༺༺༺༺༺༺༻༻༻༻༻༻
حلقة(27)
#جُمِّلْت أخلاقها
✍🏻كاتبة الجنوب
______________بسمه تعالى ______________
في كل زاوية وفي كل الزقاق كان شاهد لحبي لها لكن ما بال عيونها لم ترى الحقيقة في عيني ام خاب ضنها بي أتظن بأني لا أشتاق وانا المتيم لها شوقاً أتظن بأني لا احبها نعم أتظاهر بأني لا أحبك لكن مابال قلبي يجرني اليك، وأبحث عنك كلي حطام ولا أحد يقم بترميمي غيرك، تسأليني عن حبكِ فأنا متيم بكِ عشقاً ام تسألين عني فأنا بصوت الكبرياء سأجيب بخير اما بصوت أختناق فقلبي يؤلمني من كل شيء..
آمنه انتي شاهد على حبنا من انتي وزغيرا لحد الآن تتوقعين هي ما حبتني تتوقعين هي فرحانة.
_شكلك يخوي غير أنساها
_شنسه هو هذا يقتنع مثل ما قنعني بحبها ودمرني دمار يقتنع لازم أنساها وأعيش حياتي وما أحلم بيها أنسه بيوم شفت خجلها وهي تنطق احبك سالم!!
لو أنسه انتظارها الي من أرجع من الصيد أشوفها وأتأمل بعيونها هواي تأملت بيهم وشفت حياتي وياها تخيلتها وهي لابسه فستان ابيض والخجل بعينها تخيلتها ب بيتي واطفالنا داير مدايرنا بس شوفي هسه لابسه فستانها الأبيض وطالعه حيل حلوا بس اليمها مو انا يمها ابن عمتي تعرفين شنو ابن عمتي، لو غريب بيها مجال ما اشوف شكله ولا أتخيله وياها بس هذا ابن عمتي من دمي ولحمي
_ومدام من دمك ولحمك إتمناله الخير ولا تنسى وكفتهم ويانا بيت عمتي هو بنفسه احمد مد ايده الك بيوم موتت امي وخلونا بيتهم هما مسوين علينا فضل لأن احتوونا بوقت محد النا
_اي وإحتونا شنو لازم نرسم تعاستنا على حسابهم لا تفكرين هيج آمنه ما كعدنا عدهم غير سنة وهذا كله من أفضال ابويه لأن ابوي ما مقصر وياهم يجيب وينطي الهم هما على بيت ابو رافد وشوفي هسه من دخلنا لسجن كلهم تكترو على صفحة لو لما ابوي طلب يزوج اكو واحد كال ننطيك مرا لو ندورلك على وحده تعيين جهالك لا خلو هو بنفسه يدور، كلهم ما بيهم خير طلعي منهم بس رافد زين، وانا ادري لو خاطب سمر هم جان ما نطوني وأعرف حججهم راح يطلعونها وهي لو تستاهل جان حاربت عليها ما تستاهل
_نوب صارت ما تستاهل
_اي ما تستاهل بس گلبي احبها شسويله ملعون مييت بيها شلون راح اقنعه ينساها
_أنساها يخوي صدك هي ما تستاهل
_حب سمر بالگلب محفور اول حب وهذا ما ينسي..
عافني ومشى دنيا غربت وزفة مشت هي فرحانه بشكلها وبفستانها ابيض وب أحمد وبمنصبه وجاها راح عيشها أميرة، بس كسرت گلب اخوي الي ضايع ومحتار وعايش على أثر احلام بناها بس هاي احلام تحطمت بس الزمن راح يرمم احلام وتنبي على حساب ثاني لأن الدنيا ما تنبني على شخص واحد، ذكرت امي نرجس وهي ادكول اذا تردين شي ايصير رفعي ايديج لسمه وادعي ربج واحجيله تردي لأن هو يسمعج وهو يدبر امورنا
أنت تقرأ
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
