رواية غمزه الفهد رومانسيه اجتماعيه عشق آثاره

البارت الأربعين

البارت الأربعين
#غمزة_الفهد #حب_بالمصادفه
#ياسمين_الهجرسى
--------------
رواية(غمزة الفهد حب بالمصادفه)  مسجله حصرى بأسمى ياسمين الهجرسى  ممنوع منعا باتا النقل أو الاقتباس أو النشر فى اى موقع أو مدونه أو جروب او صفحه حتى ولو شخصيه من دون اذنى ومن يفعل ذلك يعرض نفسه للمسأله القانونيه
--------------------
سبحان الله وبحمده✨️ سبحان الله العظيم
------------

مساء ليلة زفاف شباب عائلة الراوى انتهت أمسية فرحهم بسعاده عارمه وبدأوا فى الانصراف، أول من انطلق يغادر القاعه ليكون فى إستقبال أحفاده أمام الدوار كانت سيارة الحج عبدالجواد الراوى وزوجته الحجه راضيه، مضى القليل واصطفت السياره ومن خلفها السياره المحمله بالغفر، هبط الجد الراوى ومن خلفه الجده راضيه، وقفوا اثنتيهم يتطلعوا للدوار وأنوار المصابيح المشتعله تضيئ معبره عن أجواء الفرحه التى تحتل الدوار بعيون تشع سعاده طالما تمنوا هذا اليوم منذ زمن..

هنيهه و تحسست الحجه راضيه بأنفها تشمشم كالقطط بعد أن استدعى انتباهها رائحة شياط كريهه، جعدت وجهها بنفور وحولت بصرها لزوجها تقول بتقزز
-- كنى شمه ريحه عفشه ياحج فى ريحة شياط

لم يتفهم معنى حديثها فعقب باستفهام
-- ريحة أيه اللى عفشه... الدنيا رايجه وزى الفل والمشاوى خلاصنه من العصر وسبجت عالجاعه

هزت رأسها تستنكر كلامه وهى ترفع رأسها تنظر لداخل الدوار بتركيز، شهقت بفزع وهى تلاحظ خروج الدخان من شقق أحفادها..
التفت له تقول بصراخ
-- يامرارى شجج العيال بتولع الحجنا ياحج الدنيا بتخرب

نظر الحج الراوى لما تنظر اليه بهلع، سرعان ما أخرج من جيب جلبابه الصعيدى سلاحه وأطلق بعض الذخيره الناريه جعلت الغفر يأتوا مهرولين فزعيين من صياح كبيرهم وهو يقول بغضب
--  انت يابهيم منك ليه كنتم فين والدوار بيولع.. فز منك ليه اطلع شوفوا النار ديه طلعه منين...

ندبت الحجه راضيه بنواح
-- يافرحة ما تمت خدها الغراب وطار.. كنك يابت الحرام مش ناويه تجيبها لبر.. كتبتى نهايتك بيدك ياحزينه..

حدقها الحج الراوى بنظره مبطنه هل ما تقصديه صحيح
أومات له الحج راضيه بنعم
-- مين مستكتر علينا الفرحه غيرها.. ومين مش لادد على هواه الجوازه غيرها.. وهى الوحيده اللى جعده فى الدوار مهملتوش وكنها كانت رسمه ومخططه كيف تخربط فرحتنا...
______________

●فلاش باك♡●

فى غرفة مكيده بعد تأكدها من مغادرة الجميع للدوار والغل يأكل قلبها لا يروق لها فكرة تلك الزيجه، ظلت تأخذ الغرفه ذهابا وإيابا والأفكار الشيطانية تلمع برأسها، وفجأه استوقفتها فكره خبيثه تنتقم منهم بها وتطفئ فرحتهم
حدثت نفسها بكبر وعجرفه
-- هى دى أنا هولع لهم فى الشجج ويبجى يافرحة ماتمت ياهنيه الشجج اللى اتشمللتى وهندستى وظبطى فيها هخليهالك كوم تراب توجفى عليه واشوف الحزن مالى عينك وكاسر جلبك على حبيبك وهو واقف مجهور جلبه جنب عروسته.. وارجع الخايب ابنى لحضنى من تانى.. مهو مش بالساهل ههملهولك تلفيه تحت بطاطك وتبجى كده كوشتى على العيله كلاتها وانا اجف اتفرج على فرحتكم بيد متكتفه.. الله فى سماه مايحصل وتدوجوا فرح طول ما انا على وش الدنيا..