اسكريبتات انتٍ لي وحدي

"وسيبقي ميدان التحرير .. رمز حبنا"

السلااااام عليييييييييكم .. وحشتوني جدا جدا اسفه علي الغيبه الطويله دي بس ان شاء الله اقدر اعوضها ❤

ان شاء الله هنزل اسيره قسوته المعدله من بكره بإذن الله!

__بكره تشوفوا كلكم انا حبيبي مين؟!!

قالتها بعزم واضح ممزوج بالغضب من سخريه الفتيات منها فهي كما يطلق عليها "شاويش" ليس لها في افاعيل الفتيات من شئ .. ولكن هي لا تسمح بأن يستخف احد بها مهما كلفها الامر ...

وضعت حقيبتها بإهمال علي الفراش وهي تتذكر حديثها منذ قليل ثم اردفت بشئ من الصدمه :

_انا قولت كده ازاي ؟؟؟ وهجيب منين البتاع ده اصلا ؟؟؟ لساني ده حسبي الله فيها ايه لو كنت قولت اني مش مرتبطه هنقص رجل مثلا !؟ شوفي بقي هتصرفي نفسك ازاي يا هانم عشان تبقي تتكلمي كويس!

وضعت يدها علي وجنتها بخيبه امل وهي تحاول ان تجد وسيله للخروج من هذا المأزق ثم انتفضت بطريقه مفاجئه وهي تهتف بشئ من السعاده :

_لقتها!!

امسكت بهاتفها وهي تدخل علي احدي مواقع التواصل الاجتماعي "الفيسبوك" وهي تقوم بالبحث في تلك الاسماء وهي تتمتم :

_محمد ممم .. لا .. عادل .. لا لا اسم كده مش حساه .. يوسف .. ويفضلوا يقولوا جو عامل اي والحركات دي لا بردو .. مروان .. ممم هو جميل .. بس لا .. هو ده!!

قالتها بسعادة غريبة وهي تقرأ اسمه امامها وتردده علي شفتيها ببطء غريب وكأنها تتذوقه :

_معاذ .. اسم هادي كده .. معاذ ولين .. الاسمين لايقين علي بعض .. وهو قمر قمر يعني جوزي اووي!! اتهبلتي يا لين من اولها؟!!

قالتها بحنق من نفسها ثم اخذت تنظر الي تلك الصور المنشورة عنه ثم حسمت قرارها ودخلت علي صفحة الدردشة الخاصة وهي تدون عدة كلمات متحدثة بصوت مرتفع وكأنه امامها وليس شخصية وهمية خلف اداة من حديد :

_بص يا استاذ معاذ او كابتن او زي ما تحب تسمي نفسك .. انا واقعه في مشكله ومفيش غيرك يساعدني ومتسألنيش ازاي .. المفروض اني بحب وانا لا بحب ولا نيله فاانت هتعمل نفسك انك .. احم .. كلك مفهوميه يعني .. واوعي اوعي تعملي بلوك لأني مش مجنونه .. ولو عملتلي بلوك .. هعيط اه والله وميرضكش بنوته زي القمر شبهي تعيط بسبب شاب !!

انهت رسالتها وهي تقوم بإرسالها علي الفور وبعد ان ارسلتها تذكرت ان تتفحصها .. توسعت عينيها بسبب ما قرأت ثم قامت بصفع نفسها بشدة متأوهه بغضب :

_غبية يا لين .. حيوانه .. انتي مبتفهميش!!

قامت بإغلاق هاتفها وهي تقوم بإلقائه بعيدا عنها ثم نهضت دالفة إلى غرفتها وهي تخانق في نفسها :

_تولعي ويولع ام التحدي الاهبل اللي دخلتي نفسك فيه علي الفاضي .. ابقي قوليلهم انفصالنا ياختي كتك القرف في غباوتك وحلاوتك!