رواية غمزه الفهد رومانسيه اجتماعيه عشق آثاره

البارت الثالث

البارت الثالث
#غمزة_الفهد #حب_بالمصادفه
#ياسمين_الهجرسي
----------------------
رواية(غمزة الفهد حب بالمصادفه)  مسجله حصرى بأسمى ياسمين الهجرسى  ممنوع منعا باتا النقل أو الاقتباس أو النشر فى اى موقع أو مدونه أو جروب او صفحه حتى ولو شخصيه من دون اذنى ومن يفعل ذلك يعرض نفسه للمسأله القانونيه
-------------------------

سبحان الله وبحمده✨️سبحان الله العظيم
-----------------------

غيرة الراجل نار في مَرَاجِل......
نار بتنوّر مابتحرقش......
واحنا صعايدة بنستحملش.....
شمسنا حامية..... وعِرْقنا حامي..... وطبعنا حامي ..... واللي تخلّي صعيدي يحبها.... يبقى يا غُلْبها.......

آه من عاشق ولهان أضناه الهوى فى عشق محبوبه وبات فى هوس عشقه يتلظى جنونه .. لا تحاسبوه على غيرته وظنونه .. فوالله ما للقلب حيله فى عشق محموم بالغيره ........

بهدوء ما يسبق العاصفه وبأقصى درجات ضبط النفس، كتم ألسنة النيران المستعره بصدره، وأمسكها بعنف من رثغها يضغط عليها بقوه  يُعَنَفها قائلا  :
-- بقولك أيه أنا كنت عاوز أكلمك في الموضوع ده كويس أنك فتحتيه عشان نرتاح كلنا...

أطلق زفره مؤلمه كانت حبيسه صدره لسنوات وتابع :
-- أنا بغير عليكي من نفسي.. فمبالك من ابنك.. ما تزوديهاش بقي وعدى يومك.. أنا بقولك أهو وبنبه عليكى أياكي يا"هنايا"  تعملي معاه زى ما كنتى بتعملى زمان قبل ما يسافر..

جز على أنيابه وتابع تحذيراته بعصبيه :
-- أنا بحظرك لآخر مره ممنوع تأكليه .. وممنوع يشيلك زى زمان.. كان وقتها في ثانوى وكنت بسكت بالعافيه.. دلوقتي كبر ومش هقدر أسيطر علي نفسي.. وهولع فيكي وفيه وفي نفسي.....

تفهمت غضبه وعصبيته ولكن سكنت عينيها رُقاقات من الدموع بسبب حدة إمساكه لرثغها همست بأنين :
-- وجعت أيدى يا"سعد" أهون عليك كده ..
طأطات برأسها تنظر لموضع يده بألم لتفيض الدموع منهمره تستغيث منه وتلجأ إليه.....

فزع "سعد" من هيئتها فهو بدون وعى كان السبب فى ألمها نظر لموضع يده على رثغها ليستشعر فداحة ما فعله بها أردف بأسف :
--  أنا آسف .. بس أنا بغير عليكي مش من "فهد" بس لا حتي من البنات ..  لما كان يبقي اسبوع "مكيده" وتروحي تباتي مع بناتك في أوضتهم  أو هما يباتوا معاكي في أوضتك .. كنت ببقي نايم في نار وأفضل أفكر مين اللي نايم في حضنك وانتي ضمها أزاى.....

استطرد يقص عليها لوعة عشقه لها
--  أنا اكتشفت أني معرفتش معني الحب ألا لما شفتك وحبيتك .. وحتي المرحومه أم "فهد" رغم أنها بنت عمي ومتربيه معايا .. وكنت متخيل اني حبتها حتي لما ماتت كنت حاسس أني هموت معها .. بس لما قابلتك واتجوزتك وعرفتك اتأكدت أني عمر قلبي ما حب غيرك .. ولا عرف معني الحب اللي معاكى......

سحب يدها يلثمها برفق عدة لثمات هاتفا :
--  سامحيني
ثم ضمها لاحضانه بتملك يود لو يواريها عن العيون لتكون رؤيتها مقصوره عليه هو وحده.......