رواية غمزه الفهد رومانسيه اجتماعيه عشق آثاره

البارت الحادى والعشرون

البارت الواحد والعشرون
#غمزة_الفهد #حب_بالمصادفه
#ياسمين_الهجرسى
--------------
رواية(غمزة الفهد حب بالمصادفه) مسجله حصرى بأسمى ياسمين الهجرسى ممنوع منعا باتا النقل أو الاقتباس أو النشر فى اى موقع أو مدونه أو جروب او صفحه حتى ولو شخصيه من دون اذنى ومن يفعل ذلك يعرض نفسه للمسأله القانونيه
--------------------
سبحان الله وبحمده✨️ سبحان الله العظيم
------------------

مَن قال بأن الأشياء الثمينة يجب أن تكون ماديّة و ملموسة؟!
إن أعظم و أثمن الأشياء التي قد يظفر بها الإنسان لا يلمس كيانها بيديه.. بل يستشعرها في أعماقه
كالطمأنينة ، السعادة ، الرِضا ، السلام ، السَّكينة ، البهجة ، الثقة ، الراحة.. هي أشياء لا تُشترَى......

فى صباح يوم جديد تهل بشاير خيوط الصباح الذى يحمل فى جدائله أمل جديد ينعش القلوب التى أرهقها الحزن، ويوارى خلفه عتمة ليل موحشه، لعل قدرهم يبتسم وتتبدل الأحوال..

استيقظت "هنيه" بتثاقل ترفرف بأهدابها تحث جفونها على الإفراج عن مقلتيها عندما سمعت صوت "ريان" يهتف بمزاح متغزلا بهم:
-- يا جمال الرومانسيه إيه الجمال ده تعرفي يا هنون نفسي اتجوز ست زيك الاقيها فين...؟؟

حمدت "هنيه" ربها على استيقاظه بصحه جيده هاتفه تجاريه فى حديثه:
-- اتقي ربنا فيها وعاملها باحترام واعشقها بكل دقه في قلبك.. هتلاقي زى واكتر بس اياك في يوم من الأيام تكسرها حتي لو قدام نفسها مش قدام حد غريب عنكم.. وهتلاقيها تعشقك وتصونك وتشيلك علي دماغها..

تابعت بغبطه تبوح بما تكنه بمشاعر لأبيه:
-- أبوك ده أنا أديله عمرى من غير ما افكر.. عمره ما كسرني ولا جرحني ولا نيمني زعلانه.. حتي لو انا اللي غلطانه عتابه ليا محترم.. عقابه ليا فيه رحمه.. غضبه مني كله حمايه.. بيحمني حتي من نفسه...

مع آخر كلماتها افرج "سعد" عن مقلتيه منتشى من حديثها الذى اثلج صدره ليفيض عشقها يتوغل بروحه مرار وتكرار حتى تغادر روحه لخالقها جذبها لحضنه يلثم رأسها قائلا بحب:
-- أنتي اللي أجمل هديه من ربنا ليا.. عمرك ما زعلتيني صينانى وصينه بيتى وولادى ربنا ما يحرمنى منك

ثم حول نظره ل ريان قائلا بحنق:
-- وانت بتعكسها يالا.. شكلي هضربك بالنار أنت والبقف التاني.. كل واحد فيكم الاقيه حضنها امتي اجوزكم واخلص منكم..

تطلع ل هنيه يتابع بأمر:
-- اعملي حسابك العيال دى مش هتتجوز في الدوار معنا انا مش هطيقهم يكلموكي كده تاني .

دفع فهد الباب دالفا للداخل مع آخر حديثه هاتفا بمشاكسه:
-- يبقي انت مستغني عنها عشان احنا مش هنسبها هنخدها تعيش معانا مش كده يا ريان.

أكد ريان على كلامه:
--- ده موضوع مفروغ منه مش كده يا امي.

هنيه بحبور عقبت عليهم:
-- طبعا ما انا مقدرش أبعد عن ولادى أصلا معاكم مين ما تكونوا.