اسكريبتات انتٍ لي وحدي

"لم أكن باغية سوا حبك ليس إلا"

هلا....
وحشتوني جدا جدا يعني والله .. كنت قافله الفتره اللي فاتت عشان الدراسة وكده بس الحمدلله جت منهم ووقفوا كل حاجه 😂💙
ده اسكريبت كنت كتبته واتا قافله ولسه مخلصاه النهارده يعني ليلة طويلة اوي سعادتك والمختلف فيه انه كله عامي مش فصحي فـ اتمني انه يعجبكم ومخذلكمش فيه 💙💙

_انسي انك تعرفيني تمام ؟ انا هنا المدرس بتاعك وبس جوزك ده في البيت !
قالها وهو بيبصلها بصرامه .. بصت للأرض وهي بتحرك راسها بخفوت وبعدين سابته بسرعه ومشيت ....
دخلت السنتر بسرعه وهي رايحه ناحية الحمام ودخلت وقفلت الباب وراها وبدأت دموعها تنزل بهدوء شديد بيزيد كل شويه .. اتحركت وهي بتقف قصاد المرايه بتبص علي نفسها بتعب .. هي تعبت .. العلاقة دي بقت بتستنفز طاقتها .. هي مش مضطره تستحمل كل ده عشانه ! مش مضطره انها تشيل كل ده لوحدها وتستحمل ذنب مش ذنبها .. الذنب اللي متمثل ان البنت لابن عمها مهما حصل ايه .. مش ذنبها ان هو مش عايزها واتجبر عليها ...
غمضت عينها وهي بتعيط جامد وحطت ايدها علي قلبها واتكلمت بصوت ضعيف :
_ليه انا اللي حبيتك .. ليه انا اللي حبيتك من قبل ما اشوفك وانت مش طايقني .. ليه انا كمان انت مش مجبور عليا زي ماانا مجبوره عليك بالشكل ده كانت علاقتنا خلصت من زمان .. ليه انا مضطره استحمل واحد مش عايز يعترف بيا اصلا ليه ؟
سكتت وهي بتفتح عينها وبدأت تغسل وشها بس وقفت وهي بتبص علي الدبله اللي في ايدها .. لا ده الخاتم لانه رفض انها تلبس دبله عشان محدش يعرف حاجه فـ بدل عن ده جابلها الخاتم ده ...
حطت ايدها قصادها وهي بتبص علي الخاتم جامد ومن غير ما تتردد قلعته من ايدها وهي بتحطه في شنطتها وبدأت تغسل ايدها من مكانه وكأنه كان ذنب وهي بتتحرر منه ...
طلعت من الحمام وراحت علي المكان اللي هتاخد فيه الكورس وهي لاول مره بتندم علي انها فكرت انها تاخد عنده هو .. افتكرت لما عرفت انه بيدي كورس انجليزي فـ اخدتها حجه عشان تقرب منه وراحت قدمت في المكان اللي بيشتغل فيه من وراه عشان بس تبقي معاه مكنتش تعرف ان كل ده هيحصل ...
اتنفست بقوه وهي بتدخل القاعه الصغيره وقعدت ورا جنب الحيطه .. رفعت ايدها قصادها وبدأت تبص مكان الخاتم الفاضي بشرود شديد .. فاقت علي صوت حد جبنها وكان زميلها مروان .. بصتله بابتسامه واتكلمت :
_اهلا مروان ازيك.
اتكلم مروان وهو بيبص علي ايدها ؛
_الخاتم فين؟
رفعت حاجبها بدهشه شديده وهي بتتكلم :
_وانت لاحظت ازاي اني قلعت الخاتم ؟
بصلها بابتسامه هادية وهو بيتكلم :
_بسيطه يمكن لأنك باصه لأيدك اوي فـ لفتي انتباهي .. او لأنك مثلا مش ماسكه الخاتم وبتحركيه في صباعك زي كل مره .. او يمكن لاني مهتم زياده عن اللازوم مثلا براحتك يعني شوفي انتي عاجبك اني مبرر في دول .
ابتسمت بهدوء شديد وهي مستغربه جدا .. اول مره تلاقي حد ملاحظ حاجه فيها حتي لو كان الخاتم .. بصتله واتكلمت بصدق :
_تصدق اني فرحت .. اول مره الاقي حد ملاحظ حاجه انا عملتها .. وبعدين مكنتش اعرف اني كنت متعلقه بالخاتم اوي كده .
اتكلم مروان بمرح :
_متعلقه بيه ايه بس .. ده انتي كان فاضلك شويه وتعلقيه في رقبتك من كتر ماانتي كنتي ماسكاه .
ضحكت لين وهي بتتكلم :
_لا مش للدرجادي يعني بس تقدر تقول كنت مهتمه بيه شويه .
_خساره!
قالها مروان بأسف وهي اتكلمت باستغراب :
_ايه اللي خساره؟
_كل الاهتمام ده بخاتم ياريت حد يهتم بيا زي ماانتي مهتميه بالخاتم كده .. ما تعتبريني خاتم .
ضحكت لين بخجل من كلامه وهي عارفه ان مروان دايما بيحب الهزار .. يمكن هو الحاجه الكويسه في المكان ده .. ضحك مروان معها وسكتوا هما الاتنين لما سمعوا صوت معاذ وهو بيتكلم :
_اعتقد اني دخلت !
رجع مروان مكانه واتعدل ولين اتعدلت في مكانها بس بصت بسرعه لمروان وهو بصلها وضحكوا هما الاتنين ضحكه مكتومه ومعاذ بيبص عليهم بصمت ...
خلصت المحاضره بتاعتهم بعد مده وقام كل واحد من مكانه .. قرب مروان من لين وهو بيتكلم :
_لين بقولك ايه ؟ ما تيجي نخرج .
رفعت حاجبها وهي بتبصله جامد فاتكلم بسرعه :
_نشرب حاجه بس والله يعني يبقي بين مشروب وكده وههه مش مضحك عارف .. ايه رايك؟
سكتت لين وبعدين بصت وراه لما لقت معاذ واقف مع واحدة زميلته ومبتسم ليها اوي وبيتكلم معها باهتمام شديد رجعت بصت لـ مروان واتكلم بابتسامه :
_لا حيث فيها مشروب في خلاص امري لله .
ابتسم مروان ومشيوا هما الاتنين مع بعض وطلعوا برا السنتر خالص ولين بتفكر انها لازم فعلا تتجاهله زي ما طلب منها لانها خلاص تعبت !
.......................
_روحتي فين؟
قالها بعد ما دخلت من باب البيت .. قفلت الباب وراها ومشيت لجوه من غير ما ترد عليه اتكلم بصوت عالي :
_اقفي هنا وكلميني زي ماانا بكلمك .
وقفت في نص الطرقه ولفت بهدوء وهي بتتكلم :
_نعم يا معاذ؟
_كنتي فين.
_ماانت عارف انا كنت فين ليه الاسئله؟
قالتها ببرود وهي بتبصله بصلها جامد وهو بيتكلم بحده :
_يمكن لاني عايز اسمعها منك مثلا ؟
_مم .. طيب كنت مع مروان زميلي اخدني وشربنا قهوه مع بعض .
ردت عليه بهدوء شديد وهي بتبصله قرب منها ومسك ايزه وهو بيتكلم بغضب :
_ازاي يا انسه يا محترمه تروحي مع واحد غريب تقعدوا مع بعض.
_ماانت كنت واقف مع واحده غريبه عنك با استاذ يا محترم ومحدش عاتبك.
صرخ في وشها :
_انا راجل .
صرخت هي في المقابله :
_مش مبرر.
سكتوا هما الاثنين وكل واحد بيبص للثاني .. بص معاذ علي ايدها اللي رفعتها تعدل بيها شعرها ولاحظ ان الخاتم مش موجود فـ اتكلم :
_الخاتم فين؟
بصت علي ايدها بسرعه ومسكتها وبعدين بصتله وبعد ما كانت هتقوله انها قالعته ردت عليه ببرود :
_ضاع مني!
_يعني ايه ضاع؟
_ضاع يا معاذ هي ليها كام معني!
قالتها ببرود مصطنع وهي بتبص علي ملامحه اللي ظهر عليها العصبيه وصرخ في وشها :
_والله عال ما طبعا هتهتمي بالحاجه ازاي وانتي مركزه في حاجه تانيه وناسيه انك متجوزه .
_انت اللي ناسي مش انا انت اللي رافض تعترف بيا اني مراتك مش انا انا فضلت ساكته عليك كتير ع امل انك بس تحس لكن مفيش ودلوقتي جيه دوري اللي انا كمان اشوف فيه حياتي زي ماانت شوفت حياتك حتي لو كنت ع زمتك.
ضربها بالقلم جامد لدرجه انها حته مصرختش من صدمتها .. بصت في الارض جامد وهي مش سامعه غير صوته اللي اتكلم بغضب :
_ده انا ادفنك قبل ما تفكري تلوثي اسمي بوساختك دي حتي لو انا مش معترف بيكي انك مراتي .. ومش هعترف بيكي انتي فاهمه اوعي تفتكري اني هعترف بيكي في يوم .
اتكلمت بعصبيه :
_يبقي بلاها العيشه الدل دي وطلقني مادام الرجوله ناقحه عليك اوي كده ايه اللي يخليك تستحملني .
بصلها جامد وعينه بفت لون الدم وهي بتبصله بحده غريبه عليها اتكلم بصوت جامد :
_انتي صح .. انتي طالق يا لين .. طالق يا بنت عمي.
محستش بنفسها وهي دموعها بدأت تنزل ببطء واتكلمت بوجع :
_انت كبريائك منعك تستحمل جزء من عصبتي ومستحملتش الكلمتين اللي قولتهم وطلقتني .. في حين اني كنت مستحمله اكتر من كده والمره الوحيده اللي فكرت اتمرد فيه مستحملتش وطلقتني .. انت متستحقش اني اكون معاك يا معاذ متستحقش!
سابته ومشيت بسرعه بس بدل ما تدخل اوضتها مشيت من البيت كله وهي بتحري علي برا وهو فضل واقف مكانه مش عارف يعمل ايه بعدين دخل اوضته وقفل الباب وراه جامد.
..............
_انا هنزل يا ماما.
قالتها لين وهي بتفتح الباب سمعت صوت مامتها من وراها :
_هتروحي فين يا لين؟
_هتمشي شويه واجي متقلقيش مش هتأخر يلا سلااام.
مسبتش فرصه انها ترد عليها ونزلت بسرعه من البيت وهي بتمشي بخطوات بطيئه في الشارع وبتبص تحت رجلها بشرود شديد ...
فضلت تتمشي لحد ما راحت ناحية البحر ووقفت قصاده وهي بتبص علي الناس اللي موجودين هناك بفتور شديد ...
بعد ما كانت اكتر واحده بتقدس العلاقات بقت تكرهها مبقتش تشوفها غير مجرد وجع وبس .. ركزت نظرها اوي مع اتنين واقفين جمب بعض وباين عليهم السعاده وضحكت بسخريه عليهم وهي من جواها عارفه ان كل ده مجرد وهم وبس ومفيش حاجه اسمها حب اصلا ...
مشيت بعيد عن المكان كله وفضلت تمشي بلا هدف معين بس بتمشي...
رجعت بيتها بعد ما الليل حل عليها .. متعرفش هي قعدت قد ايه بتلف في الشوارع وكأنها مجنونه وتايهه ...
وقفت قصاد باب بيتهم وقبل ما تفتح الباب سمعت صوت من ورا الباب :
_يعني هتروح فين يا مرات عمي .. زمانها راجعه اكيد متقلقيش.
صوته .. هي مش غريبه عنه ابداً .. فتحت الباب بهدوء شديد ودخلت جوا .. لقت مامتها جريت عليها بسرعه وهي بتتكلم :
_لين .. كنتي فين ..  انتي كويسه .. خمس ساعات بره البيت يا لين خمس ساعات .
مردتش عليها لانها كانت بتبص علي اللي باصص عليها جامد .. مستغربه وجوده .. مستغربه كمان نظرة القلق اللي في عينه ديه ...
اخيرا ردت علي مامتها وهي بتتكلم :
_كنت بمشي .. مجرد بمشي في الشوارع .
_وانتي مااخدتيش معاكي تليفونك ليه؟
قالها معاذ وهو بيقرب منها وبيفحص شكلها .. شعرها اللي مغطيه بيه نص وشها وملامحها الباهته اللي ظاهره عليها .. ردت عليه لين ببرود :
_ميخصكش.
_اتكلمي عدل يا لين والا ..
قالها معاذ بتحذير وكانت هترد عليه هي بغضب بس صوت الباب وقفهم .. راحت ناحية الباب وهي بتفتحه بس وقفت متفاجئه وهي بتتكلم :
_مروان!!
ابتسم مروان اول ما شافها واتكلم بابتسامه هادية :
_ازيك يا لين.
لفت لين بحركه تلقائيه لـ معاذ اللي واقف وظهر علي وشه كافة ملامح الغضب اللي مش بيدل علي خير ابداً ...
بصت لـ مروان وعلي وشها ابتسامه واتكلمت :
_انا بخير .. اتفضل يا مروان .
دخل مروان وهو بيبص علي الموجودين وبعدين اتكلم بدهشه :
_مستر معاذ حضرتك هنا ؟
اتكلمت لين بدورها :
_استاذ معاذ يبقي بدوره ابن عمي .. ودي والدتي .
حرك مروان راسه بفهم وراح سلم علي والدتها وبعدين راخ سلم علي معاذ اللي كان بيبصله بغيظ .. اتكلمت لين بتساؤل :
_انت عرفت بيتي منين؟
_احم من السنتر .. انتي كنتي حاطه عنوان بيتكم وجيت بس !
ابتسمت لين ابتسامه مهزوزه وهي بتفتكر انها حطت العنوان بسببه .. عشان محدش يعرف انهم عايشين مع بعض .. اتكلم معاذ ببرود :
_وانت ايه اللي جايبك بقي ؟
_والله لين بقالها مده كبيره مبتظهرش يجي ٣ شهور فـ حبيت اسأل عليها .
_ليه اخوها .. قريبها .. ليك اي علاقة بيها ؟
قالها معاذ بغيظ فـ رد عليه مروان باستغراب :
_زميلتي مش اكتر ومعتقدش اني غلطت في اني اتصلت اطمن عليها ولا ايه يا طنط؟
اتكلمت مامت لين بدورها بابتسامه :
_لا يابني مغلطش هو الانسان يبقي حاجه لو معندوش صاحب يسأل عليه لم يغيب .. تعال يابني ادخل هتفضل واقف كده تعالي .
دخلوا جوا كلهم ومعاذ مركز مع مروان وبيبصله بغيظ شديد .. قعدوا مع بعض ومروان بص لـ لين واتكلم :
_قوليلي بقي ايه سبب الغيبه الطويله ديه؟
_حبيت اخد اجازه شويه مش اكتر يعني .. انا مش بتاعت علام.
قالتها بمرح وهي بتبصله فـ اتكلم هو بمرح :
_ايوه ايوه ورد ملهاش في العلام ورد عايزه تتجوز.
_لا ياعم استغفر الله.
_لابجد مبتجيش ليه ؟ الكل هناك مفتقد لـ وجودك جدا .
قالها مروان بصدق وهو بيبصلها فـ اتكلم معاذ بعصبيه :
_وهل يا تري انت من اللي مفتقدينها بردو؟
بصله مروان باستغراب وهو بيتكلم :
_اكيد طبعا .. لين مفيش حد يعرفها وميفتقدهاش لو غابت.
ضغط معاذ علي سنانه وايده جامد وهو بيبصله .. قامت مامت لين بسرعه وهي بتتكلم :
_انا هقوم احضر العشا بقي .
_لا يا طنط ملوش لزوم انا كده كده ماشي.
قالها مروان بابتسامه وهو بيبصلها فـ اتكلم معاذ برود :
_يكون احسن .
_معاذ!
قالتها لين بحده وهي بتبصله ومروان بيبصله بغيظ ومش فاهم حاجه .. بصت لين لـ مروان من جديد وهي بتتكلم بابتسامه :
_اقعد اتعشي معانا يا مروان مينفعش تيجي كده من غير عشا يعني.
_صدقيني هاجي مره تانيه اكيد مش اخر مره .. انا بس حبيت اطمن عليكي.
قالها بهدوء فـ اتكلمت لين بامتنان :
_شكراً علي سؤالك يا مروان حقيقي فرق معايا جدا.
مسك ايدها بحركه مفاجئه وهو بيتكلم :
_متقوليش كده احنا اصحاب يا لين .
ارتبكت لين لما مسك ايدها ومتعرفش ليه بصت علي معاذ اللي لقيته باصص علي ايدها جامد وعينه وسعت جامد .. اتكلمت ام لين بسرعه عشان تنقذ الموقف لما لاحظت نظرات معاذ :
_طيب يابني .. هستني زيارتك الجيه بإذن الله.
حرك مروان راسه بقبول ومشي ولين وصلته لحد الباب وبعد ما نزل قفلت الباب وراه والتفت عشان تدخل بس لقت معاذ ومامتها واقفين قصادها وبيبصوا عليها جامد .. اتكلمت لين باستغراب :
_نعم ... في ايه؟
_الواد ده كان بيعمل ايه هنا؟
قالها معاذ بغضب وهو بيبصلها رفعت حاجبها وهي بتتكلم :
_مسمعتوش وهو بيقولك انه جي يزورني.
_ويجي يزورك بأمارة ايه هو ؟
_صاحبته!
قالتها وهي بتحرك كتفها بالامبالاه وكانت هتعديه بس مسك ايدها فجأه وهو بيصرخ في وشها :
_الواد ده ميجيش هنا تاني انتي فاهمه.
صرخت في وشه بالمقابل :
_اول حاجه انت ملكش اية حق انك تدخل مين يجي ليا ومين لا .. تاني حاجه شيل ايدك ده ملكش الحق تمسكني.
نهت كلامها وهي بتشيد ايدها منه جامد بس هو فاضل ماسكها جامد واتكلم بحده :
_انا ابن عمك ومن حقي ادخل .
_لا مش من حقك محدش اليومين دول نزل ان من حق ابن العم يتدخل فـ لا مش من حقك لانك بس ابن عم .
قالتها بحده وهي بتبصله جامد في عيونه وهو بيبصلها اتكلم باندفاع :
_كان معايا حق لما طلقتك لان مشيك كله معوج وكنتي هتفضحيني بافعالك الزباله ديه.
اتكلمت مامتها بغضب :
_معاذ اعدل لسانك انت عارف انت بتتكلم عن مين .. انا مسمحلكش لا انت ولا غيرك تقول في حق بنتي كلمه واحده انت فاهم.
قربت لين منه وهي بتتكلم بكلمات بطيئه :
_ما دام انا كده واقف معايا دلوقتي ليه وماسك ايدي ليه .. سيبها عشان متلوثش نفسك بيا يابن عمي ولا لا عشان مفضحكش .. ابعد بعيد يااستاذ معاذ .. ومتدخلش في حياتي تاني ابداً .. اعتبرني مت او انك معندكش ولاد عم اصلا .
سكتت وهي بتبصله وهو بيبصلها بندم وقبل ما يتكلم صرخت في وشه :
_اطلع برا .. اطلع مش عايزه اشوف وشك تاني اطلع بقي .
شدت ايدها جامد من ايده وراحت فتحت الباب بتاع البيت وراحت ناحيته وقعدت تزقه بره وتصرخ فيه :
_امشي بقي .. اطلع برا حياتي كلها يا اخي امشي .
قربت مامتها منها وهي عايزه تمسكها بس لين مكنتش هاديه ابدا ودموعها بدأت تنزل وهي بتزقه :
_امشي بقي وسيبني في حالي .. انساني يا اخي .. اطلع برا حياتي بـــــــرا !
طلعته برا وقفلت الباب وراه بسرعه وصرخت فجأه بصوت عالي وهو واقف ورا الباب وبيبص عليه بصدمه من اللي حصل ده ميعرفش امتي هي فقدت اعصابها كده ميعرفش انه ضغط عليها للدرجه ديه .. سمع صوت صرخه تاني بس المره دي مكنتش لين كانت مامتها اللي بتصرخ :
_بنتــــــــــــي!
.........................................
دخل الاوضه وهو بيبص عليها وهي قاعدة علي السرير باصه قصادها وبس ومروان قاعد جمبها بيحاول يخرجها عن حالتها ديه ومش عارف يعمل ايه .. قرب منهم وقعد جنبها من الناحية التانيه وهو بيبص عليها جامد بس هي مش بتبص حواليها هي باصه في مكان معين ...
بص معاذ لـ مروان واتكلم بهدوء :
_معلش ممكن تسيبنا شويه لوحدنا .
بصلها مروان بتردد وهو خايف يسيبها معاه  بس بعدين قام من مكانه بامتعاض وطلع من الاوضه .. بص معاذ علي لين واتكلم بابتسامه باهته :
_ازيك يا لين .. وحشتيني.
كان بيص ليها منتظر منها اية ردت فعل بس هي معملتش حاجه .. اتنهد بوجع وكمل :
_انا اسف يا لين .. اسف لاني السبب في الوضع اللي انتي فيه ده .. انا اللي وصلتك لـ كده بغبائي .. مكنتش استحقك يا لين .. اخدتك مليانه بهجه وفرحة من بين اهلك ودلوقتي انا خليتك مطفيه مفكيش روح .. ومش قادر اعمل حاجه ارجعك بيها يا لين انا اسف .
بدأ يعيط وهو بيبصلها وهي غمضت عينها بألم وكمل هو :
_مفيش حاجه تخليكي تسامحيني انا عارف والله .. بس انتي لازم تقومي يا لين .. مش عشاني عشان اهلك .. هما يستحقوا يشوفوا بسمتك تاني .. اسف علي كل لحظه وجعتك فيها لو رجع بيا الزمن مكنتش هتجوزك عشان موصلكيش للحاله اللي انتي فيها ديه .. بس انا حبيتك .. والله حبيتك يا لين .. عارف انه متأخر بس غصبا عني حبيتك.
بدأت لين تعيط هي كمان من غير صوت كمل معاذ وهو بيمسح دموعها :
_دموعك اغلي من انك تنزليها علي واحد زيي يا لين واحد مااخدتيش منه غير الوجع والالم وبس .. يمكن دلوقتي جيه الوقت اللي اتألم فيه زي ما انتي كنتي بتتألم زمان في حي وانا عارف انك بتحبيني  وكنت مكمل .. انا هبعد عن حياتك للأبد يا لين صدقيني للأبد بس ارجعي مامتك عيلتك مروان كلهم محتاجينك متوجعيهمش كلهم عشان واحد زيي .
نزل راسه في الارض وهو بيمسح دموعه هو كمان وبص عليها اخر مره قام من علي السرير وقرب منها باس راسها وبعدين بعد وطلع من الاوضه .. راح لـ عند مروان اللي كان قاعد جنب مامت لين واول ما شافوه وقفوا .. قرب معاذ منه واتكلم بصوت مهزوز :
_يمكن انا مكنتش استحقها .. بس انت ممكن ترجعلها ضحكتها تاني .. هي بترتاح معاك .. وانا عارف انك هتقدر تضيع من جواها اية مشاعر او احداث وحشه .. متوجعهاش زي ماانا عملت .
اتحرك ووقف قصاد مامت لين اللي بتعيط وقرب منها واتكلم بندم :
_انا اسف اني وصلت بنتك للحاله ديه يا طنط والله اسف .. انا السبب  انها بقالها اسبوعين كده بالحاله ديه .. عارف ان اسف مش بتريح بس معنديش غيرها لاني مش عارف اعمل حاجه .. سامحيني ماشي .. واعرفي اني دايما هعتبرك امي حتي لو كرهتيني.
حضنته ام لين جامد وهو حضنها اتكلمت هي بصوت باكي :
_انت هتفضل ابني مهما حصل ايه .. للأسف انتوا الاتنين ولادي وبنتي واكيد ربنا هيريح قلبها مكنش ليكم نصيب مع بعض واكيد نصيبها هيكون مع حد تاني .
بعد معاذ عنها وبعدين بص علي اوضة لين لأخر مره ومشي .. نزل من البيت بسرعه وهو بيقطع الشوارع مشي وحط الكاب بتاع الجاكيت اللي جيه بيه خصوصي النهارده علي راسه وبدأ يعيط علي كل حاجه راحت من بين ايديه بس هو مبقاش بـ ايده حاجه عشان يصلحها وجوده بقي مؤذي لـ حياتها !
.................................
_حمدلله علي السلامة يا مستر معاذ .
قالها صاحب السنتر وهو بيستقبل معاذ اللي دخل من السنتر .. اتكلم معاذ بهدوء :
_الله يسلمك .. فيه حد جيه ولا لسه؟
_كلهم جوا مستنين حضرتك .
حرك راسه بتفهم وبعدين راح ناحية القاعة بتاعته دخل جوه وهو بيبص تحت رجله .. اتكلم وهو بيرفع راسه :
_اهلا بيكم معانا هنا في السنتر ان شاء الله نرتاح هنا مع ...
سكت عن الكلام لما بص لقاها قاعده قصاده علي الكرسي ومبتسمه وبتبصله .. بصلها بصدمه فـ هي شاورت بعينها علي الناس اللي موجودين فـ انتبه وحاول يرجع تركيزه تاني بس كل شويه يبصلها في نص كلامه ...
خلص الشرح واول ما خلص راح ناحيتها بسرعه وهو مش مهتم باللي حواليه ووقفها قصاده بسرعه .. اتكلمت بتوتر :
_معاذ الناس ؟
_يولعوا الناس .. انتي موجوده هنا بجد صح؟
ضحكت لين علي كلامه واتكلمت :
_لا خيالي .
_انتي جيتي ليه؟
قالها بفضول وهو مستني اجابه معينه جاوبته بهدوء :
_حسيت اني ضعيفه في اللغه جيت اخد فيها كورس.
_واشمعنا انا ؟
_اصل قالولي انك افضل واحد هنا فـ جيت .
قالتها وهي بتبصله وبعدين بدأت تلم حاجتها وهو متابعها .. مسك ايدها فجأه وهو بيتكلم :
_لين .. ده الخاتم!
بصت لين علي ايدها وهي بتبص علي الخاتم في ايدها وهزت راسها اتكلم بعدم فهم :
_بس ازاي انتي قولتيلي انه ضاع.
_لانه مضعش .. انا اللي كنت قلعته حسيت اني مستحقوش او بمعني تاني صاحبه ميستحقنيش فـ قلعه وشيلته.
قالتها بنبرة ذات مغزي وكملت اللي بتعمله فـ اتكلم هو بسرعة :
_ثانيه ثانيه .. انتي بتقولي انك قلعتيه لاني مكنتش استحق انك تلبسيه .. وانتي دلوقتي لابسه ده معناه ايه؟
حركت كتفها بعدم معرفة وعلي وشها ابتسامه مكتومه ضحك معاذ فجأه وهو بيتكلم :
_لين انتي سامحتيني صح.
_لا جايه اضيع وقتي في ماده ديه المره الخامسه علي التوالي اللي احضر كورس فيها .
قالتها بغيظ منه ومن غبائه .. ضحك وراح حضنها جامد واتكلم :
_انا بحبك اوي يا لين بحبك اوي اوي.
_مكنش واضح لم بعدت وسبتني يا معاذ .
قالتها بحزن فـ اتكلم هو بندم :
_مكنتش حاسس اني استحقك يا لين .. مكنتش عارف اعمل حاجه .. مكنتش بعمل حاجه غير اني بتألم من حالتك مش اكتر وانا مش في ايدي حاجه اعملها .
حركت لين راسها بهدوء وقربت منه ومسكت ايده واتكلمت :
_انا نسيت كل ده يا معاذ .. لاني غصب عني بحبك .. غصب عني مش عارفه انساك ولا اتجاهلك .. مكنش قدامي حل غير اني اسامحك وعشان اسامحك كان لازم اتعافي مع نفسي الاول لا بوجودك ولا بوجود غيرك يا معاذ.
_ومروان ؟
قالها معاذ بنبرة فيها شئ من الغيره ضحكت لين واتكلمت:
_ماانت لو كنت متابع كنت هتعرف ان مروان خطوبته كانت من اسبوع وانا كنت حاضره فيه .
برق معاذ عينه وبعدين راح ضاحك تاني ولين بتضحك علي ضحكه اللي من غير مبرر وبعدين راح حضنها تاني واتكلم بطريقه مفاجئه :
_بحبك يا لينو .. بحبك اوي .. تقبلي تتجوزيني من جديد .. والمره ديه تبقي حياتنا كلها فرح ونمسح كل الحزن اللي في حياتنا.
قربت منه ومسكت ياقة قميصه واتكلمت :
_مش هتجرحني تاني ولا هتبعد عني تاني؟
_عمري يا لين عمري.
قالها معاذ بصدق فـ اتكلمت تاني بمناغشه :
_وهتفسحني كل يوم جمعه وتجبلي شيكولاته وانت جاي كل يوم زي ماانا كنت بحلم دايما
_ربنا يقدرني واحققلك  كل اللي نفسك فيه يا لين.
قالها بحب وهو بيبصلها فـ بعدت ايدها عن هدومه واتكلمت بمرح :
_ما تيجي نتجوز!

#انتِ_لي_وحدي
#اسكريبت
#Nemo