وضاقت الأرض بي

البارت الواحد والأربعون

#وضاقت_الأرض_بي

للكاتبة #لبنى_الموسوي

گبل گالت اصعدي اخذلچ اكيد هسه يبين
صعدت اتشاهد مو ادعي
غمضت عيني وبدت تاخذلي شوية وصاحت عززززة بعينچ شمس لچ حامل بـ 3 يبووووو

- تلاثة شنو يمعودة
- مثل ما گتلچ وبعدلچ اسبوع وتقبطين شهر الثالث
- شلون يعني ؟!!
- شنو شلون مو گلتي مرة تقربلچ من عرس حماتچ
- اي
- وجعي بعد شكو هاي حماتچ راح يصيرلها 3 اشهر متزوجة

گمت من مكاني مضروبة طلقة مو مصدومة
بدون ما اجاوبها طلعت من الغرفة
ماكو أي كلام يوصف الحالة الچنت بيها بـ هاللحظات

شلون صار هالشي
اي صح عدنة وراثة قوية بالتوأم من الطرفين بس لا مو هيچ ابد مو هيچ يربي

صاروا أربعة كافي
هو اني گوة مدبرة روحي وياهم يجوني تلاثة بعد
يعني شنو
يصيرون سبعة واني وابوهم واصلين للأنفصال ؟!!

بالگوة خلصت دوامي
رجعت للبيت واصلة مرحلة من اليأس مو طبيعية
طبيت خالتي مخبوصة بـ أطفالي
لو فعلاً جبت تلاثة بعد معناها مو بس دوامي لا حتى حياتي انساها

تلگتني الله يساعدچ
هزيت براسي بلا جواب ورحت الغرفتي
حتى مالي عين افتح الموضوع وياها وهي الما خلت شي ما سوتة حتى تقنعني ارجع الصخر

من التعب ردت اشرد بالنوم
توني غفيت اندگت الباب فزيت دخل صخر
چنت ادري بي راح يجي اليوم  لذلك مخابرتة نحچي وجه الوجه احسن

گعد يمي گمت سديت الباب ورجعت
- شلونچ
- مو زينة صخر مووو زينة
- خيرچ بوية
- اليوم عرفت بنفسي حامل مبرووووك

بس حچيتها ابتسم
- على شنو تبتسم هاااا على شنوووو
ليش سويت هالشكل
اكثر من مررررة منعتك لأن ادري بحظي شگد مصخم وانت ولاااااا يمممممممك

اضحك بعد اضحك
عبالك بس اني اتبهذل لا والله انت تتبهذل اكثر مني
تدري ليش ؟؟
لأن حامل بتلاثة هالمرة يعني صاروا سبعة برگبتك ي السبع

فجأة تحولت الأبتسامة الصدمة
ضحكت علي
درت وجهي احاول الزم اعصابي اجة صار گبالي صبر صبر شني تلاثة

- مثل ما سمعت
- همينة توم
- ااااي توم تووووم انت تتونس براسي واني الأبتلي

فهمني ليش سويتها عناد
گتلك ليصير حمل حاچيتني بحيل صدر لا ميصير لأن متجيچ الشهرية لاااااا والله اخاف متقبل

منو قنعك بـ هالشي امك لو عمتك
ولو لاااااا
انت اصلاً تعمدت تحبلني في سبيل ارجعلك
بس تحلم صخر والله تحلم لأن حتى لو صاروا عشرة مو سبعة هم ما ارجع

- اشتغلت سوادينچ 
- طلگني عاد
- شلون تاليها وياچ تراچ جزعتيني
- واني زهگت اكثر منك ومليت والله مليييت هذا مو وضع الى متى تظل حياتي هيچ