جُمِّلْت... أخلاقها //باللهجة العراقية //

حلقة (1)

#جُمِّلْت أخلاقها
✍️ كاتبة الجنوب

كان يا مكان في ذلك الزمن القديم وبتحديد سنة 1952 وبيوم الكل نايم وهدوء عام الناس وبرودة الجو

ويه زخات المطر، وضوا الفانوس الخافت، ونسمع صوت صريخ خله كل واحد يطلع من صريفة،(بيوت القديمة تتكون من قصب)!!!!

_ها ولج نهيوا شكو هاي مني تصرخ

_الحكي خيه قندة متوجعه جنها وصلت ولادتها

_يااا روحي يمها اروح اجيب الجدة واجي

طبيت على قندة الوجه أصفر وحاطه هدم بحلكها
وتعصر بي وتون من ألم

_هاا خيه مبين قربت ولادة

لحكييييني راح اموت!!!!!!!!

_اسم الله عليج خيه كولي يا علي تفاولين على روحج بلموت

اخخخخخخ يمه لحكيني

_بقيت لازمه ايدها واصبر بيها وبكلبي اقرا ايات الى
أن اجت الجدة ذبت عبايتها وشكلت ايديها وزاد صوت قندة بصريخ وبكل صرخة اصيح يا داحي البال احضرني، يا علي الحكني

بقت على هذا حال اهيس بوجعها ما تحملت اشوفها هيج خليت وطلعت بقيت يم باب وصريخ بأذني وبكلبي أندب ربي العالمين واقرا ايات لهناك واختفه صوت وصار هدوء،

طفرت على سريع واسمع صوت ياهل (طفل) يصلوات محمد ولدت قندة لفلفته وأخذته ابو

_وينك زامل

اجه صوبي وابتسامته شاكه حلكه

هاا بشري ولدت

_اي يزامل صار عدكم ولييد غرت عينك يخوي
حضنه وباسه وبدا يكبر بأذنه، الله اكبر، الله اكبر
كمل وكال راح اسمي بندر على اسم شيخ عشيرتنه

_اي يخوي يستاهل شيخ بندر وان شاء الله اشوفه شيخ
_ان شاءلله يلا مهيوا دخلي يم امه لا يستبرد

_صار يخوي

أخذته يم قنده اللي ضيم ضيم حالها وبعدها تتألم الى أن نامت من تعب

محسوبتكم انا مهيوا بت اسماعيل وأخت زامل لا حسبالكم اسمي هيج لا اسمي مها بس هاي عاداتنا لازم يكلبون الاسم بحجة تعلوكة (اسم دلع) هههه باقيه عايشه ويه جناين انتضر قسمتي ، احب يهال وهما هم يحبوني،

بيتنه جبير ومتلحك ادور سنة اله وحدة من جناين جايبه وترسن بيت يهال وهم كايمات بواجباتهن امي وابوي ماتو هرفي وكت حتى ملحكو شافو احفادهم
ويوم عن يوم بدا يكبر بندر مت عيني عليه جنن

هلولييد وجها يشع من بين اخوانه اشگراني ولعيون
ملونه يدخل للكلب،احنه عايشين هيج صوب ايران
علحدود بينا وبينهم نهر هذول يهال كل ما نزلت

المدة(الوقت يكون نزول ماء نهر تسمى المد) عبرون صوب ايران وتلكى جهال كلمن حاط دهداشته بحلكة وعبرو صوبهم هههههه يهال وكحين وميخلون مجان يعتب عليهم وبندر كبر وصار شاب وقندة ما بقت