" ဒါဆို နင်တို့ အခုချိန်ထိ ဘာမှမဖြစ်သေးဘူးပေါ့ "
" အင်း "
ကျိုးကျမတတ်ငုံ့ထားသည့် ရှေးဝသုန်၏ခေါင်းမှာ ပြန်ပေါ်မလာသေး ၊ မြသက်ခြယ်မှာ စိတ်ပျက်သည့်ဟန်ဖြင့် ရှေးဝသုန်ဘေးရှိ ဆိုဖာခုံပေါ်တွင် ခပ်လျော့လျော့ထိုင်နေသည်။ ဦးဘုန်းမြတ်မှာ တစ်ဦးတည်းသော သားမို့ စကားအရသာ ပြတ်သည်ဆိုသော်လည်း မင်္ဂလာအလှူကို လာရုံမျှမက တောင်ကြီးဘက်တွင် ခြံတစ်ခြံနှင့် တိုက်တစ်လုံးလက်ဖွဲ့ရုံမက အောင်ပန်းရှိခြံများကို အပြီးအပိုင် ဘုန်းရှိန်ဝါအမည်နှင့် လွှဲပေးခဲ့သည်။
ဘုန်းရှိန်ဝါမှာ ရန်ကုန်ရှိ သင်တန်းကျောင်းကို မြသက်ခြယ်အား ဦးစီးစေကာ တောင်ကြီး ၊ အောင်ပန်း ၊ ကလောတစ်ဝိုက်ရှိ ဘွဲ့ရပြီးစလူငယ်များကို နိုင်ငံခြားတွင် ပညာဆည်းပူးရင်း အလုပ်အတွေ့အကြုံရဖို့အတွက် ရည်ရွယ်ကာ တောင်ကြီးမြို့တွင် သင်တန်းခွဲဖွင့်မည့်ကိစ္စနှင့် ပတ်သက်ပြီး မြသက်ခြယ်မှာ တောင်ကြီးသို့ရောက်နေခြင်းဖြစ်သည်။
ကောင်းမြတ်မှူးထံမှ အစ်ကိုဖြစ်သူ ဘုန်းရှိန်ဝါနှင့် မိမိသူငယ်ချင်း ရှေးဝသုန်၏ အဖြစ်ကို သိခဲ့ရပြီးဖြစ်သော်လည်း မယုံသဖြင့် ခရီးရောက်မဆိုက် အလုပ်ကိစ္စပင် မပြောနိုင်ဘဲ ၊ မေးမိခြင်းဖြစ်၏။
" ဝသုန် နင်ဘာလို့ အစ်ကိုဘုန်းရှိန်ကို ရှောင်နေရတာလဲ "
မြသက်ခြယ်မှာ ရှေ့မျက်နှာ နောက်ထားပြီး မရှက်နိုင်တော့ဘဲ ရှေးဝသုန်ကို မေးမိ၏။
" ဟို...ငါ...ငါလေ.... "
" အေး နင်တွန့်ဆုတ် တွန့်ဆုတ်လုပ်နေ ဒီလိုလုပ်လို့လဲ အရင်တုန်းက ဘာဖြစ်ပြီးပြီလဲ "
မြသက်ခြယ်မှာ ဘွင်းဘွင်းပြောရန် ခက်သည့်အသွင်ဖြင့် ရှေ့မှ လိမ္မော်ရည်ခွက်ကို ဂွက်ကနဲ ကောက်မော့သည်။
" တော်ပြီ ငါ မပြောသေးဘူး နင်သေချာ ပြန်စဉ်းစား ငါခရီးပန်းတယ် နားတော့မယ် "
" အင်းပါ လာ နင်နားရမယ့် အခန်းကိုလိုက်ပြမယ် "
ရှေးဝသုန်မှာ မြသက်ခြယ်အတွက် ပြင်ထားပေးသော အခန်းသို့လိုက်ပြလိုက်သည်။
မြသက်ခြယ် အနားယူပြီးနောက် နေ့လည်စာပြင်ဆင်ရန် အိမ်နောက်ဘက်သို့ ဝင်ခဲ့သည်။
ယခုဆိုလျှင် ရှေးဝသုန်နှင့် ဘုန်းရှိန်ဝါ မင်္ဂလာအလှူပြုလုပ်ပြီးနောက် အတူနေခဲ့သည်မှာ ၂လကျော် ၃လထဲသို့ဆိုက်ရောက်နေပြီဖြစ်သည်။ အတူနိုးထလာသည့်မနက်ခင်းနှင့် အတူအိပ်ယာဝင်ရသည့် ညများစွာ လွန်ခဲ့သော်လည်း နှစ်ဦး၏ ပတ်သက်မှုမှာ ထွေးပွေ့ကာ လက်ကိုင်ပါးနမ်းသည့် အဆင့်မှ မတက်သေး။
YOU ARE READING
မ်က္၀န္းတစ္စုံ၏ ႏွလုံးသားပဲ့တင္သံ / မျက်ဝန်းတစ်စုံ၏ နှလုံးသားပဲ့တင်သံ
Romanceအခ်စ္ဆိုတာ အဓိပၸာယ္အမ်ိဳးမ်ိဳးဖြင့္ဆိုၾကတယ္ ဒီဇာတ္လမ္းေလးထဲက လူသားေတြကေရာ အခ်စ္ကို ဘယ္လိုေတြ အနက္ဖြင့္ဆိုၾကမလဲ စိတ္၀င္စားမယ္ဆိုရင္ျဖင့္ ......................... အချစ်ဆိုတာ အဓိပ္ပာယ်အမျိုးမျိုးဖွင့်ဆိုကြတယ် ဒီဇာတ်လမ်းလေးထဲက လူသားတွေကရော အချစ်ကို...
