طبعا انا عارفه اني بقالي كتير جدا مبنزلش حاجه وده غصب عني حقيقي .. مش عارفه اجيبها ازاي بس بكتب في حاجات تانيه اتمني انها تبقي حلوه يعني +اتمني ان الاسكريبت ده يعجبكم 💙💙🌚
_يعني فهمتي هتقولي ايه صح .. بابا جدو عمو انا مش عايزه اكمل مع معاذ لاني تعبت .
قالها معاذ وهو ينظر الي لين التي تنظر اليه بملل ثم نظرت الي محبسها الذي بيدها وتحدثت :
_كلمه كمان يا معاذ واقولها عايزه اقرب الفرح واخليك جوزي رسمي .
صمت معاذ عن الحديث وهو ينظر اليها .. رفعت حاجبها ثم تحدثت :
_طب ايه مش هنروح ؟
_وهنروح لـ جدو ؟
نظرت اليه بشر مما جعله يتحدث بصوت مرتفع :
_الشيك لو سمحت .
ارتسمت ابتسامه بسيطه علي ثغرها وهي تراقبه ثم اعادت نظرها الي يدها وهي تدقق النظر في محبسها بشرود شديد .. هو يرغب بأن يتخلص من علاقتهما من اجل فتاة اخري .. هي كانت تعلم ولكن لم تكن تعلم انها من سينهي علاقتهما .. تعلم انهما لم يرتبطا الا برغبة الكبار ولكنها كانت رغبتها ايضاً فهي تحبه .. هو ابن عمها والمقرب اليها في العائلة وصديقها الوحيد وحبيبها ايضاً .. كيف لها ان لا تحبه وهو يفعل كل شئ يجعلها تقع بغرامه !؟
لا تعرف متي عادوا الي البيت ولا كيف هي الان تقف امام ابيها وجدها وعمها هي ومعاذ الذي وقف بعيداً يراقب ما ستفعله .. تحدثت بهدوء :
_انا كنت جايه اتكلم معاكم في موضوع خطوبتي انا ومعاذ .
_خير يا لين يا بنتي ؟
قالها جدها الذي ينظر اليها بتفحص .. حركت اصبعها علي محبسها ثم تحدثت بقوه :
_انا مش عايزه اكمل !
نظر الجميع اليها بدهشة ماعدا معاذ الذي ابتسم علي صديقته .. تحدث والدها باستنكار :
_بس ازاي يا لين .. ده كلها شهر وكتب الكتاب ينكتب.
نظرت اليه لين ثم نظرت الي معاذ للحظات قبل ان تنقل نظرها من جديد اليهم :
_انا عارفه .. حاولت اتأقلم طول الفتره ديه معاه بس انا مش قادره اشوفه .. مش قادره اشوفه حبيب .. مش شيفاه غير معاذ صديقي وابن عمي وبس .
نظر والد معاذ اليه وهو يتحدث بدهشه من صمت ولده :
_انت ساكت ليه يا معاذ .. اتكلم .
_انا لين بلغتني بقرارها وانا مقدرش اجبرها تعيش معايا .
قالها معاذ بهدوء وهو ينظر الي والده ببراءه .. تحدث الجد بعد صمت :
أنت تقرأ
اسكريبتات انتٍ لي وحدي
Short Storyمهما زادت الخلافات .. مهما طال البُعد .. مهما اختلف القدر علي وجودنا .. ستبقي ملكاً لي .. فأنتِ لي وحدي !
