وضاقت الأرض بي

البارت الواحد والثلاثون

#وضاقت_الأرض_بي

للكاتبة #لبنى_الموسوي

باوعت على صخر ورجعت باوعت علية مبتسمة
- ما شاء الله تبارك الله
وهاي رب العالمين عوضكم بدل عن الواحد أربعة
- شنو يعني ؟!!
- شبيچ ماما انتِ حامل بـ أربع أطفال

بقيت صافنة بوجها ممستوعبة
ما احس إلا صخر نزل بمكانة سجد بالگاع وهو يحمد ويشكر رب العالمين بصوت واضح

بچيت بصوت عالي والضحكة تارسة وجهي
شلون ما ادري
المهم مشاعري تضاربت بشكل مو طبيعي
خوف على سعادة على صدمة
على فرحة متنوصف بعد التعويض العظيم الحصلتة من رب العالمين

اجت الدكتورة لزمت ايدي
- اهدي حبيبتي اهدي شوية ولو حقچ
هالحالات نادرة كلش
التوأم الرباعي ميحصل إلا كل مليون حالة وحدة بس

گام صخر من سجدتة باس راسي گدامها
بعد ما استوعبت الصدمة مسحت دموعي وباوعتلها

- دكتورة فدوة
شلون أربع اطفال وبطني كلش صغيرة انتِ متأكدة

- متأكدة ماما
واذا على بطنچ فـ لأن الأطفال ناعمين كلش
انتِ على حساب السونار حتى بعدچ مداخلة السادس بعدلچ يومين وتدخلين

بالأشهر الجاية راح تكبر لحد ما تتعبين
بس احچيلي
عندچ أعراض غريبة صارت وياچ بفترة الحمل يعني داخل جسمچ قصدي

- اي اي عندي
اختنگ بالليل بأستمرار بحيث اوصل للموت
وثگل مو طبيعي على مثانتي
وبطني دائماً احسها قوية عبالك حجارة بيها رغم اني اعرف الحامل مو هيچ

- اي هو ماما
لأن حالتچ مو طبيعي فـ تحسين بـ هالأعراض
وبعد بـ الأشهر القادمة راح تعانين اكثر من هذا بهواي يعني لازم تكونين مستعدة

- فدوة الهم المهم يجون بالسلامة
بس الأوجاع الصارت عندي شنو سببها ما گلتي

- تقلصات الظاهر جاهدة نفسچ هـ الفترة كلش

صخر.. اي دكتورة جاهدتها
غير جايتچ من البصرة البغداد وهي لساعها بالخامس وتعرف حملها صعب

- الله يهديچ
شلون تجين هالمسافة وانتِ عندچ اسقاطات متكررة

- اضطريت دكتورة
بعدين اني ما اعرف بروحي حامل بتوم لأن مماخذة سونار هاي أول مرة

صخر.. ميبين جنسهم دكتورة

- اي اكيد يبين
بس فرحتكم شغلتني ما ركزت
يلا نامي عدل خلينا نشوف هالوكحين ولد بنوتات

شمس.. هههههه
ليش وكحين تحركوا هواي مو

- اي مگاعد تحسين بيهم
بعدني محطيت السونار خبصوني الظاهر مستعجلين ع الطلعة

- طبعاً احس بالأيام العادية
بس هسه بسبب التقلصات ما احس غير بالوجع

- صح تقلصاتچ قوية كلش مال ولادة أسم الله