وضاقت الأرض بي

البارت الثلاثون

#وضاقت_الأرض_بي

للكاتبة #لبنى_الموسوي

گعدت ع الچرباية انتظرة
دقايق وفتح الباب بـ ايدة كومة غراض
بس شافني بهالمنظر وگعن من ايدة من الصدمة وظل فاتح عيونة علية

گمت بـ اتجاها اضحك
لزمت ياخت قميصة بـ ايدي وتقربت من اذنة بهمس

- كافي صخر
اليوم اريد اصير مرتك وانت تصير رجلي
يا اعظم واحن واطيب وارقى رجال بالدنيا كلها يا حبيبي انت

شو هذا انصدم
للحظة گلت خلص راح يروح مني الرجال
ظل صافن علية لا ياخذ ولا ينطي حركت ايدي گدام عيونة صخر تسمعني

باوعلي وابتسم بـ استغراب
اني هم ابتسمت على ابتسامتة
شبيك يمعود اصحى ترى داتشقى وياك

بس حچيتها
گبل اختفت ضحكتة ورجعت الحدية الملامحة
درت وجهي عنة اضحك

هسه بلا هذا شلون اقنعة
حتى يستوعب الموضوع ويخلصني
رجعت باوعتلة بخجل صخر مو وكت صدمتك فضني

- شمالچ بوية ؟!!
الخاطر الكائنات ارسيلچ اعلة بر وفهميني شنهي الرايدتة بالضبط

- انت
اي شبيك لتباوع اريدك انت وما اريد غيرك بـ هالدنيا

- آنه رايح اسبح

حچاها وطب للحمام
ضحكت ويا نفسي ميخالف شمس اصبري شوية مثل ما صبر عليچ هواي

طلعت الملابس من الجنطة واخذتهن الة
دگيت الباب فتحها
چان نازع باقي بس بالداخليات

نزيت من مكاني لمن شفتة بـ هالمنظر
گبل درت وجهي عنة شبيك صخر هو هيچ الحچي
سمعتة يضحك وراها اختفى صوتة باوعت علي شو هذا بعدة واگف

- شمالچ بوية
مو هساعچ تصيحين اريدنك واريدنك شني شكلچ تراجعتي عن كلامچ

- لا اكيد ما تراجعت بس مو هيچ

بعدني ما حچيتها سحبني علي
صرت بينة وبين باب الحمام گال چا شلون من تحت الملابس مثلاً

باوعتلة فاتحة عيوني
دار وجها علگ هدومة ورجع نظرة علية بغمزة اسبح واجيچ انطري شوي

طلعت من الحمام مدخنة من الخجل
واني الثولة من كل عقلي صخر فقير تالي طلع بي كل البلة شورطني ويا شسويت بروحي يبووو

ماكو
كل الجرئة الچانت بشمس اختفت فجأة
صرت ارجف مثل اول يوم انجمعت بي بالضبط وظليت حايرة ويا نفسي ما اعرف شنو لازم اسوي

رحت لجنطتي اركض
طلعت الجهاز واتصلت بخالتي هي الوحيدة الراح تساعدني بمثل هالموقف ماكو غيرها

رن قريب ميفصل ردت
- الوو خالة

- هلا يمة شلونچ

- اني زينه وانتِ ؟؟