رواية غمزه الفهد رومانسيه اجتماعيه عشق آثاره

الحلقة السادسة والثلاثون

البارت السادس و الثلاثون
#غمزة_الفهد #حب_بالمصادفه
#ياسمين_الهجرسى
--------------
رواية(غمزة الفهد حب بالمصادفه)  مسجله حصرى بأسمى ياسمين الهجرسى  ممنوع منعا باتا النقل أو الاقتباس أو النشر فى اى موقع أو مدونه أو جروب او صفحه حتى ولو شخصيه من دون اذنى ومن يفعل ذلك يعرض نفسه للمسأله القانونيه
--------------------
سبحان الله وبحمده✨️ سبحان الله العظيم
---------------

صباح يوم كتب كتاب فهد وشوار غمزه.. مع اقتراب الوقت من الظهيره، صعدت "هنيه" لغرفة "ريان" كى تحثه على الاستعجال ليساند أخيه..
طرقت الباب وانتظرت حتى سمح لها بالدخول، غصت فرحتها وهى تراه يقف أمامها بوجه عابس
-- صباح الخير ياريان يابنى
عامل أيه شكلك منمتش كوبس

أجابها وهو يلثم كفيها بود
-- الحمد لله ياأمى كل اللى يجيبه ربنا خير أنا غلط ولازم اتحمل غلطى.. كل اللى بتمناه أن ربنا يغفر لى وميكنش عقابى ببعدها عنى..

مسدت بحب على رأسه
-- ربنا يرضى عنك يابنى ويراضيك باللى بتتمناه.. متزغلش نفسك ربنا هيحلها بإذن الله

أغمض ريان عينيه يتنهد باشتياق لتحقيق أمنيته الوحيده.. ولكن مع ما حدث باليلة امس بات مستحيل..
هتف بأسى
-- شكلها بتتعقد ياأمى بسنت شافت الحيوانه دى وهى بتحضنى.. وشها أسود وخدت فى وشها من غير ولا كلمه.. ورجعت معاه لنقطة الصفر بعد ما كانت هديت من ناحيتى..

رتبت هنيه على صدره بعطف
-- انسى إلى حصل امبارح متفكرش فيه.. كل عقده وليها حلال وبنت الأفاعى دى صرفتها عندى.. ولو على أمك متشيلش همها.. وان كان على بسنت دى غيره طبيعيه لو إحساسى صح قليها بدأ يلين.. كله هيمشى بأمر الله زى ما احنا عايزين بس بالصبر ياحبيبى..

أفرجت هنيه شفتيها بابتسامه عذبه
-- يالا روح اطمن علي أخوك وشوفه جهز عشان يروح يجيب عروسته وتقف تسانده وتفرح معاه..

وكأن لديه قرون استشعار دلف فهد ملبى ندائها يصيح بسعاده:
-- جاهز يا ست الكل هو أنا أقدر أتاخر على غمزتى..

هنيه بحب :
-- الله أكبر عليك ياقلب أمك يارب تعيش وتتهنى ياحبيبى والسعاده ما تفارق قلبك.. يالا خد أخوك وروح جيب عروستك بنات التزيين على وشك يوصلوا..

صاح ريان بمرح
-- الليله ليلتك ياباشا فاضل تكه على نهاية السكه وتدوق العسل

صفعه فهد على مؤخرة رأسه
-- بطل يامنحرف أمك واقفه.. من كتر صُحبتك الهباب ديما لسانك مبيعرفش يفرمل..

تلاعب ريان بحاجيبه مردفا بمشاكسه رغم حزنه
-- ياعم هنون منا وعلينا ياريت كل الأمهات زيها فى طيبة قلبها.. تحسها أختك وصحبتك مش أمك خالص.
بذمتك ياهنون أنتى بتزعلى من كلامى..
قالها وهو يضم منكبيها بحب

رتبت هنيه على وجنتيه تبادله محبته
-- أنتم ولادى وأخواتي وعزوتي وضهرى .. أنا معاكم فى حزنكم قبل فرحكم .. أنا سعادتى لما أشوفكم مبسوطين .. عمرى ما أزعل من حد فيكم واحلى وقت عندى لما تقعدوا تفضفضوا معايا وكل واحد يخرج اللى فى قلبه من غير قيد ولا شرط .. اللى بينا أكبر من أم وولادها أنتم عمرى اللى راح واللى جاى.. هزاركم ودلعكم أحلى وقت بيعدي عليا فى يومى..
تحدثت وهى تجذب فهد لأحضانها تمسد على ظهره بحنو
بالكلمه الطيبه والمعامله الحسنه دوما تستحوذ على محبة أبناء زوحها، سعادة الشباب لا توصف من جمال قلب هنيه، كلا منهم جذب رأسها يلثمها بسعاده على نعمة وجودها بحياتهم..