اسكريبتات انتٍ لي وحدي

"لـ رُبما كان للقدر ترتيبات أخرى"

هلا هلا...

وحشتوني جدًا والله .. بالله بغيب كتير بس برجع بحاجه يكون في علمكم يعني .. قمة الحزن لم بعد كل المدة ديه أرجعلكم باسكريبت قنبلة نكد بس عادي يعني انتوا متعودين عليا 😂❤️❤️

أتمنى يعجبكم الاسكريبت ده ورأيكم فيهم معلش عشان وحشني رأيكم والله 🌚❤️❤️

_انا اسفه بس انا مش قادرة احبك!

قالتها بأسف شديد وهي تنظر له لـ ينظر إليها الاخير بصدمه من جملتها .. أبعد تلك المدة تكتشف أنها لا تحبه!! ابتلع ما في جوفه وقد بدأ يشعر بجفاف شديد وهو يتحدث بنبرة متوترة :

_انتي .. انتي قصدك ايه؟ يعني ايه .. مبتحبنيش!

_انا عارفه انك مش مصدق بس انا اكتشفت اني مش عارفه احبك.

_وانتي جايه تكتشفي ده دلوقتي؟

قالها بدهشة وهو يشعر بقبضة دامية تمتلك صدره بأكمله قبل ان يهدر بها بصوت حاد :

_جايه تكتشفي بعد سنه ونص من عمرنا انك مبتحبنيش! او سوري مش عارفه تحبيني .. سنه ونص بتحاولي تحبيني! للدرجادي انا معملتش اي حاجه مميزه في حياتك تخلي قلبك يدقلي؟

كانت تشعر برغبتها في البكاء هي تشعر به صدقًا ولكن ليس بيدها شيء .. تحدثت بنبرة حاولت جعلها هادئة :

_انا عارفه اني غلط بس كان هيبقي غلط اكتر لو فضلت ساكته .. انا مش عارفه اتخطاه لحد الان مش عارفه اتخطاه وكأنه لسه ممشيش .. انا..

لاحظت تلك اللمعة التي اضاءت حدقته مما جعلها تصمت لـ يكمل هو بنبرة منكسره :

_لسه بتحبيه.. انتي لسه بتحبيه!

وضع كفه علي حدقتيه وهو يقاوم تلك الدموع قبل ان يضحك ساخرًا وهو يتحدث دون ان يبعد يده عن حدقتيه :

_لسه بتحبي واحد اقرب حاجه واسهل حاجه عملها انه باعك .. محدش وقف جنبك غيري انا اللي عالجتك من وجعك ده .. ده انا كنت بسيب الدنيا تخرب لمجرد انك عيزاني بس .. بس انتي بقالك سنه ونص بتمثلي عليا الحب.

_انا ممثلتش الحب.

قالتها بدفاع علي نفسها لـ تسقط يده من فوق حدقتيه لـ يلكم الحائط من خلفها بقوة فـ صرخت هي قبل ان يهدر بها بغضب :

_انا لو فيه وصف اوسخ من كده كنت قولتهولك .. انت استغليتي مشاعري وكأني حتت واحد جي من الشارع .. كان ممكن تقوليلي وكنت هعرف اتراجع .. كنت هعرف اوقف حبك اللي انا دلوقتي قسما بالله ما بقيت عايزه .. انتي بس حبيتي انك متخسريش كل حاجه وقولتي يلا بالمره اهو واحد هيوزع مشاعره عليا ببلاش وانا لسه بحب واحد ابن ستين كلب مبصش وراه ولا مره من ساعه ما سابك .. قال وانا اللي كنت بقول هو ازاي يسيبك ويمشي.