وضاقت الأرض بي

البارت الخامس عشـر

#وضاقت_الأرض_بي

للكاتبة #لبنى_الموسوي

شوية وإسحاق گال
اترككم تتعرفون اعلة بعضكم واردن عگب ساعتين

من راد يطلع راحت هي ورى
گمت من مكاني بهدوء باوعت من فتحت الباب
چانت دتحچي ويا شو هاي فجأة ضربتة على زندة وضحكوا اثنينهم بصوت عالي

اي ردة فعل ما صدرت مني
الصدمة هنا چانت اكبر من استيعابي بقيت متصنمة بمكاني واباوع عليهم بغصة

ما اسمعهم لأن واگفين مسافة عني
بس واضح من انسجامهم التام الحديث الگاعد يدور بيناتهم احلى حتى من العسل

واهسي بالحياة انتهى مو بس بالعلاج
ضربت على راسي حيل
احاول اهدي نفسي حتى اعرف اتصرف صح شفتها سلمت علي ورجعت للغرفة

ركضت گعدت بمكاني
طبت سدت الباب والتفتت علية بـ أبتسامة اي وهسه شلونچ

- الحمد لله من الله بخير

- قبل كل شي خلينا نتعرف
اسمي طيف واكيد راح اكون صديقتچ
قبل لا اكون الدكتورة الراح تشرف على علاجچ لحد متتعافين ان شاء الله

- تشرفنا واني غسق

- اي غسوقة شنو اكثر اكلة تحبيها

حچتها وگعدت ع الكرسي
صفنت عليها هسه هاي شجاوبها يربي ؟!!
بلا اني ويني وين الأكل لا والله مبينة خوش دكتورة عاشت ايدك إسحاق على هالأختيار

- ها شو سكتي

- شنو مناسبة هالسؤال من ضمن العلاج يعني ؟!!

- لا بس حبيت ندردش شوية

- اني مجاية للحچي اني جاية هنا حتى اتعالج وبس

- اهاااا
يعني افهم من كلامچ انتِ عدوانية ؟!!

- هيچ شي

- ملعبي هذا كل الهلا بيچ حبيبتي

باوعتلها بطرف عيني
ابتسمت ورجعت روحها ع الكرسي
افترت سحبت القلم وفتحت السجل مدري شكتبت بي

- تدرين اني من چنت طفلة احب الأكل الحد كلش

الحد يعني الحار
المهم أمي چانت دائماً تمنعني منة
لأن اني عندي حساسية بمعدتي ومو زين علية الأكل الحار

واكيد اني مثلي مثل اي طفلة اعاند
فـ چنت انتهز الفرصة و أول متنام امي اروح ركض ع الثلاجة

شكو شي حار اكلة
حتى لو أسم الحرارة عادي المهم اشبع نفسي منة

وبالنتيجة الصبح تهيج علية معدتي
وخطية تظل امي حايرة شلون تخفف عني وجعي

عود اتوب واجوز من السالفة
لا بالعكس اصلاً كلما تشد وياية وتمنعني عنة
اني اتخبل ازيد وتوصل بية اتعارك وياها واگولها انتِ متحبيني وبخيلة تخافين ع الأكل