وضاقت الأرض بي

البارت الرابع عشـر

#وضاقت_الأرض_بي

للكاتبة #لبنى_الموسوي

طبينا المجرمين بعدهم واگفين بالباب بس فاتحين عيونهم
التفتت عليهم داباوع چان انصدم هذا شجابة هنا يربي ؟!!!

مستحيل انسى شكلة
الأنسان الي ساعدني وعرض نفسة للخطر بسببي وهو ميعرفني مينسي ابد مينسي

هذا نفسة الولد الصدافتنة يم الجامعة
بيومها اخذت موبايلة واتصلت ع الشرطة بلغت عن حادثة شجن وبسببي توقف يوم كامل لو ما مهيمن طلعة من السالفة علمود يتدارك الموقف وينقذني

ركزت ويا والعبرة لازمتني
حسيت اكو انكسار بنظراتة وهو واگف بنص المتهمين لأن شكلة ابد مومال اجرام مثل ميگول القرأن الكريم سيماهم في وجوههم

بعدني اباوع علي مقهورة التفت علينة
بس صارت عينة بعيوني ظل يباوعلي شكلي متغير شوية لذالك ما متأكدة أن كان عرفني او لا

ثواني واخذوهم للقاعة
طبينا وراهم شفتهم ديدخلون لقفص الأتهام
بقت عيوني علي وهو هم ساعة يشتت نظرة عني وساعة يرجع يباوعلي

من نظراتة شكيت بي عرفني
لأن الأنسان اليعرضك الموقف مثل العرضتة اني لهذا الولد مستحيل تگدر تنسى شكلة بحياتك

صافنة علي وافكر
يا ترى شمسوي وشنو السبب الي دفعة حتى يوگف ورى قفص الأتهام سمعت مطرقة القاضي اندگت

درت وجهي بتساؤل
وچان انصدم بـ إسحاق گاعد مقابيلي
المشكلة مو لأن طلع هو القاضي بس المشكلة چان ديباوعلي واني عيوني على هالولد

ثواني وبعد نظرة عني
بدا يعدد اسمائهم وصل للولد اسمة حسين
رفع الورقة باوع بيها بأستغراب والتفت علي انت من سكنة محافظة الحلة ؟!!

- نعم سيدي

بس حچاها باوعلي إسحاق بتعجب
اكيد وصلتلة اني اعرفة بس عادي مخايفة لأن هيچ هيچ اني راح احچيلة عنة يجوز يطلع بريء ويگدر يساعدة مثل مساعدني

بدا يحچي بتفاصيل القضية
جريمتهم چانت سطوا مسلح على محل مال ذهب ساعة ثنتين ونص بالليل

وراها اخذ افادتهم واحد بعد واحد
خلة حسين اخر شي من وصل اله گبل سألة شجابك للبصرة وانت من سكنة محافظة بابل

- اجيت خطار سيدي

- المن ؟!!

- بيت جدي من محافظة البصرة

- كم يوم بقيت يمهم

- اسبوع وبعدها انسجنت صارلي شهر قيد التحقيق

- احچيلي شلون ارتكتبت الجريمة

- والله سيدي ما ارتكبت اي جريمة اني بريء يشهد الله ورسولة علية

- بس انت اعترفت اثناء التحقيق بارتكابك للجريمة

- الأعتراف چان تحت التعذيب
الله وكيلك سيدي ليل نهار يعذبون بينة
ما خلوا لا ضرب لا مي حار لا كهرباء لا خيزران لو ما معترف چان متت جوة ايدهم