#جُمِّلْت أخلاقها
✍️كاتبة الجنوب
جاور من يمنحوك قيمتك ، و يعززّون مِن قدرك ، من يخلقون ألف سبباً للحديث معك ، مَن يغزلون خيوط الوِدّ من أجلك 💛
هم فقط يستحقون...
___________________
سالم:_ ولكم لحكووو عماد كوم وياي
عماد:_يا ستار شكو
سالم يمشي سريع معرف عليمن ادور ولك بيت ابو ضاري احتركو الحريك راح يوصلنة كووم اخذلك شي وياي كوم الخاطر ربك، قندة روحي طلعي شكو جدر جبير، ابوي ابوي كعدوو يلا يابة كوووم راحو بيها مساكين
بقينا منعرف شنسوي الكل فزع اخذت آمنة الي باقية صافنة مثل المخترعة
_اششش اسم الله حبيبتي ماكو شي
حور بقت ادك باب غرفة ابوي ،يبااا اللحك
ابو سالم:_ يا ستار شصاير
_ احتركو احتركو الحك بويه
ترك حور بدون ميعرف شصاير وراح ورا الولد
مرت ابوي طلعت لازمة ضهرها وتركض
_سترك ربي شصاير
طلعنة من بيت ونشوف الحريق كاب ونار جاي تقترب علينا ام زينب وبناتها طالعات يم الباب ويصرخن وجيران ملتمة حتى ولد عمي موجودين والكل يطفي بالحريق صوت صياح العالي وكل شوي واحد فازع
ودخان وتلطخ الجو بسواد
ابوي صاح على ام زينب وأشر على بيتنا
شوي واجت بيتنا مرت ابوي اصرت تدخل للبيت بس هي ما تقبل كاعدة تبجي
ام ضاري:_ سواها الحقير
منعرف عليمن تحجي
اباوع على النار بدت تخف شوي شوي بجهود اهل المنطقة والا ماكو لا حيدر ولا ضاري ،مرت ابوي دخلت لغرفتها ما تحملت الدخان اخذت امنة وراحت،انتبهت على زينب وجها مخربط كله جروح وملابسها مشككة
اجيت يمها
_ زنوب كافي بجي شوي راح تطفى مضل بس،قليل
كضت ايدي وضلت تبجي شبكتها ولج كافي بجي شوفي شيماء شلون مخترعة خطية وشوفي امج الي ما بطلت نوح انتي جبيرة غير
تقوينهم مو تبجين كدامهم
زينب:_والله يا قندة انتي ما تدرين سوا بينا
قندة:_ كافي كافي هسة مو وكت حجي
النار قربت تنطفي ولهناك وأجت اطفائية كملو الباقي يطفون بي، الشارع هدأ وكلمن دخل بيته راحت سيارة مكان ظلام دامس ارض سودة الي حترك سياج بينا وبينهم وكمل على بستان مالنه نص زرع احترك اباوع ابوي واكف وضايج يباوع على حرك،
وبعدين التفت شاف ام ضاري اجه صوبها وهي بعدها دموعها ما نشفت
ابو سالم:_ ام ضاري اخيتي الحمدلله بالمال ولا بلعيال ليش هل بجي تعدت سلامات؟
ام ضاري:_ والله مدري شكلك يا ابو ضاري وانت نص زرعاتك راحن
ابو سالم:_ الله عوض ام ضاري، بس كليلي شلون صارت هل حريكة
هو كال هيج وهي زادت بجي
أنت تقرأ
جُمِّلْت... أخلاقها //باللهجة العراقية //
Misterio / Suspensoهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
