#وضاقت_الأرض_بي
للكاتبة #لبنى_الموسوي
ريحان.. ردينا للبصرة بوكت متأخر
لساعنا بأول الشارع ولنة نشوف باب دارنا مفتوح
ركزت عدل ياااا يمة هذول اخواني ؟!!
واگفين مثل الحلقة وعيونهم ع الگاع مااعرف الشني جاي يتنوعون بس منظرهم ما يطمن ابد
فتح الباب ابوي ونزل يركض
صهيب وإسحاق ردوا قبلنا من الصبح بس لون صاير وياهم شي عليش ما دگوا علينة
نزلنا ورى چانوا يحچون ويا ابوي
باوعت للگاع بصدمة
هذا خالد اخو ايوب گاعد بالگاع ويبچي مثل الحريم سترك ربي شني الصاير وياهم
الشيخ ضاري.. چا عليش ما خبرتوني صگد تحچون
إسحاق.. احنة ردينا وسدينا مچانك يبوي لاتشيل هم
الشيخ ضاري.. اليمتة توفت
إسحاق.. اليوم الصبح خبرنا ايوب وگال امي ماتت
باوعت عليهم مصدومة
لايربي خالة ام ايوب ماتت وقبل لا تدور سنة فاطمة
دنگ ابوي اعلة خالد گومة من الگاع بالگوة
الشيخ ضاري.. گوم وليدي
گوم يبعد ابوك ما يصح الجاي تسوي برويحتك
خالد.. ماتت بوية ماتت
ولاچن لساعنا نبچي دم اعلة اخيتنا و وحيدتنا خاطر تجي امي وتزودها اعلينة بروحتها هاي
الشيخ ضاري.. لا اله إلا الله
گوم وليدي گوم وگول انا لله وانا اليه راجعون
كلنا اعلة هذا الدرب عبن الموت واقع مفروض مامش مهرب منة
خالد.. انا لله وانا اليه راجعون
ريحان.. واگفة اباوع عليهم وابچي
ما ادري انقهر على خالة العاشت عمرها بالمرض
لو اافكر بـ أيوب الما اعرف حالته شلونها هساع عگب هالخبر
عفتهم يحچون ودخلت للبيت
لگيت البنات بالصالة لابسات اسود والوجه شحالة من البچي
تقربت من غسق وهناء عليش ما خبرتونا بوفاتها هااا
غسق.. إسحاق ما قبل
خطية خاف على ابوية من الطريق
وبنفس الوقت ماراد الخبر يوصل الشمس وهي نفسه
ردت احچي سمعت عمة جاي تصيح
درت وجهي
لگيت امي واگعة بالگاع يم الباب ركضنا عليها بخوف
والله حقها تتعب
خالة ام ايوب چانت صديقة عمرها
واجت انلچمت بيها وهي لساعها مانست جرح إلياس وفاطمة
صحنا ابوي واخوتي دشوا يركضون
بالگوة گعدوها
قاس حبيب السكر مالها مرتفع كلش ظلة فوگ راسها ساعة يلا نزل شوي
الشيخ ضاري.. إسحاق وليدي
روح الأيوب واخوتة لاتعوفوهم الوحدهم بهيچ ظرف صعب
إسحاق.. صار بوية تامر
ريحان.. دشيت الغرفتي عگب ما امي مشت تنام
بس گعدت ع السرير بچيت
ظليتني هيچي اكثر من ساعة اخر شي عيوني صارن يوجعني من البچي
گمت توضيت وصليت ليها الوحشة
ظليتني اقرا قرأن بأسمها ودموعي مثل المطر
فجأة رفعت عيني للساعة
صارت فوگ الوحدة وآنه ما حاسة بالوكت شلون مر
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
