لا تعيدينها هواي اعلية وحگ ربچ هوااااي
- ما خنتك والله ما خنتك
- چا هذا شنننني
هذااا شتسمممي ااحچيلچ شي يريحننني بالعجججل
- ما ادري وروح امي مااااا ادري ما ااااادري
حچيتها وصرت اناشغ
التفت للچرباية
رجع المندر المكانة وگعد سحب الموبايل من الميز
گوة سحلت بروحي
گعدت بصفة اريد اعرف شديصير هنا لأن عقلي راح يوگف واني ممستوعبة الموضوع
فتح الجهاز انفتح ما بي حتى رمز
أول ما طب على جهات الأتصال ماكو أي رقم بالجهاز غير رقم مهيمن
طلع منها الموبايل فارغ
مابي غير التطبيقات الرئيسية وبرنامج الواتس اب
راد يفتحة اجت رسالة علي من مهيمن
باوعت بصدمة
هذا مكنك فوگ اكو شبكة معناها متصل على راوتر البيت گبل باوعلي
- شني رمز شبكتنة ؟!!
- ما اعرف
- غسسسسسسسق
- 18709090
- عاشت ايدينچ بوية عاشت ايدينچ
حچاها وفتح الواتس اب
محادثة مهيمن هي الأولى والوحيدة بالبرنامج
دخل عليها گبل لزمت ايدة رفع راسة باوعلي بخزرة
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
