رواية غمزه الفهد رومانسيه اجتماعيه عشق آثاره

البارت التاسع والعشرون

البارت التاسع والعشرون
#غمزة_الفهد #حب_بالمصادفه
#ياسمين_الهجرسى
--------------
رواية(غمزة الفهد حب بالمصادفه)  مسجله حصرى بأسمى ياسمين الهجرسى  ممنوع منعا باتا النقل أو الاقتباس أو النشر فى اى موقع أو مدونه أو جروب او صفحه حتى ولو شخصيه من دون اذنى ومن يفعل ذلك يعرض نفسه للمسأله القانونيه
--------------------
سبحان الله وبحمده✨️ سبحان الله العظيم
------------------

علاقتى بأخى علاقة الجسد بالروح علاقه لا يمكن وصفها بأبلغ الكلمات..  هو زاوية تحتضن أوجاعى، وملجأى حين أهرب من همومى.. هو مرايةٌ لى لو كنت يوماً منكسرا انكسر لى فظهرت أنا فيها قائماً مستقيما...
ريان محدثا بها نفسه عندما استمع لصوت فهد يدوى بأرجاء الدوار..

صاح فهد وهو يهبط درجات السلم يشاهد مجلسهم..
-- ينفع كده يابيه أنا هموت من القلق عليك وأنت قاعد مع جدتك طب طمني عليك ده انا مصدقت انى شوفتك داخل بعربيتك .. نشفت من البرد وأنا قاعد مستنيك فى البلكونه وكل شويه أقول زمانه طالع وأنت قاعد تحب فى الحجه راضيه أنا هفتن عليكم وأقول للراوى الكبير هو اللى يجيب لى حقى...
تحدث بفكاهه يشوبها بعض القلق ..

هتفت الجده راضيه بحب
-- جلب جدتك ونور عينيها.. كنت نزلت جعدت ويانا ياغالى.. بعد الشر عليك متجولش كلام عفش من ده تانى.. يجعل يومى جبل يومكم ياحبايبى.. أنا عيشه بحسكم ياغوالى..
هرول نحوها فهد وجثى تحت اقدامها يقبل كفيها بحبور قائلا
-- يخليكى لينا ياست الكل ربنا يديمك على راسنا ياجدتى.. وتفرحي بعيالنا كمان..

دنت الجده راضيه تلثم رأسه هاتفه بسعاده:
-- يارب ياحبيبى اشيل عيالكم.. هو أنا فى ديك الساعه ده يوم المنى عندى اللى عيشه عشان أشوفه.. أنى اشيل عيالك أنت و ريان.. يارب يفرحنى بيكم فى ليله واحده جادر كريم..

أمن على دعائها فهد بصوت مسموع، وردده ريان بلسان قلبه..

اعتدل فهد ينهض من على الأرض قائلا بجديه:
-- غيبتك طولة طول النهار ياديب ومش هسألك ليه ولا هسألك كنت فين.. بس ياترى افتكرت علاجك فى التوهه اللى كنت فيها.. اتفاقنا أن مهما يحصل علاجك هو خلاصك عشان تقف على أرض صلبه..

رفع ريان حاحبيه بتعجب من حديث أخيه وأردف بتهكم:
-- ده على أساس أن فهد باشا سبنى دقيقه من غير ما يكون عينه عليا.. ده رجالتك كانت ماشيه ورايا خطوه بخطوه وأخرهم تصويرهم ليا وأنا قاعد تحت شجره الصفصاف.. يبقى أكيد قالولك أنى عديت على الدكتور "حسن" فى المستشفى وخدت جرعة علاجى قبل ما اسرح فى المزارع شريد...

ابتسم فهد من فطنة أخيه وكشفه للرجاله وعقب
-- ماشى ياديب أهم حاجه انت بقيت أحسن عشان أنا عيزك معايا بكرا واحنا رايحين نخطب "غمزه" البشاره جت وكنا هنروح النهارده.. بس غيابك عطل الليله..

استقام ريان قائلا بعتاب:
-- ليه ياحبيبى تأجل فرحتك.. كنت روح أنا هفرح لفرحك ياخويا..

أقترب منه فهد وجذبه عليه يحتضنه قائلا بحب
-- الفرحه من غير أخويا ناقصة ياعبيط.. أنت فرحتى وعزوتي اللى افتخر بيهم وأنا قاعد مع نسايبى..