Love Hurts [COMPLETED]

Part 61

Unicode

သူနဲ့ယွီပင်းဆိုင်ရောက်ပြီးခဏကြာမှ သူ့ ဝန်ထမ်းတွေရောက်လာကြတယ်

" ကျနော့ကိုအားမနာပါနဲ့  လွတ်လွတ်လွပ်လွပ်နေကြပါ စားကြသောက်ကြပါနော် ပြီးတော့ မွေးနေ့လုပ်ပေးကြလို့ အားလုံးကျေးဇူးပါ "

သူပြောအပြီး ဟေးကနဲ့ထအော်သံက ပျော်စရာကြီးပါ ကျဲမိန်မိန်ကတော့မပါပေမယ့် ကောရှိးချန်ရယ် ယွီပင်းရယ် သူရယ်ကတစ်ဝိုင်း ၊

အဲချိန် အဖွဲ့ထဲက ကောင်မလေးတစ်ယောက်က မူးမူးနဲ့ထမေးပါလေရော

"ရိပေါ်က ဒို့ထက်တစ်နှစ်ငယ်ပေမယ့် ဒို့မေးမယ်နော် .."

"ဟုတ် မေးပါ " သူ့မှာဘာမေးမလဲ ကြောင်အအ

"ချစ်သူရှိလား "
အဲချိန်အကုန်လုံးကအော်ကြပါလေရော

"နင်တော့ ရေခဲတုံးဖြစ်တော့မယ် မူးနေပြီ မမေးနဲ့တော့"

"နောက်နေ့ပြုတ်စော်နံတော့မယ်ဟေ့ "

"ဟေး အကုန်တိတ် ဒါကအလုပ်ခွင်မဟုတ်ဘူး personal အချိန် ကြိုက်တာမေးလို့ရတယ် ပြောလို့ရတယ် ဟီး လောင်ရှီး စိတ်မဆိုးဘူးမလား "

" အော် ...အမ်  ဟုတ်တယ်
ချစ်သူ ရှိပါတယ်"

"ဟာ သွားပါပြီ "

"ဘယ်သူလဲ "

"ဟိုမင်းသမီးများလား"

တကယ်တမ်းသူက ကုမ္မဏီမှာလဲ အနေတည်တော့ ခုလိုမျိုးပြောဖို့ဆိုတာ အဝေး သူနဲ့စကားတောင်မဟရဲကြဘူး  ဒီတစ်ယောက်ကတော့ မူးမူးနဲ့ ထရစ်ပြီ

"ကျနော့ဘက်ကပဲချစ်ရတာပါ "

"ဟေ"

အကုန်လုံးကတအံ့တဩ

"ကြီးတဲ့လူကြိုက်လား ငယ်တဲ့လူလား ပိန်တာကြိုက်လား ပုလား ရှည်လား"

တကယ့်ငရစ် ဘာတွေမှန်းလဲမသိ

"ကြီးတာကြိုက်ပါတယ်"

"...."

" သူကပိန်ပြီး အရပ်ရှည်တဲ့လူကြိုက်ပါတယ် စိတ်သဘောထားနူးညံ့တဲ့သူမျိုးပေါ့"

အကုန်လုံးဟေးကနဲ့ထအော်ကြပြီး ကောရှိးချန်ဝင်တားတော့မှ ငြိမ်သွားကြတယ် ဒါတောင်စားပြီးသောက်ပြီး ကာရာအိုကေ သွားဆိုကြသေးတယ်