اسكريبتات انتٍ لي وحدي

"وما يكون العشق والحب سوا دوامه واجب الغرق بها "

امسكت بهاتفها وكتبت كلمات قليله علي حسابها الالكتروني في موقع التواصل الاجتماعي "الفيس بوك" كان مضموت منشورها هو الآتي : ( ما هو الفرق بين الحب والعشق من وجهة نظرك انتَ او انتِ ومن لا يرغب ان يعلن عن اسمه يمكنه ان يدون اجابته في حسابي الخاص علي "صراحه" )
القت بهاتفها علي فراشها ثم نهضت حتي تساعد والدتها في بعض الاشياء بعدما استمعت الي صوتها يناديها ثم عادت مره اخري وامسكت بهاتفها ووجدت الردود كالآتي :
_الحب هو انك لسه في بدايه حب الشئ انما العشق فانت بتكون اتعلقت بيه ومتقدرش تستغني عنه
_الحب هو شعور غريب بتحس بيه لما بتعرف الشخص اللي قصادك اما العشق فانت بتكون ادمنت الشخص ده ومينفعش تبعد عنه ده الفرق من وجهة نظري انا
_الحب هو حاجه جميله اوي بتكون ف بدايه العلاقه ومع زياده الحب بيزداد التعلق والاهتمام لحد ما بتكون وصلت لمرحله العشق انك بقيت مدمن للشخص ده
_الحب هو تعلق بالشئ وممكن ان يذهب اما العشق فهو ادمان الشئ لا يمكنك ان توقفها مهما حاولت
_الله وانا مالي يا لمبي اهو حب وخلاص هو انا هفلسف (مع تعبير ضاحك)
توقفت عن قرأت تلك التعليقات وتوجهت الي حسابها الخاص في صراحه ووجدت تلك الرساله التي لم يكن رده فعلها بعد قرائتها الي ابتسامه صافيه فكانت تحتوي الآتي :
_الحب ده بالنسبه ليا انا زي الدوامه اللي بتكون قدامك ف البحر وانت عارف وواثق ان في دوامه في المكان ده بس انت عندك فضول انك تقرب وبتقول مش هيحصل حاجه انا هكون بعيد .. بس بتلاقي نفسك بتقرب بتقرب لحد ما تبقي في الدوامه دي وبيبقي شئ غريب ماانتِ عمرك ما روحتي دوامه قبل كده فالشعور بيكون غريب عليكي وبتقعي فيها ومبتكونيش عارفه تطلعي وبتحاولي بس مفيش لحد ما بتستلمي وبتستقبليها بصدر واسع .. وف ثانيه بتلاقي نفسك في مكان تاني ممكن يبقي جميل وممكن وحش وممكن تموتِ بعدها بس ده الحب علي حسب نوع الدوامه اللي انتِ وقعتي نفسك فيها .. اما العشق بقي فـ ده لما تلاقي نفسك بعد ما سارعتي الامواج ودخلتي ف دوامات والمفروض تخافي من البحر تلاقي نفسك بتروحي تاني للبحر ونفسك تعيشي التجربه من تاني .. العشق زي واحد مدمن المخدرات وبقي ف حاله مفيش منها علاج يـ هيفضل كده مع المخدرات دي يأمَّ هتغدر بيه وهيموت بجرعه زياده .. العشق ده بيكون خلاص حاجه تخطت الحب بمراحل كتير .. الحب انتي ممكن يتقلب لكره بسهوله انما العشق هو ادمان وصعب جدا تبعدي عنه هو ده الفرق بين الحب والعشق مع امضائي "م"
لعنت حظها ان هذا او هذه اجاب في موقع "الصراحه " وهي لا تعرفها ولكنها تريد وبشده ان تعرف من صاحب الرأي هذا ولكن ما استنتجته انه يعشق البحر مثلها فـ ارتسمت ابتسامه تلقائيه علي ثغرها واخذت "اسكرين شوت" لهذا الرد الذي اسر قلبها وقامت بنشره علي صفحتها الخاصه وهي تضع فوقه "قلبين" من اللون الاحمر وتكتب بجواره "هذا هو الفرق بين الحب والعشق من وجهة نظري ايضا حقاً احببته اشكركَ او اشكركِ يا صاحب الرد المثالي واتمني ان اتعرف عليكَ او عليكِ "
اغلقت هاتفها ثم نهضت من مجلسها وهي ترتدي ثيابها ثم لفت حجابها بطريقه بسيطه وتوجهت للخارج قاصده البحر ووقفت امامه تتأمله وتتذكر ما قرأته منذ قليل فالحب والعشق لا يتشابهان الا في شئ واحد وهو الصدق بينهم والاخلاص ويزداد كل هذا عندما تعشق من تحب اغلقت عينيها وهي تستمتع بنسمات الهواء التي تلفح وجنتيها ولكنها استمعت الي همس غريب
"الفرق بين الحب والعشق مش اكتر من دوامه غريبه يا اما تبقي هاديه وتكملي لحد ما توصلي لبر الامان او دوامه عاصفه وتغرقي فيها وتموت روحك فيه وساعتها مبيكونش فيه حب اصلا "
شعرت ان جسدها تصلب من الصوت او من تلك الجُمل بالتحديد فتحت حدقيتها بطريقه سريعه وهي تلتفت خلفها وحولها ولكن لا يوجد اثراً لأحد ولكنها الأن ايقنت انه رجل وليس فتاه ابداً ولكن شعرت بخيبه أمل لكن مهلاً هو يعرفها شخصياً فهي ليس لديها اية صورٍ علي مواقع التواصل الاجتماعي اذاً هو يعرفها معرفه شخصيه واتي السؤال من يكون هذا لأنها ليس لديها احد غير صديقاتها الفتيات فقط علي حسابها الشخصي اذاً من يكون!!!
..................
مر أسبوع علي هذا الحل وقد تناست امر ذلك الشاب وبدأت تتعايش بتلقائيه مع حياتها مثلما كانت توقفت مع صديقتها امام بوابه الجامعه وهما ينتظرا اخيها حتي تذهب معه .. تحدثت صديقتها بحماس :
_تعرفي يا لين .. انا اخويا ده غريب بشكل .. يعني فجأه كده تلاقيه بيتكلم عادي وبهدوء وهوب تتنطط في وشه عفاريت الدنيا ويقلب عليا انا مالي وسبحان الله كل مره بيكون علي داده سميره الغلبانه بس بتستحمله مهو للأسف زي ابننا واخويا لازم نستحمله
ضمت شفتيها ووجنتيها تحولوا للون الاحمر من كتم صوت ضحكتها ورفعت حاجبها لصديقتها بمعني توقفي ووضعت يدها علي ثغرها فسكتت صديقتها وتحدثت بتوتر :
_في حد ورايا صح!!
حركت رأسها بإيماء اردفت الاخرى بتوتر زائد :
_اخويا مش كده!!
حركت رأسها بقوه اكبر فسألتها بقلق :
_وكان حاضر من الاول مش كده!
اغلقت حدقتيها مؤكده علي حديثها وهي تحرك رأسها بعنف فجحظت الاخري بقلق وعضت علي شفتيها وهي تستدير ببطئ وكأنها في سباق للحركه البطيئه ورأته يقف وهو ينظر اليها مقطبا حاجبيه بطريقه جعلتها تبتبسم ابتسامه بلهاء
_مزاميزو حبيب هارتي
عند هذا الحد لم تستطع لين ان تمنع ضحكتها اكثر من هذا وانفجرت ضاحكه بصوت مرتفع وهي تضع يدها علي بطنها من شده الضحك بينما الاخري قد شاركتها الضحك وهو يراقبهم بهدوء وبعد دقائق توقفوا عن الضحك وهم يقوموا بمسح دمعاتهم التي ظهرت من كثره الضحك واعتدلوا في وقفتهم نظرت اليه وجدته محدق بها فاحمرت وجنتيها تلقائيا واخفضت رأسها وهي تحادث صديقتها :
_همشي انا بقي اخوكِ جيه امشي انا
_استني نوصلك في طريقنا بدل ما تروحِ لوحدك الساعه بقت 5 ونص تعالي ومفيش نقاش يا لين يلا .. ومعاذ مش غريب يعني ولا اي يا معاذ
_شكلها بتخاف من الناس الغربه بس متخافيش انا مبعضش علي فكره
قالها بتهكم ساخر فتحدثت هي بهدوء :
_ابدا الموضوع مش كده بس ملوش لازمه التعب .. شكرا
_خلاص يا لين اتفضلي بقي ع العرييه عشان هنتأخر اكتر يلا يلا
قامت بدفعها ناحيه السياره فنظرت لين اليها بضيق ثم فتحت الباب وجلست بخجل واغلقت الباب خلفها ثم صعد الاخرين وتحركوا واعلمتهم بمكان منزلها وبعد فتره وصلت الي البيت هبطت من السياره وتحدثت بخفوت :
_متشكره يا بشمهندس علي التوصيله دي
_مش محتاجه تشكريني ده شئ واجب عليا
قالها بهدوء لم تفهم شئ مما قاله ولكنها حركت رأسها بإيجاب ثم ودعت صديقتها وصعدت الي منزلها بينما تحرك الاخر بسارته عندما تأكد من صعودها البنايه وكأنه مسؤل عن حمايتها !!
...............
مر شهرين وقد اتت الاجازه ولكن اليوم هو اسوأ يوم لها فاليوم اصر والدها علي مقابله ذلك العريس المجهول فأمام اصراره وافقت ولكن بشروطها هي .. خرجت وهي تحمل المشروبات بيدها ترتدي حجاباً وفستاناً بسيطأ او اقل من البسيط ولم تضع مستحضرات تجميل علي وجهها وضعت المشروبات علي الطاوله الصغيره ثم جلست بجوار ابيها وبعد فتره تركوها مع العريس بحجه "التعارف"
_هتفضلي تبصي علي الارض يعني ولا اي .. عندك وقت تشوفيها والله الوقت ده بتاعي انا
شعرت ان ذلك الصوت لم يكن غريب عليها رفعت عينيها بهدوء ثم جحظت بعدم تصيق هاتفه :
_بشمهندس معاذ .. هو انت عريس الغفله .. اقصد انت العريس
_ايوه يا ستي انا عريس الغفله اي رأيك
قالها بمرح فتحدثت بغباء :
_ف اي لا مؤاخذه؟؟
_انفع عريس يعني ولا اي؟؟
_هو انت تنفع بس مش ليا الصراحه انت اخو صاحبتي وكل حاجه بس معتقدش اني البنت اللي انت بتدور عليها فاانا اسفه
تنهد بهدوء وهو يتحدث بجمله صدمتها :
_الفرق بين الحب والعشق مش اكتر من دوامه غريبه يا اما تبقي هاديه وتكملي لحد ما توصلي لبر الامان او دوامه عاصفه وتغرقي فيها وتموت روحك فيه وساعتها مبيكونش فيه حب اصلا
_هو انت!!!!!!!
قالتها بصدمه فحرك رأسها بإيماء ووقف واقترب منها وتحدث بابتسامه  بسيطه :
_ايوه انا م وباينه يعني م يعني معاذ .. انتي بقي الحب اللي اتحول بالنسبه ليا لعشق من ساعه ما شوفتك في سنه اولي مع اختي لحد ما شوفتك اخر يوم ف الامتحانات وانتي احتليتي كياني كله .. استنيت انك تخلصي دراستك كلها عشان مفيش حاجه تعوق ارتباطنا وكان فرصه ليا لما سألت الفرق بين الحب والعشق اني اوضحلك انا حاسس بأي انا فعلا وقعت ف دوامه حبك وكان معايا الفرصه اني ابعد عن الدوامه دي بس لقتني عايز اعرف اكتر اكتر لحد ما عرفت عنك كل حاجه اذا كان بطرق مباشره او غير مباشره انتي كنتي محور حياتي لمده خمس سنين واكيد مكنتش هقولك كده غير زي ما الناس بتقول ادخل البيت من بابه واطلبك من باباكي لأنك متستاهليش انك تتعاملي معامله الحراميه او تغضبي اهلك وربك اذا كنت انا السبب اهو غيري لأنك احسن من انك تعملي كده .. فـ دلوقتي تقبلي بيا اكون زوج واخ وحبيب ليكي ولا هتسبيني ف دوامتي لوحدي!؟
لم تجد كلام تقوله فاخفضت بصرها للأسفل ولم تتحدث لمده طويله فـ فسر سكوتها علي انه علامه للرفض فنهض بهدوء ولكن بقلب حزين وتحرك الي ناحيه الباب ولكن قبل ان يفتح الباب سمع صوتها الذي يدمنه :
_تقبل اني اغرق في دوامتك !!

#سكريبت
#Nemo