وضاقت الأرض بي

البارت الثالث والعشرون

#وضاقت_الأرض_بي

للكاتبة #لبنى_الموسوي

ريحان.. لا خالة ما عاش اليردنچ خايبة
ابشري لون ابوي واخواني يوافقون اعتبريني موافقة اعلة وليدچ ان شاء الله

ام ايوب.. يا يا صلوات وحگ ربكم ما مصدگة البت وافقت

الحجية هيلة.. يمة ريحان متأكدة
موش تاليتها تگلين انتم جبرتوني اعلة هالزواجة

ريحان.. لا يمة متأكدة وين الگة مثل الضبع زلمة لية

غسق.. اني وثناء وشمس وامل
وشكو بشر گاعد بالصالة ضرب صفنة عليها متفاجأين من موافقتها الغير متوقعة

لا مو بس احنة حتى هناء
الچانت متمددة ومتدري بالدنيا شصاير رفعت راسها من المخدة تباوع عليها بتعجب

فاطمة.. يمااا واخيراً وافقتي
يا فرحتك يخوي لچ اليوم يگلب البيت عرس اعلينة

ريحان.. هههههههه
فطيمة خفي عاد خفي موش هالكثر

فاطمة.. حگچ خية حگچ
غير ما تدرين بالدنيا شني الجاي يصير

لچ متسودن اعليچ وانتِ بلاية احساس
خوبن من صارت سالفتچ يومين ما لافي للبيت حتى امي سودنها ويا

غسق.. يا سالفة قصدچ الأخيرة

فاطمة.. اي هاي وحدة منهن
ليش هن ينعدن حتى بعرسها طاح اعلينة بس ماچنة نعرف علتة شنهي

غسق.. صح والله
اذكر بيومها إسحاق راح الكم بنص الليل
وحتى لمن ريحان اختفت ما فارگ الولد ولا دقيقة

فاطمة.. چا غير تسودن بيومها
يلا دسدن هالسيرة تنذكر ما تنعاد ان شاء الله خلنة بفرحة العرسان

ريحان ما مصدگة وافقتي
تعاي خية شو تعاي خن احبنچ مرت اخوي الغالية

ريحان.. ههههههه
فطيمة وتالي وياچ ايوب ما راح يفرح فرحتچ صگد تحچين

فاطمة.. عشتووو
وانتِ شني العرفچ بفرحة ايوب
لو بس يصير تجيين لينة خاطر تتنوعين الفرحتة لمن يسمع بالخبر ساعتها تصدگين كلامي

غسق.. هههههه
لچ فطوم بشرفچ اريدچ تنقلين الحدث صورة وصوت بالحرف الواحد ترى حمستينا

شمس.. لا شنو تنقلة
انتِ مو عدچ موبايل عليچ الله صوري ردة فعلة النة بداعة الخوة

فاطمة.. هههههههه
عززززززة تردن تورطني ويا الضبع شني اليفكني منة لون يعرف بالسالفة

شمس.. يمعودة شيعرفة قابل نروح نگولة
عاد لتصيرين لئيمة صوري بروح ابوچ وبأقرب فرصة تعال خنشوفة

فاطمة.. لا يمة والله صعبة
وروح ابوي انامن بردهة الكسور لون عرف الضبع آنه فاضحتة جدام الله وخلگة

ثناء.. فطيمان راح اگوم اني انومچ بردهة الكسور
صوري وانچبي
واذا ما سويتيها لا تعتبين عتبة هالبيت مرة ثانية