وضاقت الأرض بي

الجزء الثاني البارت التاسع

#وضاقت_الأرض_بي

للكاتبة #لبنى_الموسوي

- ماما وردة
منو شفتي من رحتي ويا بابا ؟!!

- عمة حلوة
وجابت هاي همينة حلوة حچتها واشرتلي ع اللعبة
وباستني وباست بابا

دخنت
لا شنو دخنت بركان وانفجر بداخلي
حتى اعصابي صارت ترجف اريد اوگف على حيل ما اگدر

فركت رجلي واني اصلي على النبي
شوية واجتني القوة سحبتها من ايدها وطلعنا لگيتة ديتفرج تلفزيون بالصالة

گعدت ع القنفة المقابيلة وحطيت ود بحضني
- ماما ود منو جابلچ هاي اللعابة

- عمة وحتى باست بابا
حچتها وگامت تكرر من الضحك

اباوع علي ولا يمة
صدگ يحچي؟!! شنو هذا ما سمع كلام بنته لو يغشم روحة حتى لا اكشف عملتة السودة

انسحنت روحي من القهر
اخذت ود ورحت وگفت كبالة إسحاق
إسحاق مو داحچي وياك... ماكو ميجاوب ولا كأن يسمعني

ندستة بچتفة حيل
- إسحاااااااااق رد من اااحچي وياك رررررد لتغلس

- شمالچ بوية حسچ لا تعلي

- وانت هسه كل همك صوتي وبس ؟!!

- اي چا شني
من تعتازين شي احچي بيواش بلاية هالصوت العالي

- مو صارلي ساعة اصيحك وانت ولا يمك

- هي شني
خلصتيها إسحاق إسحاق إسحاق
ما سمعت غيرها رايدة حاجة دخلي بالسالفة بالعجل بلاية هالمقدمات

- لا والله اااانت تغشم روحك
تريد تموتني والله العظيم تريد تموتني واني بعد ما اگدر اتحمل برودك هذا

- ههههههههه
اسم الله بوية يومي گبل يومچ ان شاء الله

- مراح اگولك اسم الله
اول اعرف السالفة شنو بعدين اشوف اگولها لو لا

- هههههههههههههههههههه

- لتتتتضحك
هذا شنو الكلام الگاعد تگولة ود
منو هاي الحلوة الرحت شفتها وباستكم عيني

- بت صغيرة بعمر مريم

- مريم بت إلياس قصدك ؟!!

- اي چا عدنة غيرها

- إسحاق شلك بهالحچي
ود دتگول عمة وانتِ تگول بعمر بت إلياس ؟!!

- جاهل يبوي تاخذين بحچاياتها
بعدين هي تتنوعلها عمة عبن بينهم فارق بالعمر
هساع هي مو تنده اعلة بت حنظل عمة شني الجديد

- رؤى چبيرة
بس مريم صغيرة كل عمرها 10 سنوات

- بوية شني الرايدتة هساع
سألتيني وآنه رديت اعليچ جاية تچذبيني يعني

- متزوج مووو ؟!!

بس حچيتها باوعلي صفح
- لتباوع هيچ
احچي وريحني متزوج لو لا.... ما تحملت بچيت