#وضاقت_الأرض_بي
للكاتبة #لبنى_الموسوي
غسق.. يلا شمس فضيني عاد شنو السالفة
شمس.. لچ متشوفين جهالي شمسوين بية الطمممم
هناء.. جيبي اخذهم الأمي وعمة سكينة
أمل.. بنات آنه اشتغل بمكانها لتخبصوها خطية
رؤى.. لا لا آنه اريد شمس تسويلي
ريحان.. شلون بيچن تالي راح ابچي والله
ثناء.. انتِ بالذات ما اريد اسمع حسچ
كل هاي الهوسة بسببچ والله يااا ربي صدگ لو گالوها المعرسين اثنين والمجانين ألفين
شمس.. اصبرن شوية حبابات
بس اروح اشمر جهالي على ابوهم وارجع لأن ما اگدر اشتغل وهم جوة رجلي
حچيتها وشلتهم اني و رؤى
طلعت للحديقة باوعت بس صهيب واگف ويا الشيخ
اشرتلة وين صخر صاحة چان بالباب
صخر.. ها بوية خيرچ
شمس.. جهالك عفية كومة شغل عندي الزمهم شوية وخلي الولد يساعدوك بيهم بين ما اخلص
- اي جيبيهم
بس خلي اذنچ ويا جهازچ
اخافن يجوعون خاطر ادگن اعليچ تجين توكلينهم
- اي بسيطة هاي
- تعال محمد تعال عمي ساعدني بـ هالوكحين
- اي عمي تامر
ما صدگت انطيتهم الجهال
طبيت أركض لگيت البنات يتلاطمن من الخبصة
المشكلة ريحان بعد عدها شغل وما ظل ساعة وتروح للصالون
وهذني واگفات فوگ راسي
كلهن حايرات بشعرهن رادت أمل تشتغل عليهن
محد منهن قبلت لأن هي شاطرة بالمكياج مو بالشعر
شمس.. بنات اشتغل الريحان أول
خطية ما ظل شي ساعة وتاخذها عمة للصالون عود بعدين اسوي الچن الي تحبنة
أمل.. مو گلت آنه اسويلهن روحي لا تشيلين همهن
شمس.. تجاهلت كلامها
درت وجهي على ريحان تعالي الغرفتي خلي اكملچ ع السريع الوقت ديفوت هسه تصيحچ عمة
اخذتها ورحت الغرفتي
من طبيت قفلت الباب وراية وگعدت اشتغل الريحان
سنة كاملة واني متبهذلة
سنة وماشفت طعم الراحة بين اطفالي الأربعة الي ما خلوا حيل بجسمي من السهر والركض وراهم
وبين گلبي اليوجعني
على حياتي واني اشوفها دتنهار گدامي
ومع ذلك مجبورة اظل ساكتة و واگفة بمكاني لا بية اتقدم خطوة ولا اگدر ارجع
ما انكر صخر حاول هواي
رغم عنادي وموقفي الثابت ما عافني
أول ما جبت
شهرين ظل يسهر وياية و يساعدني بتربية اطفالنا
بعدها رجع للبصرة علمود دوامة
بس ظل كل اسبوع يجيني يوم يومين ويروح
لا قصر بوجودة ولا بالمصرف
واكثر من مرة فتح موضوع الرجعة وياية بس چنت ارفض بـ أستمرار
وصلتة المرحلة اقتنع بالموضوع وتقبل الأمر الواقع الي أنفرض علي السبب خارج عن ارادتة
صار يجي علمود اطفالة وبس
وكلما افتح ويا موضوع الطلاگ يسكتني بـ الله كريم واني ادري مراح يجي اليوم اليطلگني بي
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
