وضاقت الأرض بي

البارت الرابع والعشرون

#وضاقت_الأرض_بي

للكاتبة #لبنى_الموسوي

تمشيت بهدوء باوعت من الشباك
واگفين يم المرجوحة
تقربت اكثر واسمع مرت عمي تگلة
موش اعلة مزاجك يصهيب بس تفض سالفة اخيتك ريحان ازوجنك يعني ازوجنك

مو صدمة لكن وجع
آنه متوقعة هذا الشي راح يصير بيوم من الأيام بس لساعني ما متقبلتة

باوعت الصهيب صار اعصاب
گام يروح ويرد بالحديقة ويستغفر بصوت عالي وهي مستمرة تلح بالموضوع نفسة

صهيب.. يمة ااااافهميني
آنه ما ااااريدن لا الفروخ ولا الزواج شني قابل الشغلة غصب خوبن ما غصب

- واليمتة ما تفهمني
شني وليدي تريد تظلك بلاية فروخ واسكتلك لا والله فلا اسكت

مرة ما تاكل مرة
وانت زلمة حوك معدل وعاگل
يعني تگدر تدبر امورك وتشيل مريتك هنيوة بعيونك وما تحسسها بالنگص

- دخيل ررررربچ هساع وكت هالمواضيع
ما تتنوعين الحرمتي شكثر تعبانة
يعني فوگ تعبها ترديني اكسرها بحرمة مو حتى الله ما يرضاها

- چا يرضاها تظلك بلاية فروخ
ياهو الك بكبرتك وياهو اليسندك غيرهم تنوع الأبيك وانت تعرف وياي الحگ لو وياك

- سدي هالسيرة سديها بمعزة الباري
آنه هالساعة ما افكر بشي غير هناء هناء وبسسسس

دخلها تطيب يممممة
خل عافيتها المسلوبة ترد ليها بالأول
خاطر ترد حرمتي مثل ما چانت وازود عودن ساعتها نحچي بـ هالخرابيط

- هساع حچاياتي صارت خرابيط خلف الله عليك

- ما گصدتها والله العظيم
حچاها وتقدم باس راسها وايدينها الأثنين

لون تحبين ربچ
لون الصهيب ذرة معزة بگلبچ الچبير
قفلي اعلة هاي السيرة هساع عبن هناء مو حمل اذية تراها البيها كافيها

- وتالي شني اليتغير

- الله كريم التالي المهم ادعيلها تطيب

- الله يفرحك بسلامتها وليدي

بس حچتها باس راسها
گبل رديت الغرفتي قبل لا يجي ويشوفني يمهم
جهزت ملابس الي والة ومشيت للحمام
سبحت بالگوة وطلعت لگيتة گاعد ع الچرباية وايدة فوگ راسة

- شنو رادت عمتي منك
- نعيماً بوية
- الله ينعم عليك
- مامش شي مهم السالفة تخص ابوي موش يمچ
- هااا

باوعت علي بأستفهام بعد نظرة عني
- الهدوم وين اردن اسبح
- بالحمام جاهزات
- عاشت ايدينچ

حچاها وراح يسبح
والله لو يطلع بايديني ازوجنة
بس وآنه بـهالحالة ما اگدر كلش صعبة الشغلة يرادلها حيل وآنه ما بية

اخذت المشط وطلعت من الغرفة
مشيت الغرفة امي دگيت الباب ودخلت چانت گاعدة تسبح ع السجادة