وضاقت الأرض بي

الجزء الثاني البارت السابع

#وضاقت_الأرض_بي

للكاتبة #لبنى_الموسوي

چانت رافعة راسها فجأة باوعتلي
- غسق معدتي جاي تگلب

باوعت عليها وصرخت
- ريحاااااااان شنو هاااااااي
عينچ متروسة دم شديصير ويااااااچ

نزل ايوب يركض
فتح باب السيارة وسحبها للشارع
ظلت تصيح معدتي راح تگلب وخررررر عني

ما اهتم الكلامها
نزلت وراهم اباوعلة مخبوص ميعرف يتصرف
صاح بيها ريحان جري نفس حيل خاطر الأوكسجين يصعد الراسچ

بعده لأزمها من ايدها تقيأت على دشداشتة
خطية خجلت من الموقف شالت عبايتها تمسح الة وتعتذر
بعد ايديها ع السريع

- اتركي عنچ ريحان

- انطر بس انظفها ليك
رجعت اخذت عبايتها رادت تمسح دفر ايدها وصاح بعلو صوتة

- اترررررررررركي
جاي اگلنلچ اترررركي انتِ ما تفهمين بالحچيييييي

گعدها بالگاع ورجع ظهرها ع السيارة
رفعت راسها تصيح اختنگت راح اموتن وهو يگولها اسم الله لا تحچين هيچي

- ايووووووب
البنية راح تموت شمنتظر خلي ناخذها للمستشفى

- خوية گلبها يريد يسكت
السيارة تموتها بالعجل انطري خن ادگن اعلة الأسعاف ما راح توصل سالمة إلا هيچي

گعدت يمها وبچيت
ظل يفتر على روحة يحاول يتصل بالأسعاف مدري شبي يمكن نسى الرقم

شوية وسمعتة حاچاهم
حضنتها حيل كل جسمي يرجف چانت متحس بشي وصلت المرحلة حتى متتجاوب ويانة

- ريحان فدوووة لاااا
ريحان اترجاچ قاومي لتكسرين اهلچ
وتكسرني وياهم ترى ما عندي غيرچ اخت بهالدنيا

- شو خوية اتنحي
ما يصير تكضينها هي محتاجة للهوى هساع

حچاها وبعدني عنها
گعد گبالها نزل راسها لأن چانت رافعتة ليفوگ وفتح عيونها بـ اطراف أصابيعة

بس شفتهن شهگت
ماكو البياض مختفي تماماً
المنطقة صايرة عبارة عن لون الدم والبؤبؤ مالتها واگف ميتحرك

- ريحان خليچ صاحييية
ريحان تسمعينننننني فتحي عيونچ لا تغمضين

شالها بظهر السيارة
اجة واحد بـ هالأثناء گال محتاجين مساعدة
ردة ايوب لا رحم الله والديك بس ناطرين الأسعاف شوي وتوصل

عافنة وراح
همزين عاد وگفتنا چانت بالفرع مددها ايوب بالگاع وبعد عنها العباية

حط ايدة على عظمة قفصها الصدري
والأيد الثانية فوگاها وشبك أطراف اصابيعة ببعض

صار يضغط على صدرها للأسفل بقوة
ما اعرف كم ثانية وصاحني اني صافنة من الخوف ما احس بشي بعد رفع راسة وعاط