اسكريبتات انتٍ لي وحدي

"لا تهرب عزيزي فـ يجب عليك أن تعلم .. أنك بطل روايتي"

_مالك ؟ داخله زي الحراميه كده لي ؟!

اول حاجه سمعتها وانا داخله من باب الشقه وبحاول اني متقابلش مع اي حد في البيت .. بس تقريبا خطتي فشلت كالعاده يعني!! وقفت مكاني وانا سامعه خطوات رجله بتقرب وشئ مبهم من جوايا بيقولي الجري نص الجدعنه بس صوت تاني اتكلم كده بنبره سخريه شويتين ثلاثه "وكان فين الشجاعه دي من ربع ساعه" وقف جنبي ايوه انا حاسه مش قادره افتح عيني مستحيل اكيد بس سمعت صوت ضحك اوي اللي خلاني افتح عيني .. لقيت الاستاذ حاطت ايده علي بطنه وبيضحك جامد اتكلمت بعصبيه :

_شوفت مهرج انت صح!!

بس كان رده انه فتح عينه وبصلي وبعدين ضحك تاني اعيط .. هعيط !! مشيت من قدامه بسرعه علي اوضتي وانا بقف قصاد المراية .. حقه يضحك بردو بقي ده منظر !! وشي متشلفط وكأني طالعه من حادثه وليه كأني انا فعلا طلعت من حادثه .. وياريتها كانت تستاهل اللي حصلي ده !

سمعت صوت الباب وعرفت انه هو .. بس مرضتش ارد عليه وهو عشان مبيفهمش في الزوق فـ فتح الباب ودخل بكل برود وهو بيتكلم بجديه المره دي :

_اي اللي عمل فيكي كده .. اتخانقتي مع مين؟؟

_مجنون!

كلمه طلعت بتلقائيه اوي ندمت عليها بعدين وهو بيبصلي جامد واتكلم :

_مجنون ازاي؟؟

بصتله وانا بحاول اخترع كذبه بس بعد اي بقي هو اللي حضر العفريت بيعرف يصرفه بردو فاتكلمت علي طول :

_بص من غير ضحك .. انا كنت بتفرج علي روايه تمام فأي بقي البطله قابلت البطل في الطريق ازاااي؟؟

_انجززززي

قالها بضيق وهو بيقعد .. فبصتله انا بضيق وبتكلم :

_انت اللي عايز تعرف فـ اصبر عليا .. المهم ان البطل ده كان مرمي في الطريق قصاد عربيه وهي كانت رايحه المدرسه وفضوليه زي حالتي كده فـ شافته وقالتله انت مش مجنون وساعدته وانقذته من الموت وبعد احداث كتير عشان مطولش عليك حبوا بعض بقي .. فاانا احم يعني ..

اتوترت مش عارفه اكمله ازاي .. اقوله ان حصل معايا نفس الموقف وانا حبيت اعمل زي الروايه يمكن انا كمان يطلع فارس احلامي ده مش بعيد يكمل عليا!!

_واكيد حصل معاكي نفس الموقف فحبيتي تعيشي دور البطله صح؟

قالها بتهكم واضح بس انا اتكلمت بصدمه :

_مهو حاجه من الاثنين .. يااما انت كنت موجود هناك وانا بعمل كده يااما بتقرأ افكار ملهاش تالت!

_لا ليها لاما انتي اللي هبله وواضح اوي اللي عملتيه .. واثره علي وشك!

_مسمحلكش!

قالتها بحنق واضح لوي شفته بضيق واتكلم :

_وباتري عملتي اي يا حلوه ؟؟