هلو يحلوين.... 🙋♀️
وانا اكتب بالرواية وحاطة
ايدي على گلبي لأن اول مرة اكتب هيج رواية مليئه بالاحداث ما تقتصر على احد معين مثل قصة حب بين اثنين لا هل مرة غير تختلف عن باقي القصص تتحدث عن عائلة كاملة سمحولنا ندخل بيتهم ونتعرف عليهم ونشوف الحياة شلون ماشيه وياهم وناخذ العبرة منهم ونتعلم من أخطاءهم كنت اتوقع راح اشوف تعليقات تخص هاي العائلة لكن كالعادة قليل من يقرأ لكن بلحظة انشغل وما نزل الحلقة جاي اشوف كمية التهجم عليه وبلحظة النشر قليل تفاعل وين يرحون ما اعرف، اني من نوع اللي ما ادور متابعين ومكتفيه بهذا عدد وكلتها سابقاً لو كان شخص واحد قارئ راح استمر اللي اريدة منكم اذا عجبتكم شاركوها مع اصدقاءكم حتى توصل اكبر عدد حتى يقرؤن وياكم
وميروح تعبي خالي بلاش وهسه نكمل الحلقة واعتذر عن تأخير.. #احبكم
#جُمِّلْت أخلاقها
✍️كاتبة الجنوب
___&&&&___'_________&&&&&&&
خاف تاخذني اعله بستانك فرحّتي
وخاف تكبر حيرتي !
وحسنك يغرك
خاف تطشر ولك ، وشـلون المك ؟
﮼عريان السيد خلف
بقيت صافنة فكرة جيبني وفكرة توديني وما اسمعلك الا صوت عالي طفرت لزمت گلبي يمة اسم الله وحور طكتها ضحكة
قندة:_هاي اشبيج ليش هيج
حور:_ههههه صارلج ساعة لازمة صحن واكفة والجوعية اللي هناك تنتظر شمرت صينية بلكاع ما اشوف اله وطفرتي ونجحت خطتي
قندة:_امشي ولي مرة ثانية عيديها شوفي شسوي بيج
حور:_صار يا اختي
كملت السفرة ونجمعنا كلنا بس هل مرة ويانا فرد جديد بالعائلة اللي خطفت أنظارنا مثل مسلسل كدامنا هيج صافنين يمكن لأن اول مرة يدخل غريب علينا ولازم نتعايش وياا، مرت ابوي تفرق عنا بلبسها وأناقتها حتى الاكل غير لازمة خاشوكة وتاكل شوي شوي واحنة نظرب الخمسة بأيدنا باقيه فاكة حلكي (فاتحتة) واباوعلها ما أحس اله على صوتها
نرجس:_ ماما قندة ليش مجاي تاكلين
لطمت على كصتي اكيد انتبهت عليه شلون صافنة عليها وتالي من ثولي عود أريد اصحح الخطأ كالعادة عميته 🌚
قندة:_ هااا لا بس تدرين انتي حلوا وهم تاكلين بخاشوكة
نرجس:_ههههه حبيبتي مو متعلمة عند اهلي بس شوفي وعد من اليوم اكل مثلكم
_وصدك تركت الخاشوكة وبدت تاكل بأيدها حالها من حالنا يمكن لصتها من ثولي دنكت بعد ما حجيت اي شي، ابوي عندة عادة وكت الاكل ما يحجي ابد ايكول
احتراماً للأكل لو يحجي كلمة او كلمتين واحنة تعلمنه على طبعة بس اليوم غير ابتسامة ابوي مرسومة على وجها، اباوعله من زمان ما شفناا فرحان دعيت بكلبي ان شاءلله على طول هل ابتسامة مرسومة لأن يستاهل كل الخير
أنت تقرأ
جُمِّلْت... أخلاقها //باللهجة العراقية //
Gizem / Gerilimهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
