اسكريبتات انتٍ لي وحدي

"فقط رقصة علي نغمات المطر تكفيني"

_مين اللي قال ان المطر وحش وانه بيجيب برد .. هو فيه احلي من المطر واكل الدره تحت المطر والرقص تحت المطر والحب ساعه المطر .. ده الاوقات مبتحلوش غير ساعه المطر !
قالتها لين بابتسامه صافيه الي شقيقتها وهي تنظر الي قطرات المياه المتساقطه محدثه نغم بسيط في ذلك السكون النسبي .. وضعت شقيقتها يدها اسفل خدها وهي تتحدث بهيام :
_واي كمان يا لينو ؟؟
فعلت لين نفس حركتها وهي تضع يدها اسفل خدها وتضع رأسها علي الزجاج وهي تتحدث :
_طول عمري بحلم بفارس احلام مع انه مش موجود بس بحلم .. الحلم مش حرام يا مي .. يمكن انا قدام الكل مبحبش الحاجات دي وبحسها اوڤر اوي بس انا من جوايا نفسي اعيش كده .. نفسي ابقي بطله في روايه .. روايتي انا وهو وبس .. بس مع تعديل بسيط مفيش اشرار في الروايه .. اني بدل ماانا بتفرج علي المطر من ورا الشباك لا .. انزل وارقص معاه ع نغمات المطر .. يعترف لي بحبه واحنا تحت المطر .. حاجات كتير اوي يا مي نفسي فيها .. ومحدش عارف حاجه عني !
تنهدت بحزن نوعا ما فاقتربت منها شقيقتها وهي تضع رأسها علي قدمها ضحكت لين وهي تحرك يدها بخفوت بين خصلات شعرها وهي تستمع الي حديثها :
_تعرفي يا لين ؟؟ اللي هيحبك ده هيكون فعلا محظوظ بيكي .. مش هيلاقي زيك انتي جميله اوي يا لين .. يارتني ابقي زيك كده !
_انتي اجمل مني بكتير يا مي .. يلا قومي يا بت خشي اوضتك يلا الوقت اتأخر !
وضعت قبله علي وجنتها وهي تغادر الغرفه تاركه لين في احلامها الورديه .. أخذت تتخيل ذلك العناق الذي قرأت عنه كثير وكثير .. عن ذلك الشعور بالدفء داخل احضانه .. ابتسمت بسخريه وهي تقوم بأغلاق الاضواء واردفت بسخريه من حالها :
_اي ده اللي شعرت داخل احضانه بالدفء والامان .. متجوزه بطانيه هي ! نام يا عقلي نام مش ناقصينك !

_نعم عريس مين؟؟ اللي انا رفضته صح ؟؟ لا انسوا مش بعد الروايات دي كلها اتجوز صالونات .. استنوا شويه احب واجبلكم واحد ونتجوز اصبروا عليا !
قالتها بمرح لوالدها ووالدتها ولكن ما زالت تعبيرهم ثابته فاختفت ابتسامتها وهي تنظر الي مي بحيره فحركت الاخري عينيها بأسي وهي تغادر المجلس .. تحدث ابيها بعد سكوت :
_لين هو عايز جواز ع طول ! ولسه متمسك .. وكمان .. هو مجهز ان فرحكم بكره !
_وانا كنت هحضر ضيفه شرف مثلا !
قالتها بصدمه من حديث ابيها فأكمل :
_لين .. معاذ كلمني من فتره كبيره وانا موافق وانا واثق انك انتي كمان هتوافقي انتي عارفه أني مش هختارلك حاجه غلط !
_ده لو انتوا مش معاملني وكأني شفاف مش انا اللي هتجوز .. بابا انا المفروض فرحي بكره .. فرحي بكره وانا معرفش في نكته احسن من دي !
قالتها بسخريه ممزوج بوجع فتحدثت والدتها تلك المره :
_يا لين يا حبيبتي معاذ بيحبك وشاريكي .. وبعدين لو ع الفرح كل حاجه جاهزه حتي الفستان!
_طب ولو انا رفضت يا ماما !؟ لو انا قولت لا انا مش عايزه اتجوز بالطريقه .. اصلا دي مش طريقه دي اكنكم بترموني !! لو انا مش عايزه !
وقف ابيها وهو يتجه اليها وتحدث بنبره جامده مصطنعه :
_يبقي هيحصل الفرح بردو بس غصبا عنك .. استعدي يا عروسه !
تركها ورحل نظرت والدتها اليها بإشفاق علي حال صغيرتها التي يبدو انها لم تستوعب الصدمه بعد !! اقتربت منها والتدتها وتحدثت :
_معاذ بيحبك يا لين .. لو بيحبك مكنش عمل كده وحطنا كلما قدام الامر الواقع وبالأخص انتي .. معاذ مش بس شريك باباكي ف الشغل .. معاذ زي ابني انا كمان وانا مش هقدر اجرح حد فيكم انتوا الاثنين يا لين !
تركتها هي الاخري بينما وقعت لين ارضا وهي مازالت لم تستوعب ما يحدث .. فالأمر صعب كليا عليها .. كيف لعروس ان تعلم بزفافها قبل موعده بـ يوم !! فقط يوم !! حتي بالقصص الخياليه لا تتذكر انها قرأت هذا ابدا !
.
_مبروك انتي عليا يا ليني!
قالها معاذ بابتسامه هادئه وهو ينظر اليها بعدما دلفوا الي منزلهم الجديد .. نظرت اليه بزهول من تلك الاحداث السريعه التي مرت بها الي ان اصبحت فيما هي عليه الان معه في منزله !!
نظر اليها باستغراب من صمتها ولكنه تحدث مره اخري حتي يقطع ذلك السؤال الذي من المؤكد بداخلها :
_انتي لحد دلوقتي مش مستوعبه ازاي لحد امبارح بس كنتي واحده عايشه حياتها وبمزاجها ودلوقتي بقت متجوزه ومسئوله عن بيت مش كده!
نظرت اليه بدهشه من تفسيره لما تشعر به الان فأكمل هو بابتسامه لنظرتها تلك :
_انا جيتلك مره لا ثلاثه .. وانتي ما شاء الله رفضتيني ف الثلاثه من غير حتي ما تشوفي مين اللي جايلك .. فاانا اكيد مكنتش هسيبم مثلا لحد ما ف يوم اتفاجئ ان خطوبتك قربت .. لأني متعودتش اني استسلم وبالذات لو حاجه انا بحبها وعايزها .. وانا بحبك وعايزك ف حياتي .. فـ بالاشتراك مع عيلتك كلها حتي مي عملت كده .. لأن لين لـ معاذ .. ومعاذ لـ لين !
نظرت اليه بصدمه من اعترافه الصريح بحبها .. نظرت اليه وكانت ستتحدث ولكنه قاطعها :
_انتي مش مجبره تتقبليني دلوقتي خالص .. احنا معانا العمر كله يا لين .. تقدري تعملي خطوبه بس واحنا متجوزين .. عشان لو ضعفت ساعة الخطوبه لسمح الله يكون حلال حلال حلال!
قالها بمرح ابتسمت عليه بشده وتحدثت بخفوت :
_بما انك فرضت نفسك ف حياتي .. فاانا هتقبلك !
نظر اليها بعدم فهم فأردفت :
_يعني انا موافقه علي فتره الخطوبه يا معاذ !
_غريبه !
_اي الغريب؟
_اصل ف الاوقات دي الواحد بيفضل يتحايل ويعمل نفسه مصباح علاء الدين عشان مراته تبتدي تتقبله وانتي بسرعه كده !
_يعني انا هستفيد اي من اني اعمل كده !! انا هعمل كل حاجه فعلا بس خطوبه يا استاذ معاذ !
قالتها بتحذير مصطنع فابتسم هو وهو يردف يخوف مصطنع :
_خطوبه ياباشا والله !
ضحكت بخفه عليه ثم رفعت فستانها الثقيل وهي تتحرك الي غرفتهم وتحدثت وهي أمام الباب :
_وبما اننا مخطوبين فـ شوفلك مكان تنام فيه !
انهت حديثها وهي تغلق الباب خلفها فنظر الي الباب بصدمه واردف بخيبه امل :
_يعني هتمشيهاااا رسمي يا لييين .. مااااشي مسيرك يا توم تيجي تحت الهون وادقَّك وساعتها مش هرحمك .. واخد بالك يا توم !
استمعت الي حديثه وهي تكتم ضحكتها بصعوبه وهي تشعر داخل ثنايا قللها انها لن تندم علي ذلك الزواح ابدا ! يبدو انها ستستمتع وبشده مع زوجها اللطيف والوسيم ايضا !

_احكيلي عن احلامك يا لين؟؟
وضع رأسه علي قدميها مما جعلها تبتسم بخجل وهي تشعر به يمسك بيدها واضعا ايها علي خصلات شعره أخذت تحرك يدها بخفوت وهي تتحدث بابتسامه :
_اقولك ع سر ؟؟
اصدر صوتا يدل علي تساؤله فأردفت بهدوء :
_انا احلامي بكسرها قبل ما تكبر .. بخاف متتحققش فااتوجع .. بخاف ان بدل ما افرح بوجودها احزن .. بخاف يكون الحلم ده مينفعش فبكسره !
_يعني عايزه تفهميني انك معندكيش اي احلام ؟؟
سألها بدهشه وهو ينظر اليها نظرت داخل حدقتيه بقوه وتحدثت :
_هو كانوا حلمين والحمدلله ولا واحد فيهم اتحقق !
انهت حديثها ساخره من حطها فسألها بفضول :
_اي هما ؟؟؟
_اني اتجوز عن حب .. اني اعيش قصه ولا الروايات مع واحد بحبه وبيحبني .. بس ف الاخر اتجوزت ...
صمتت عن حديثها تلعن تلقائيتها الغبيه تلك فاستمعت الي صوته الهادئ :
_اتجوزتي صالونات فجأه من واحد مبتحبهوش بس هو بيحبك !
_معاذ انا مش قصدي !!
_والحلم الثاني ؟
سألها بجمود شعرت هي به ولكنها اردفت بنبره حزينه من جموده :
_اني اقعد مع اللي بحبه تحت المطر .. ننزل ناكل ذره نرقص نغني .. ان شالله مره ف العمر بس تقريبا من ساعه ما حلمت الحلم ده البلد حصلها جفاف !
قالتها بمرح ولكنها شعرت بانتظام انفاسه فعلمت انه لم يستمع الي حديثها فتنهدت بعمق وهي تحرك يدها علي ذقنه الناميه حديثا بهدوء واقتربت من اذنه هامسه :
_بس انا حبيتك انت يا معاذ .. انت احسن من اي روايه .. انت روايتي اللي عمري ما حلمت بيها .. ولو كنت حلمت مكنتش هتخيلها .. انا عشت قصه احسن من الروايات يعني انت عمرك شوفت عروسه بتعرف فرحها قبله بيوم .. ده انا حته مكنتش نصدقه ان ممكن تحس في حضن حد بالامان بس انا حسيت بكده معاك ..انا كدابه يا معاذ .. انا حبيتك!
انهت حديثها وهي تطبع قبله هادئه فوق خصلاته وهي تغمض عينيها مستمتعه بتلك اللحظه الرائعه علي قلبها وتتمني ان لا تنتهي ابدا !
.
_يا معاذ طب فهمني طيب انت واخدني ع فين ؟؟
قالتها بدهشه وهي تسير خلفه مسرعه حتي تستطيع اللحاق به .. وقفت اسفل بنايتهم ونظر اليها بجمود سرعان ما تحول الي ابتسامه واسعه وهتف بصوت مرتفع :
_دلوقتي !
لم تفهم شئ ولكنها شعرت بقطرات من الماء تسقط فوقها نظرت اليه بصدنه وهي ترفع رأسها للأعلي وتجد المياه تسقط فوق رأسها في شارعهم فقط !! نظرت اليه بدهشه ممزوجه بالدموع :
_ايه ده ؟؟
_مقدرش اعرف انك حلمتي بحاجه ومحققهاش يا اميرتي !!
قالها بابتسامه حانيه وهو يمسك بيدها ويطبع قبله هادئه علي باطن كفها فتحدثت هي بدموع :
_انت كنت صاحي؟؟
حرك رأسه وزين ثغره ابتسامه خبيثه وهو يقترب منها هامسا :
_وسمعت اعترافك يا حرمي المصون!
ابتعد عنها وهو ينظر الي وجهها الذي تحول الي اللون الاحمر من الخجل .. رأت ابيها واهلها الجميع يأتوا واصوات موسيقي هادئه تنبعث ف الاحوء .. مد يده بطريقه دراميه وهو يبتسم :
_اميرتي تسمحلي بالرقصه دي!؟
رفعت طرف ثوبها وهي تنحني بابتسامه وتمسك بيده وأخذوا يتحركوا علي انغام الموسيقي بخفوت فتحدثت هي باستغراب :
_انت ازاي عملت كده ؟؟
_تقدري تقولي الشارع كله مشغل خراطيم المياه .. شركة المياه تلاقيها بترقص عشان الفلوس اللي هتاخدها .. بس كله يهون عشانك !
ابتسمت اليه بعشق وهي تنظر الي اختها التي غمزت اليها بسعاده وبادلتها هي ايها وجدت عدد كبير بدأ بالتجمع والجميع يرقص علي ذلك الجو الهادئ في وسط ظلام السماء وضوء القمر الخافت .. رفعت نفسها اليه قليلا وهي تردف بهمس :
_بحبك يا اميري الوسيم !
دفنت رأسها بين احضانها بخجل وهي تشعر به يزيد من قبضته علي خصرها وكأنه يثبت لها قبل الحميع انها ستبقي ملكا له للأبد .. انها من استطاعت ان تجعله يفعل الكثير والكثير .. انها اميرته الصغيره !!
#انتِ_لي_وحدي
#شبه_اسكريبت
#Nemo