(سويلفات العمة مها)
# جُمِّلْت أخلاقها
✍️كاتبة الجنوب
___________
كدتُ اسير في طريق جميل
وذلكَ الهواء العذب والمياه جارية
زرقاء، لونها واختلطه صوت امواج
مع تلك الرياح اما، انا واقف انتظر قطار الحياة
لعله يأتي لأنقاضي فأنا مرهق من حياتي...
يهل الوادم مسيت العافية عليكم يمة نرجعلكم ويه حلقة الثانية مثل مدكول هاي كاتبة اعرف طولت عليكم بس لزوم توكفنة وانتم تعرفون اكيد هاي كاتبتكم كلتلكم شنو عطلها، اي يلوليدات، نرجع نلم احفادنا ونسولفلهم سالفتنه عتيجة (قديمة) لزوم ياخذون درس من عدنة
جا هي هاي الدنيا كلها دروس استفادو من عدنه احنه لكبار لَجن كبرنه وعينة على هذا درب وهسه صار دور احفادنا نسولفلهم بطولاتنه،، اي يمه
سويلفتنه على هذا مسَجين بندر اللي كضى حياته وهو يلزك بيها،، عَبنه فقير ومن اهل الله بندر عندة بت عم بعدها زغيرة وهو دائماً مكابل(مقابيل) هل لبنية هو بعمر 10 اي يمه هيج يطلع عمره عاد كل ما تبجي يروح ركض عليها،ويسكت بيها
امها تندهله (اصيحله) وادكله روح سكت بت عمك هاي مريتك حتى من تكبر تاخذها (تزوجها) هاي عاداتنا بلوووول (بالأول) بت عم ياخذها ابن العم معدنه مرة تطلع غريب هاي حجاياتهم غبل ولد مجبور ياخذ بت عمه حتلو هي اكبر منه هو اكبر المهم يتوارثون النسل
مَت عيني على هل مكرود( كلمة شفقة) بندر احبنة لأن من يوم يومه كلبة طيب وطايح بل ويل،كبروو لويلات (ولد) وجان...
_ندسها حفيدها وكال
_ليش عبرتي سالفة زيارة وابو ركي
عمة مها لزمت العصا وضربته برجلة...
_ولك انتَ لا تنبط بس انت وين تعرف بهل سالفة
_ ههههمه بيبي (جدتي) ليش هو احنه ناسيهن ترا حافظينها ومجبورين نكعد هاي الكعدة ونسوي روحنه اول مرة نسمعها
عمة مها: ضربته على رجله وكالت انت طالع على امك العوبة ما وراك غير فتن
_بيبي شجاب هاي على هاي والله يا بيبي ضحكين
عمة مها:انجب واسمع واسكت
معليكم بهذا ملعون اخيي زامل جان مقسم الشغل على وليدات بندر مت عيني عليه جان منطي الحيوان، اكله وشربة كله عليه المكرود يطلع من الصبح للظهر ياكلة لكيمة (لقمه) ويرجع من الظهر للمغرب معندة غير الحيوان يسرح بيهن، هذا حالنا
وهاي معيشتنه ابو بندر جان قاسي على ولده سكير وكفرانه واصل لسمه، وبيوم هو يشتغل بلماطير
(ماطور مثل طراد او زورق هيج اسمه جان حملون الناس هيج نفرات يعني وسيلة نقل بحرية) بيوم حمل نفرات الاب وياا ولده لاجن (لكن) ولده بدون عقل (ترللي) ابوهم ايسولف وياا عن ولده وشلون شالعين گلب گلبة
أنت تقرأ
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
