وضاقت الأرض بي

البارت الثالث عشـر

#وضاقت_الأرض_بي

للكاتبة #لبنى_الموسوي

ظلينة ننتظر احد يجي ويحچي ويانة
شوية واجة الدكتور نفسة الأشرف على حالتي گام صهيب سلم علي وگعد يمنة

- خير دكتور وغوشتونا باتصالكم هذا

- والله ما ادري شگولك وليدي
مثل ما تعرف بهالحياة جل من لا يخطئ
وبالطب واردة الأخطاء مثلة مثل اي مهنة ثانية
لذالك يؤسفني ابلغك مرتك كتلتها چانت خبيثة بس صار التباس عدهم بينها وبين بنية ثانية تعاني من نفس المرض وتبدلت النتائج بيناتهن

- شني يعني ؟!!!

- كلامي واضح

- كلامك واضح بس ما يدش العگل
شني جل من لا يخطئ شني التباس شني تبدلت النتائج

- حقك والله حقك بس هالأخطاء واردة وتصير عادي

- لااااا مووووش عاااااااادي
اروح الوادم وحياتهم الغاااالية موش لعبة بيدين الما چانوا كفووو الـ هالمهنة

بكل شي الغلط عااادي
إلا بالطب هنا ما مسموح الغلط والغلطة بي ما تنغفر مثل الشرك بالله

هناء.. بين صدمتي بالخبر وبين خوفي من الشي الينتظرني بالأيام الجاية صحيت على صوت صهيب يصرخ بكل حسه

باوعت علي جاي يتعارك ويا الدكتور
گمت من مكاني سحبتة من ايدة صهيب اهدا عفية ما يصح تعيد السالفة الفاتت

- لچ شني ااااعييييد
ما تسمعينة شجااااي يحجي يا التباس هذا اليخليهم يتاجرون بحياة الوادم بدم باااارد

رجع التفتت ع الدكتور
الناس متجمعين على صوتة صرخ بيهم بكل حسه

يااااا عالم تعالوا لينة خاطر تحكمون
مريض بي سرطان الي كل يوم بهذا المرض يعتبر فرصة ما تتعوض ولون ما استغلوها صح تنتهي حياة بشررررر

لكمممم سرطاااااان
تعرفون شني سرطان لو لاااااااا
وبعد ست اشهر جايين يبلغونة صار تبادل بالنتيجة وطلعت الكتلة خبيثة شني تشوفون هالشي عااااادي يعني

جاوبة واحد من الواگفين
- حقك خوية والله حقك محد يلومك
هو الطب بالعراق من يومة فاشل تدخل للمستشفى مرتفعة حرارتك ينطوك ابرة يطلعوك بالتابوت

الدكتور.. اخوان رجاءاً
كونوا محضر خير وإلا ما اريد اسمع اي كلام زايد ما ناقصين دوخة

- هه ما ناگص دوخة
بلا يا حضرة الدكتور گلي بلاية زحمة اعليك
البت المسكينة الگلتوا ليها بيچ خبيث وهي معافاية شني العملتوا وياها بالضبط

- اي هو هنا مربط الكلام
البنية من اول اسبوع مكتشفة خطأ النتيجة ومع ذالك ظلت ساكتة

يعني لو جاية ومبلغتنة بنفس اللحظة
چان زوجتك متجاوزة نص مرحلة العلاج حالياً بس ما اعرف ليش ما حچت