اسكريبتات انتٍ لي وحدي

" سيبقي كل يوم معكِ .. عيد حب"

_طبعا النهارده الڤلانتين للناس كلها .. عيد الحب العالمي .. كل واحد وواحده ماشيين ماسكين ايد بعض وهدايا رايحه وهدايا جايه وحاسب من القلوب اللي طايره في الجو .. بالنسبه للكل يوم سعاده الا انا .. زي ما تقولوا الحب كان للكل الا انا زي ما تكون الدنيا داخله معايا معركه وفازت فيها .. الكل بيعترف بحبه وبيكملوا وقلوب بترفرف وانا قلبي اول ما بدأ يرفرف اتقصله جناحته زي ما يكون محرم عليه الحب .. مش هقدر انسي ان يوم ١٤/٢ انا خسرت قلبي بسببه .. مش هقدر انسي رفضه لحبي ابدا وكأني ولا شئ وكأن معنديش قلب !
قالت حديثها بابتسامه مكسوره وهي تنظر الي طبيبتها الجالسه امامها بدمع متجمد داخل حدقتيها استمعت الي صوت طبيبتها وهي تحدثها بنيره لطيفه :
_حصل ايه يا لين ؟؟ قادره تحكيلي ؟؟
هزت رأسها بإيجاب وهي تنظر في نقطه من الفراغ وهي تتذكر حديثه وكأنه حدث منذ دقائق فقط ...
ركضت الي الشقه المقابله لهم وأخذت تطرق بمرح علي الباب الي ان ظهرت والدته من خلفه فاحتضنتها وهي تتحدث بمرح :
_هابي ڤلانتين دي يا أم معاذ يا عسليه !
ضحكت تلك المسنه علي تلك الفتاه وتحدثت وهي تشير الي الغرفه التي  بنهايه الطرقه وتحدثت :
_مش عليا يابنت اسراء .. اللي عايزه تقوليها عشانه ف الاوضه اللي هناك من الصبح ادخلي !
_هي للدرجادي بقيت مكشوفه ؟؟ بيعمل اي من الصبح يا حجه ؟؟
_امشي يا بت من هنا امشي !
قالتها بمرح فضحكا بخفه وهي تتجه الي الغرفه وتطرق بنغمه مرحه وهي تغني معاها :
_معااااذ .. معزيووز .. معزوووز .. معزوو!!
فُتح الباب بشكل نفاجئ مما جعلها تتعثر وكلنها حافظت ع ثباتها مسرعه وتحدث هو بنبره تهكميه :
_معزوو .. مش ملاحظه انها شبه معزه شويه؟!
كتمت ضحكتها يأعحوبه وهي تردف بسعاده :
_النهارده ايه يا معزيوز ؟؟
_الڤلانتين!
قالها بهدوء وهو يجذبها الي الداخل واغلق الباب خلفه وتحدث بابتسامه :
_بمناسبه اليوم ده عندي ليكي خبر بمليون جنيه !
_وانا كمان .. يلا قول اي خبرك؟
_قولي انتي الاول!
_لا انت !
_هنفضل كده كتير وف الاخر انتي اللي هتقولي فقولي يلا !
قالها بمشاكسه فنظرت اليه بتوتر وارتباك وأخذت تدور حول نفسها في الغرفه وهي تتحدث :
_طبعا النهارده عيد العشاق زي ما بيقولوا وبنسمع .. كتير حلمت اني بعترف للي بحبه في اليوم ده حتي لو انا حبيته في شهر ٣ هستني للسنه الجايه واعترفله في يوم ١٤ / ٢
نظر اليها بعدم فهم لـ حديثها او عدم استيعاب وتحدث :
_بردو عايزه تقولي ايه ؟؟ انتي بتحبي؟!
حركت رأسها بإيجاب وهي تبتسم ابتسامه خجوله ووقفت ونظرت اليه وامسكت بيده وهي تردف :
_انا معرفتش اي حاجه في حياتي غير بوجودك وبسببك .. اول مره انطق كان اسمك .. اول مره اكتب بردو كانت حروف اسمك  .. اول حد كان صاحب ليا كان انت .. حياتي متلخصه فيك انت .. علاقتنا مش جيره واخوات لا .. انت .. اول دقة قلب كانت ليك انت .. اول رعشه حب كانت ليك .. مش هلاقي احسن من اليوم ده عشان .. انا بحبك يا معاذ!
قالتها بابتسامه مميزه وهي تنظر داخل عينيه التي تغلفت بالبرود أخذت تبحث بداخلهم عن رد لكلامها ولكن لا شئ .. تجمدت نظرتها وهي تستمع الي عبارته :
_مفيش حاجه اسمها حب .. ده وهمك انتي!
ارخت قبضه يدها ببطء وتلك الابتسامه تختفي تدريجيا واردفت :
_قصدك ايه؟؟
_قصدي انك اختي يا لين .. انا مش قصدي اجرح مشاعرك بس دي الحقيقه .. هبقي كداب لو قولتلك اني انا كمان بحبك .. انا بحب بس مش انتي .. مش انتي اللي هتخيل في يوم انها تكون مراتي !
تلك المره ابتعدت عنه بقوه وهي تنظر اليه بصدمه من كلماته وتلك الدموع عرفت طريق اليها وتحدثت بهمس :
_ليه منفعش؟
نظر اليه بإشفاق علي حالها وتحدثا بنفس الهدوء :
_لأني في حياتي مشوفتك غير اختي الصغيره .. زي ما انتي قولتي انا كنت معاكي في كل حاجه .. واه مش مجرد جيره واخوات بس مش حب .. مش حب يا لين .. لا انا ولا انتي ننفع !
_ليييييه؟
صرخت به بوجع فتحدث هو بدون انتباه :
_لأنك معقده يا لين .. هتفضلي طول الوقت معقده بعقده باباكي وانه سابك انتي ومامتك عشان واحده تانيه .. هتفضلي خايفه اني اخونك ف يوم زي باباكي حتي لو معترفتيش بكده بردو هتفضلي خايفه .. انا مش مستعد اني اعيش حياتي ف شك .. عشان كده انتي اخر واحده انا ممكن افكر فيها !
نظرت اليه بصدمه شديده من حديثه ومن ذلك الاتهام الموجه اليها .. تحدثت من بين دموعها :
_انت بتعايرني ان بابا سابني يا معاذ؟؟ بتعايرني!!
حرك يده بين خصلاته بعنف وهو يتحدث :
_مش قصدي يا لين اكيد .. انا اقصد اننا مننفعش لبعض انتي بنوته حميله مسيرك ف يوم هتحبي وتتحبي بس الشخص ده عمره ما هيكون انا .. انا كنت هقولك اني بحب النهارده .. انا فعلا بحب مي لو كان فيه اي حاجه من ناحيتك كنت استحاله احبها بس انا بحبها .. انتي هتفضلي اختي الصغيره يا لين اللي لأخر العمر هفضل معاها بس استحاله يكون حبيب !
حركت رأسها برفض لحديثه وهي تغادر الغرفه مسرعه اصتدمت بوالدته ولكنها تخطتها وهي تركض خارج الشقه وجدت والدته معاذ يخرج خلفها .. وقبل ان تسأله عن شئ استمعت الي صوت صراخ عالٍ .. ركض معاذ الي الخارج نسرعا وهو يراها بنهايه السلم غارقه في دمائها .. لم يستطع ان يتحرك وهو يري اسرتها يتقدموا منها ويصرخوا به لطلب الاسعاف !
أغمضت بحدقتيها بوجع شديد ومازالت تلك الذكري تتجسد امامها وكأنها تخشي فراقها .. نظرت اليها الطبيبه بإشفاق علي حالتها تلك وتحدثت بسؤال بهدف معين :
_وانتِ جيتي ليه النهارده يا لين ؟؟ وانتي معاد جلستك بعد يومين !
_لأني عايزه نفس اليوم اللي انا اعترفت فيه بحبي هو نفس اليوم اللي اعترف فيه لنفسي انه طلع من حياتي .. عايزه زي ما دخلته حياتي في اليوم ده اخرجه !
تأكدت الطبيبه من حدثها وهزت رأسها بابتسامه وأخدت تتحدث معها وهي تحاول ان تبعث المرح داخلها مع وعد اللقاء يوم اخر ...
وصلت الي مبني بيتهم وصعدت درجات السلم بابتسانه فلقد احرزت تقدم هائل في علاجها النفسي .. استمعت الي صوت صراخ قادم من الاعلي ركضت علي الدرجات وهي تصل الي شقته .. طرقات علي الباب بقلق وهي تنتظر ان يجيبها أحد ولكن لا شئ .. أخذت تذرق بعنف زائد الي ان ظهرت والدته من خلف الباب بأعين باكيه :
_لين الحقيني يا بنتي!؟
نظرت اليها لين بفزع واردفت بقلق :
_حصل اي يا طنط؟؟
_انتي فين ؟؟ رايحه تشتكي للجيران وتطلعي مرات ابنك واحده زياله صح !
قالتها مي التي اتت من خلفهم نظرت اليها لين بغضب وهي تتقدم منها وتغلق الباب خلفها بقوه فتحدثت مي بغضب :
_انتي اي اللي جابك يا بت انتي ؟؟ ولا طبعا اكيد متفقه معاها عشان ترجعيله صح .. بس بعينك ده جوزي انا يا خطافه الرجاله !
صفعتها بعنف ثم امسكتها من خصلاتها بعنف وهي تهدر :
_انا خطافه الرجاله انا !! بس متقلقيش انا بقي هوريكي ازاي خطافة الرجاله بتتعامل ! لأ واضح ان لا اهلك عرفوا يربوكي ولا معاذ بس انا بقي اتربيت وهربيكي!
حاولت والدته ابعادها ولكنها لم تستطع اسرعت الي هاتفها وهي تعبث بعده ارقام وبعد لحظات اهدرت بصوت قلق :
_الحقني يا معاذ لين هتموت مي!!
..
_انا كنت سبب طلاقها صح؟؟
قالتها بأعين ممتلئه بالدموع الي والدتها الجالسه امامها ووالدة معاذ حركت والدة معاذ رأسها نافيه وهي تردف :
_اعمالها يا بنتي مش انتي .. هي اللي وقعت في شر اعمالها .. الحمدلله انه كان بس كتب كتاب اتحسبت ع ابني جوازه !
_طب وهي يا طنط .. مهي هي كمان اتحسبت عليها حوازه عارفه يعني ايه واحده تطلق وهي بس مكتوب كتابها مش حتي اتجوزها .. حرام اللي حصل ع الاقل كان ممكن يكون فيه حل افضل من كده .. ده كان اختياره يبقي يستحمله !
_هو فعلا ندم ع قراره ده .. ودلوقتي قاعد في اوضته مبيطلعش منها !
قالتها والدتها بحزن علي حاله فهي لا تعلم ما فعله بطفلتها وكيف حطم قلبها .. لا تعرف انه من جعلها بحاجه الي طبيب نفسي بسبب حالتهاالتي وصلت اليها !
نظرت اليهم بتوتر ثم وقفت فحأه فنظرت اليها والدتها وتحدثت :
_رايحه فين ؟؟
_لـ معاذ !
نظرت السيدتان الي بعضهم البعض ثم مدت والدته يدها بالمفاتيح ابتسمت لها لين وتحركت الي الاعلي .. وقفت امام باب الشقه بتردد ولكنها حسمت قرارها .. فتحت الباب ودلفت الي الداخل وهي تتجه الي غرفته .. طرقت بهدوء علي الباب وانتظرت صوته .. دلفت الي الداخل بعد ان استمعت الي صوته وجدته يجلس امام النافذه ينظر الي الخارج بشرود .. نطقت اسمه بخفوت :
_معاذ!
التف اليها مسرعا وهو يرها امامه .. نهض من فوق مقعده وهو يتجه اليها تحدثت بنبره متوترة :
_انت كويس!؟
_جايه تشمتي فيا !!
قالها بغيظ شديد نظرت اليه بعدم فهم وتحدثت :
_افندم ؟؟
اقترب منها بشده وهو يمسكها من معصمها واردف يغضب :
_جايه تشمتي فيا يا لين ان قلبي انكسر زي ما انا كسرت قلبك صح !
نفضت ذزاعها بعنف وهي بتبتعد عنه وتحدثت بصدمه :
_انا اشمت فيك يا معاذ !! صح انت صح !
تحركت الي الخارج مسرعه استوعب هو كلماته وتحرك خلفها وامسك بيدها وتحدث :
_لين انا مكنش قصدي!
نظرت اليه بابتسامه ساخره وتحدثت :
_اتعودت علي كلامك اللي من غير قصد يا معاذ !
تركته ورحلت وهي تهبط الي الاسفل مسرعه .. دخلت الي شقتها وجدت السيدتان امام الباب نظرت اليهم بدموع ثم وضعت المفاتيح علي الطاوله وهي تتجه الي غرفتها مغلقه الباب خلفها بقوه وهي تبكي بعنف علي ذلك القلب اللعين الذي حرضها علي مواسته ليتها لم تفعل هذا !
..
_يعني اعرف بس يا بنتي كان اي لازمته اننا نسيب بيتنا اللي عيشنا فيه وناسنا ونيجي هنا !
قالتها والدتها بضيق من ابنتها فتحدثت لين بابتسامه مرحه :
_احنا بنغير جو يا سوسو الله هنفضل طول حياتنا في مكان واح !
_مش مرتحالك يا بنت اسراء !
_لا اطمني وحطي في بطنك مهلبيه يا قشطه !
_حد قالك انك خليل كوميدي !
_كتييير !
قالتها باستفزاز وركضت مسرعه الي غرفتها وهي تشاهد والدتها تنحني لترفع "شبشبها" وسط ضحكات لين وتحدثت من خلف الباب :
_ع فكره كده تأخر علي شغلي وانتي هتكوني السبب!
_شغل اي بس يا بنتي مش النهارده عيد حب .. مبتعيديش ليه ؟!
_يمكن لأني مش بحب مثلا !
قالتها بسخريه وهي تركض الي خارج المتزل راستمعت الي دعوات والدتها يالصلاح ابتسمت من قلبها علي تلك الدعوه المحببه لقللها وهبطت الدرجات بمرح ووقفت تنظر الي ذلك اللون الاحمر المنتشر وتحدثت :
_برطمانات صلصه بتتحرك .. اول مره اشوف برطمانات صلصه بتتحرك !
ضحكت بسخريه علي نفسها وهي تذهب الي ذلك الكافيه الذي تعمل به .. وقفت تستمع الي الطلبات الملقاه عليها وهي تري تلك البرطمانات كما اسمتها تبتسم بسعاده ومنها من ينكسر قلبها فتشعر هي بالأسي من اجلها .. وجدت احدهم جالسا بمفرده .. اقتربت منه وتحدثت بابتسامه :
_تأمر بحاجه حضرتك؟!
_بحبك!
قالها معاذ فجأه وهو يلتف بوجهه اليها نظرت اليه بصدمه من وجوده ثم ارتسمت ملامح البرود بشده وهي تتحدث مجددا :
_اسفه حضرتك .. ممكن طلبك!
_بحبك يا لين!
قالها بنبره صادقه نظرت اليه بدموع وهي تضع ما في يدها علي الطاوله وتخلغ زيها وتغادر من الكافيه مسرعه وهو خلفها وقفت فجأه وهي تشعر بأحد يمسك بقبضتها وتحدثت :
_سيب ايدي يا معاذ احنا في الشارع !
_لين انا اسف .. والله العظيم اسف انا فعلا بحبك .. اسف اني جرحتك وهنتك بس صدقيني عرفت قيمتك كويس وندمان ع كل حاجه والله ندمان ع كل حاجه ارجوكي ارجعيلي !
_مستحيل يا معاذ .. انا شيلتك من حياتي كلها انت فاهم .. مستحيل ارجعلك ده مش حب ده وهم من عندك انت !
قالتها بسخريه ممزوحه بألم وهي تبتعد عنه استمعت الي صراخه :
_لين انا مش عارف اعيش من بعدك .. مش هقدر اعيش .. لو مرجعتليش انا هموت يا لين !
وقفت في مكانها وهي تلتف له وتحدثت بنبره حارقه :
_يبقي هتموت يا معاذ لأني مش هرجعلك ابدا !
لم تعرف كيف اتت تلك السياره ولا ميف وقع ارضا جثه هامده .. اقتربت منه بصدمه وهي تنظر الي تلك الدماء علي الارض .. سقطت بجواره وهي تحركه بصدمه وصرخت :
_معاذ قوووم .. معاذ انت عملت ايه .. معاااااذ قوم هرجعلك بس قوم .. انا مش هقدر اعيش من غيرك .. انا مطمنه في حياتي لأنك موجود .. قووووم يا معاذ متهزرش معايا بهزارك السخيف ده .. انا سامحتك ع كل حاجه بس مش هسامحك ع هزارك ده .. يلا قوووووم !
اقترب احد الماره منها وهو يضع يده علي عنقه ثم تحدث يإشفاق :
_الله يرحمه .. إن لله وإن إليه راجعون !
حركت رأسها بالنفي بصدمه وهي تصرخ :
_لا معاذ انت ماموتش لااااااا معااااااااااااااااذ....
صرخت بقوه وهي تنتفض من فوق فراشها بعنف .. انتفض الاخر بجانبها بفزع وهو يتحدث :
_ايه حصل ايه .. بتولدي لا انتي مش حامل.. البيت ولع في ايه !!
أخذت تتنفس بعمق وهي تحتضنه بقوه وكأنها تخشي عليه من ان يهرب أخذ يربط علي ظهرها بحنيه وهو يردف :
_اهدي يا لين .. كابوس حبيبي كابوس !
حركت رأسها بتأكيد وهي تردف :
_أكيد كابوس .. مستحيل يكون حقيقه اصلا !
حرك رأسه بإيجاب وبعد ان هدأت سألها عما حلمت قصت عليه حلمها الغريب فنظر اليها بدهشه بعد ان انتهت :
_يعني انا طلعت واطي ومبحبكيش وكسرت قلبك ... وانتي تعبتي وحالتك اتدمرت وانا كنت حيوان بردو وخطبت مي .. مي قريبتي اللي هي عندها ٦ سنين يا لين .. لا خطبت ايه ده انا اتجوزتها وطلقتها كمام .. وانتحرت بسببك .. ذه فيلم هندي يا ماما انا انتحر عشانك ليه يعني؟؟
نظرت اليه بضيق وهي تتحدث :
_وانت متنتحرش عشاني ليه ناقصه ايد ولا رجل !
_لا عقل يا حبيبتي !
قالها ببساطه لكزته بعنف في كتفه وهي ترمقه بضيق فابتسم هو واحضتنها وتحدث :
_حرام عليكي يا ليني .. يعني اليوم المميز بالنسبه لينا انتي بوظتيه .. ده انا لسه فاكر اليوم ده بتفاصيله كان اسعد يوم في حياتي وانتي بتقوليلي انك بتحبيني زي ماانا بحبك !
ابتسمت هي الاخري وهي تتذكر وتحدثت بخفوت :
_ساعتها حضنتني جامد لدرجه حسيت اني عضمي اتكسر وقولتلي " انا كنت هعترفلك انا كمان بحبي .. انا بحبك من وقت انا نعرفوش " يعني حتي اللحظه الرومانسيه بوظتها !
ضحك بخفه عليها وهو يتحدث :
_تنمري اني اخدتك من ايدك وروحت لعمي وطنط عشان اتقدملك ف نفس اليوم .. الا استني هنا انتي طلعتي عمي خاين لطنط .. ده لو عرف هيعمل منك بوفتيك !
ضحكت علي خيالها ثم رفعت رأسها ببطء وهي تنظر اليه :
_تعرفي اني مبقتش احبك !
نظر اليها مطولا ثم اجاب ببساطه :
_عارف .. وانا كمان مبقتش احبك !
نظرت اليه بدهشه فأردف هو بابتسامه وهو يقترب منها ويقبل جبينها :
_انا بعشقك يا ليني .. ادمنت وجودك في حياتي ومعتقدش اني هقدر اتخلي عنك ابدا !
نظرت اليه بعشق جارف .. ما زالت تتذكر زفافهم الذي اتم فقط بشهر .. تذكرت جميع كلمات الغزل التي اغرقها بها .. تذكرت جميع محاولته في التخفيف عنها اثناء اختباراتها .. حمدت ربها علي تلك النعمه التي رزقها الله بها .. نظر اليها وتحدث :
_عارفه النهارده ايه ؟؟
_عيد الحب !
حرك رأسه بالإيجاب وهو يقترب منها ويهمس لها  بعشق صادق جعلها تبتسم بحب اليه ناظره داخل حدقتيه الممتلئتان بجميع الحب لها:
_كل يوم وانتي حبيبتي .. كل يوم وانتي مراتي .. كل يوم وانتي بنتي .. وكل يوم وانتي في حياتي يا ليني .. كل يوم وانتي ملكي وبتاعتي .. كل يوم وانا بحبك !
#انتِ_لي_وحدي
#اسكريبت
#Nemo