اسكريبتات انتٍ لي وحدي

"أعذرِ جهل مشاعري .. ولكن بالنهاية .. أحببتُكِ"

_لقيتها لقيتها لقيتهاااااااااا

قالها وهو يجري علي الجالسه امامه مما اصابها بالفزع تحدثت بغيظ وهي ترمقه بشر :

_ما تلاقي اللي تلاقيه انا مال اهلي .. قطعتلي الخلف

_اسكتي انتي مش فاهمه حاجه لقيتها يا لين

_مبروك يا اخويا .. بس اي هي بردو

_عروووووستي .. اه عرووووستي

قالها بمرح وهو يدندن بينما نظرت اليه بدهشه ثم اردفت بنبره مغتاظه :

_قدامك دقيقتين لو ممشتش من قدامي هنزل لعمي واقوله انك كنت بتتحمرش بيا وشوف هيعمل اي فيك

نظر اليها بسخريه وهو يردف :

_هتحمرش بواحد صاحبي انتي بتهزري طب قولي كدبه تتصدق !

نظرت اليه بحده وهي تقف وتقول :

_بقي كده طب شوف مين اللي هيجي معاك يشوف العروسه .. ابقي جبلك بنت عم مليئه بالانوثي

كانت سترحل ولكنه امسك بيدها ثم اعادها مجددا الي الكرسي بعنف وهو يتحدث بقوه :

_اتهدي يابت ككـ صاروخ .. امال مين اللي هيقولي رأيه في العروسه مع اني واثق انها هتعجبك

_ياخوفي منك .. اوعي كده خليني انزل اكلم عمي واكسب فيك ثواب

_لا فيكي الخير!

قالها وهو يرمقها بسخريه نظرت اليه وهي تخرج لسانها اليه فضحك عليها ثم تركته وهبطت للأسفل حتي تخبر عمها بأمر ابنه!
................

_لأول مره تعمل حاجه عدله في حياتك .. البت الصراحه مفيهاش عيب

قالتها بمرح وهي تحلس بجواره تنظر الي تلك الفتاه التي تجلس امامهم .. مال عليها وهو يتحدث بهمس :

_ماانا عارف .. انا قولت محدش غيرك هو اللي هيجبلي الخلاصه

_عيب عليك .. هقوم اطلع البلكونه لأنك عارف بكره التجمعات دي

_تحبي اجي معاكي!!

قالها بجديه نظرت اليه بابتسامه هادئه وهي تتحدث :

_مفيش داعي .. خليك مع العروسه يا عريس !

ثم تركته وتوجهت الي الشرفه بعد ان استدلت عليها من والدة العروس وقفت وهي تنظر لتلك الستار السوداء امامها وتنفست بضيق .. لا تعرف ما هذا الشعور الذي يجتاح كيانها منذ ذلك اليوم هي لا تقدر علي تفسيره او بالأدق هي تخشي تفسيره لأنه اصبح من المستحيل عليها !

شعرت بأحد يقف بجوارها التفت الي الجوار وجدت شابا ايقنت انه من اقرباء العروس ابتسمت له بمجامله ولكنه تحدث :

_ليه سيبتي القعده جوا؟

_مبحبش التجمعات دي بحس نفسي مخنوقه