رواية غمزه الفهد رومانسيه اجتماعيه عشق آثاره

البارت الواحد الثلاثون

البارت الواحد الثلاثون
#غمزة_الفهد #حب_بالمصادفه
#ياسمين_الهجرسى
--------------
رواية(غمزة الفهد حب بالمصادفه)  مسجله حصرى بأسمى ياسمين الهجرسى  ممنوع منعا باتا النقل أو الاقتباس أو النشر فى اى موقع أو مدونه أو جروب او صفحه حتى ولو شخصيه من دون اذنى ومن يفعل ذلك يعرض نفسه للمسأله القانونيه
--------------------
سبحان الله وبحمده✨️ سبحان الله العظيم
------------------

صباح قبل الخطوبه بيوم على مائدة الإفطار فى منزل عزت تجمعت العائله وهم يتناقشون فى ترتيب ليلة غد

هتفت أنعام وهى تطالع بسنت:
-- غمزه نزلت للعياده تطمن على صخر وفهد هيعدى ياخدها وهتروح تجيب فستانها معاه وأنتى انزلي مع أخواتك هاتى لك دريس جديد عشان تبقي برنسس النهارده .

عقبت بسنت بعدم استحسان للفكره:
-- مش مهم يا ماما هلبس أى حاجه من هنا .

عزت برفض :
-- لا يا حبيبتي مفيش حاجه اسمها مش مهم..  انزلي هاتي اللي يعجبك عقبال ما افرح بيكي.

عبدالله باستظراف فظ:
-- بس مين أعمى العين والنظر اللي هيتجوزها .

لكزه أحمد فى زراعه قائلا بغيظ:
--  الملافظ سعد يا بوز الأخص

والتف مطيباً لخاطر شقيقته
-- متزعليش يا بسنت أنتى عارفه هزاره رخم واد غتت

ابتسمت بسنت بتقبل لمشاكسة عبدالله :
-- حبيبي أنا عمرى ما ازعل منه أنا عارفه انه بيحب الهزار
قالتها ونهضت وهى تتابع
-- انا هقوم اجهز ونزله معاكم عشان هعدى على مصانع الراوى الأول اسلم شغل ترميم المعمامل البيطريه وبعدين أعدى على أحمد فى المستشفى عشان ننزل نشترى الدريس..

انعام بتمنى:
-- نفسي أشوفكم لابسين زى بعض أنت وعبدالله ياأحمد.. انزلوا مع بسنت واختاروا بدل شبابى نفس اللون وعيزاكم تروحوا عند الحلاق تظبطوا دقنكم دى .. وبعد ما تخلصوا وصلوا بسنت للبيوت سنتر عشان تتفق معهاهم يبعتوا لينا البنت بتاعة الميكب على الساعه أربعه عشان تلحق تظبطهم قبل ما فهد يجى ياخد غمزه...

عقب أحمد عليها باندهاش:
-- مش بدري أوى كده ياماما هيتعذبه الوقت ده كتير قوى..

اجابته أنعام بتروى
-- ياحبيبى مش بدرى ولا حاجه.. والبنات لازم يظبطوا حالهم قبل ما يروحو

قاطعه عبدالله بسخريه:
-- بدرى من عمرك ياخويا ده يدوب يا ابني علي ميصنفروهم.. أنت مش بتشوف العروسة بتبقي عامله ازاى..  واول ما تغسل وشها تحس أنك عاوز تجرى منها أصل يجيلك صرع..

لكزته انعام فى كتفه هاتفه :
-- صرع في عينك قليل الأدب هو أنا بناتي ينفع تقول عليهم كده يالا غور من وشي وابقي اتشتر علي اللي هتصرعك..

غمغم عبدالله وهو يراقص حاجبيه بحالميه:
-- دى زى القمر وأجمل من بناتك اللي فرحانه بيهم..