ركضت تتسابق مع السلالم حتي تصل اليه .. لقد انتهت من تجهيز نفسها في وقت قياسي لم تفعل هكذا مع اصدقاءها حتي ولكن هو غير!! فهو المقرب اليها هو ليس الا هكذا فقط!
اقتربت من السياره وجدته يقف مستندا علي سيارته ثم رفع احدي حاجبيه وهو ينظر في ساعته وتحدث بنبره ساخره :
_هو ده اللي خمس دقايق واكون عندك يا مارو .. ساعه الا ربع لا فعلا خمس دقايق!
نظرت اليه وهي ترفع جزء من شفتها بتهكم وتحدثت :
_احمد ربنا اصلا اني خلصت ده يعتبر وقت قياسي اساسا بيحلم بيه اصحابي .. وبعدين انت جاي تفسحني ولا جاي تنكد عليا قولي!
_بس مش هخلص انا عارف تعالي يلا اركبي عشان هنتأخر اكتر ما احنا متأخرين!
_متأخرين علي اي؟؟
_هتعرفي لما نوصل يلا بقي!
صعدوا الي السياره معا وهي تنظر اليه بتفحص .. نظر اليها بجانب عينيه ثم ضحك بصوت خافت وهو يقول :
_ع اساس انك كده قدرتي تعرفي حاجه مثلا!
_اسمها بحاول يا عديم المفهوميه!
قالتها بحنق نظر اليها بشرار ثم اعاد نظره الي الطريق الي ان توقفوا اسفل بنايه ما وتحدث بصوت مازح بعضا ما :
_يلا انزلي اترزعي ورا بقي عشان تفضي مكان
_وانا انزل اقعد ورا لي ان شاء الله ولا قلبت سواق ع اخر الزمن قولي قولي متتكسفش!
قالتها بغلاسه فنظر اليها وتحدث بسخريه :
_لا يا ام دم خفيف عشان مي جايه وهتقعد جنبي
نظرت اليه بشده ثم اعادت نظرها الي المنزل وفتحت باب السياره بهدوء وهي تهبط منه وتجلس بالمقعد الخلفي .. نظر اليها من مرأه السياره وهو يتحدث باستغراب :
_اي ده مش هتتخانقي معايا وتقوليلي متقعدش هي ورا لي!؟
_انت عايزها جنبك فخلاص مش لازم اعمل حوار من لا حوار
_مستغربك!
نظرت الي المرأه وتقابلت اعينهم سويا وكان هو اول من قطع لقاء العيون عندما نظر الي الباب الذي فتح وصعدت مي وهي تتحدث بابتسامه :
_هاي يا جماعه .. مارو عامل اي وحشتني اوي!
_هاي يا مي .. انا كويس انتي عامله اي؟
_انا كويسه .. اه لين ازيك عامله اي وحشتيني موت!
قالتها بابتسامه مصطنعه قرأتها لين بسهوله فتحدثت بابتسامه مماثله :
_وانتي كمان وحشتيني بنفس المقدار .. انا كويسه يارب انتي اللي تكوني بخير!
هزت مي رأسها بلا مبالاه ثم وجهت رأسها الي مروان موجه اليه الحديث :
أنت تقرأ
اسكريبتات انتٍ لي وحدي
Short Storyمهما زادت الخلافات .. مهما طال البُعد .. مهما اختلف القدر علي وجودنا .. ستبقي ملكاً لي .. فأنتِ لي وحدي !
