وضاقت الأرض بي

البارت الثامن عشـر

#وضاقت_الأرض_بي

للكاتبة #لبنى_الموسوي

الشيخ ضاري.. احچي صهيب

- شني الأحچي يابة
آنه گلت ما متزوجها بدال المرة ألف لكت هي واهلها مُصرين اعلة رايهم
من هيچي آنه مضطر اعقد اعليها خاطر استرها وافضن هالنزاع من گاعة

سيد محمد.. اي بارك الله بيك وليدي
تستر اعليها وتكسب اجر وبنفس الوكت تسد حلوگ الوادم عنك وعنها

ابو سحر.. اي ويمتة ناوين فهمونا

صهيب.. الحريم يتفاصلون بهالسوالف موش الزلم

سيد محمد.. وليدي انت متزوجها متعة لو عقد سري

صهيب.. ما متزوجها سيد
لا عقد سري ولا متعة ولا حتى شايف طارف شعرها

ولون رضيت اعقد اعليها هساع
فـ خاطر اخمد نار الفتنة الشعلوها اهلها عبن ما عندي دليل اعلة چلمتي هاي غير بس لساني

وبنيتهم ما شاء الله
عادي عدها تحچيها ولو ما صايرة
بس هي السالفة وما بيها تربية يا سيدنا تربية

ابو سحر.. شنو قصدك آنه ما مربي بنتي

صهيب.. لا والله والنعم منك ومن تربيتك الكفووو

ابو سحر.. صهيب احذرك لا تتجاوز لأن....

ابو محمد.. اخوان هالحچي مالة داعي بعد
الزلمة رضا يعقد اعليها وانطاكم چلمة
من هيچ يلا خلونة نتوكل واتركوا الباقي اعلة الحريم

ابو سحر.. راح اسكت الخاطرك سيدنا

ابو محمد.. يا الله نرفع الزحمة

الشيخ ضاري.. شرفتوا سيدنا

غسق.. من گاموا يتسالمون
درت وجهي ع السريع علمود اخذ هناء انصدمت بيها واگعة

چان بالنة كلة وياهم لذالك محد انتبه عليها
ما ادري شلون بعد اتصرف
باوعت الخالة ام هناء وهمست بصوت ناصي حتى ليسمعون

- خالة خالة شوفي هناااء

ام هناء.. يا يمة بنيتي صخام بوجهي ان شاء الله

الحجية هيلة.. شيلنها بالعجل شيلنها الزلم راح تطلع

بالگوة رفعناها اني وخالة نجمة
اخذناها للغرفة نومتها ع الچرباية وطلعت اركض

جبتلها ماي غسلتلها گبل صحت
دايخة حتى ما بيها ترفع راسها من الفراش
سألتها خالة شتحسين ما جاوبتها واكتفت بالدموع

سمعت صوتهم بالصالة طلعت ع السريع
چانوا ديحچون بالسالفة مصدومين من قرار صهيب المفاجئ باوعت علي گاعد يم إسحاق

تمشيت بهدوء صرت وراهم
صحت خوية صهيب
اثنينهم التفتوا علية بنفس الوقت گال امريني خيتي