اسكريبتات انتٍ لي وحدي

"ليس من الضروري أن تصبحِ جميله أمامهم .. فأنتِ الـ سندريلا خاصتي"

وقفت امام القاعه وهي تشعر بوجع في قلبها فهي من كان يجب ان تكن مكان تلك العروس وليس تلك لم يكن يفترض ان تكون من المدعوين كان من المفترض ان تكون هي صاحبه الحفل ولكن من يعلم ماذا يخبئ لنا القدر!!

دلفت الي الداخل وهي تجول بأنظارها في وجوه الجميع ورسمت قناع القوه علي وجهها وهي تتقدم منهم .. حبيبها السابق الذي تركها متعللا بحجه معروفه "احنا مش مناسبين لبعض" ابتسمت بهدوء وهي تصافح خطيبته قائلة بهدوء :

—الف مبروك يا قمر عقبال الفرح ان شاء الله

—ميرسي يا حبيبتي ربنا يخليكي عقبالك

قالتها العروسه بابتسامه زائفه يجب ان ترسمها حتي تحافظ علي شكلها امام البشر .. مدت الاخري يدها اليه وهي تنظر في عينيه بحرن قائله بنبره منكسره ولكنها قويه في ذات الوقت :

—مبروك يا عريس

—الله يبارك فيكي يا لين عقبالك .. كنت عارف انك مش هتخيبي ظني وهتيجي خطوبتي

قالها بابتسامه مستفره ونبره خبيثة فتحدثت هي بخفوت :

—طبعا ده احنا كنا اصحاب اكيد مش هسيبك ف يوم زي ده

ثم تحركت الي تلك الطاوله الفارغه جلست عليها وهي تنظر اليهم بحزن دفين وتتخيل انها مكان تلك العروس .. انتبهت الي نفسها وهي تجد من يجلس امامها متحدثا بابتسامه :

—تسمحيلي اقعد معاكي .. لأن زي ما انتي شايفه مفيش مكان

—ما أنت قعدت فعلا

قالتها بخفوت ساخر فوضع يده علي رأسه بخجل وهو يردف :

—عديها يعني !! .. تبع العروسه ولا العريس

نظرت اليه باستغراب وهي ترفع حاجبها بتساؤل :

—وده يفرق معاك ف اي

—اصل انا تقدري تقولي تبع العروسه .. اصلها كانت حبيبتي السابقه

—وانت مش مضايق يعني

سألته بتعجب من هدوئه وابتسامته تلك فأجاب بنفس الابتسامه والهدوء :

—اكيد مضايق بس انا واخدها مبدأ الحاجه اللي تضيع منك يبقي مكنتش ليك من الاول فلي الاكتئاب عادي كانت فتره ف الحياه وانتهت مش هوقف حياتي

—انت غريب

—لا انا واقعي

قالها ببساطه ولم تعلق هي فسألها مجددا :

—مقولتيش بقي بيع مين؟!

—نفس حالتك بس اكيد مش العروسه يعني

قالتها بمرح زائف لم تتقنه فنظرت الي حقيبه يدها بحرن فتحدث هو بمرح :

—يا ستي وهو اللي حب خد اي غير وجع القلب .. عيشها ايزي فالقادم انيل يا عزيزي خديها ايزي يا بيبي.